ព័ត៌មានថ្ងៃនេះ អភិបាលខណ្ឌព្រែកព្នៅគម្រាមចុះរុះរើផ្ទះពលរដ្ឋពីរគ្រួសារបើមិនព្រមយកសំណង (វីដេអូ)លោក វ៉ា គឹមហុង៖ កម្ពុជានៅរង់ចាំការផ្ទៀងផ្ទាត់ជាចុងក្រោយជាមួយផែនទីពីបារាំង (វីដេអូ)មន្រ្តី​រដ្ឋាភិបាល​ថា​ភ្នំពេញ​ត្រូវ​បាន​​ពង្រីក​ផ្ទៃក្រឡាទៅដល់ជាង​៦០០គីឡូម៉ែត្រការ៉េ​​កសិករចិញ្ចឹមមាន់តាមបែបធម្មជាតិនៅស្រុកទឹកផុស ខេត្តកំពង់ឆ្នាំង (វីដេអូ)លោក វ៉ា គឹមហុង ​ថា​លោក​មិន​ដឹង​ថាតើ​​មាន​ផែនទីតម្កល់នៅអង្គការ​សហប្រជាជាតិឬ​យ៉ាងណាកម្មករនិងអ្នកលក់ដូរសម្តែងការព្រួយបារម្ភក្រោយបិទរោងចក្រយូណាយធីត (វីដេអូ)លោក វ៉ា គឹមហុង ថាតំណាងរាស្រ្តសង្រ្គោះជាតិ​កំពុងតែ​ញុះញង់​ឲ្យ​មាន​អស្ថិរភាព​សង្គម​មនុស្សជាច្រើន​រយ​នាក់អាច​ស្លាប់ដោយសារ​ក្រឡាប់ទូក​នៅឈូង​សមុទ្រ​លី​ប៊ី​ថៃ​កំពុង​កសាង​ផ្លូវ​រថភ្លើង​ឆ្លងកាត់​កម្ពុជានិង​វៀតណាម​​គ្រួសារ​យោធិន​នៅក្នុង​ខណ្ឌ​ព្រែក​ព្នៅ​មិន​ព្រម​ទទួលយក​សំណង​ជា​ថ្នូរ​និង​ការរុះរើ​ផ្ទះ​

ថ្ងៃសៅរ៍ ទី29 សីហា 2015
អំពីវីអូឌី | ទំនាក់ទំនង

ព័ត៌មានថ្មីបំផុត

ព័ត៌មានក្នុងប្រទេស

មើលព័ត៌មានក្នុងប្រទេសទាំងអស់
  • មន្រ្តី​រដ្ឋាភិបាល​ថា​ភ្នំពេញ​ត្រូវ​បាន​​ពង្រីក​ផ្ទៃក្រឡាទៅដល់ជាង​៦០០គីឡូម៉ែត្រការ៉េ​​

    ថ្ងៃសុក្រ ទី28 សីហា 2015, 04:51 PM

    មន្រ្តី​រដ្ឋាភិបាល​លើក​ឡើង​ថា​រាជធានីភ្នំពេញត្រូវ​បាន​ពង្រីកផ្ទៃក្រឡា​ស្រប​​តាម​កំណើន​​របស់​ប្រជាជន​ ដោយ​​​​បាន​ផ្លាស់ប្តូរ​ពី​ផ្ទៃក្រឡា​ជាង​៣០០គីឡូម៉ែត្រមក​ជាង​៦០០គីឡូម៉ែត្រការ៉េ។​ អ្នកនាំពាក្យ​ទីស្តីការគណៈរដ្ឋមន្រ្តី លោក ផៃ ស៊ីផាន បានស​រសេរ​នៅ​លើ​ហ្វេស​ប៊ុករបស់​លោក​នៅថ្ងៃសុក្រ​នេះ​ថា​ទី​ក្រុង​ភ្នំ​ពេញ​​ត្រូវ​បាន​ពង្រីក​​ផ្ទៃ​ក្រឡា​ធំ​ពី៣០០គីឡូម៉ែត្រក្រ​ឡា​ទៅ​៦៧៨​គីឡូម៉ែត្រ​ក្រ​ឡា​។ អ្នក​នាំ​ពាក្យ​សា​លា​រាជ​ធានី​ភ្នំ​ពេញ​ លោក​ ឡុង ឌីម៉ង់​ មាន​ប្រ​សាសន៍​ថាការ​ពង្រីក​ក្រុង​នេះ​ដោយ​សា​រ​តែកំណើន​ប្រ​ជា​ជន​និង​ហេ​ដ្ឋា​រេចនា​សម្ព័ន្ធ​​ រោង​ចក្រ​ស​ហ​គ្រាស​នៅ​រាជ​ធានី​ភ្នំ​ពេញ​។ លោក​បន្ត​ថា​​ពី​មុន​រាជធានី​ភ្នំ​ពេញ​មាន​ផ្ទៃ​ក្រ​ឡាជាង៣០០​គីឡូម៉ែត្រ តែ​ឥឡូវ​រាជ​ធានី​ភ្នំ​ពេញ​បាន​ពង្រីក​ផ្ទៃ​ក្រ​ឡា​ទៅដល់​៦៧៨គីឡូម៉ែត្រ​​ក្រឡា តាមរយៈ​ការ​​កាត់​ឃុំ​ចំ​នួន​៩ក្នុង​​​ខេត្ត​កណ្តាល​មក​ធ្វើ​ជា​ដី​របស់​រាជធានីភ្នំពេញ​។​ កាលពីថ្ងៃ​ទី​១៤ខែវិច្ឆិកា ឆ្នាំ​២០១៤ អភិបាលរងរាជធានីភ្នំពេញ លោក អៀង អូននី  មាន​ប្រសាសន៍ថា​ ភ្នំពេញ​មា​នប្រជាជនស្នាក់នៅជាអចិន្រ្តៃយ៍ប្រមាណ១,៥លាននាក់និងអ្នកធ្វើការប្រមាណ៨០ម៉ឺ​ន​នាក់៕​ សរសេរ​មក​កាន់​ លោក​ ឆុង​ ស៊ីណាន តាម​រយៈChhong.sinan@yahoo.com

    [អានបន្ត]
  • លោក វ៉ា គឹមហុង ​ថា​លោក​មិន​ដឹង​ថាតើ​​មាន​ផែនទីតម្កល់នៅអង្គការ​សហប្រជាជាតិឬ​យ៉ាងណា

    ថ្ងៃសុក្រ ទី28 សីហា 2015, 04:15 PM

    ប្រធានគណៈកម្មាធិការ​ទទួល​បន្ទុក​កិច្ច​ការ​ព្រំដែន លោក វ៉ា គឹមហុង អះអាង​ថា​លោក​មិន​បាន​ដឹង​ច្បាស់​ថាតើ​ព្រះបរមរតនកោដ្ឋ​ពិត​ជាបាន​ដាក់ផែន​ទី​កម្ពុជា​តម្កល់នៅអង្គការ​សហប្រជាជាតិ​កាលពីទសវត្សរ៍៦០​ឬ​យ៉ាងណា។​ មាត្រា​២​នៃ​រដ្ឋធម្មនុញ្ញ​ចែង​ថា​បូរណភាព​ទឹកដី​របស់​ព្រះរាជាណាចក្រ​កម្ពុជា​​​មិន​អាច​រំលោភ​បាន​ដាច់​ខាត​ក្នុង​ព្រំដែន​របស់​ខ្លួន​ដែល​មាន​កំណត់​​ក្នុង​ផែនទី​ខ្នាត​១/១០០.០០០​ធ្វើ​នៅ​ចន្លោះ​ឆ្នាំ​១៩៣៣​-១៩៥៣ ហើយ​​ដែល​ត្រូវ​បាន​ទទួល​ស្គាល់​ជា​អន្តរជាតិ​នៅ​ចន្លោះ​ឆ្នាំ១៩៦៣-១៩៦៩។ ក្នុង​សន្និសីទសារព័ត៌មាន​នៅរសៀលថ្ងៃសុក្រ នៅទីស្តីការគណៈរដ្ឋមន្រ្តី លោក វ៉ា គឹមហុង មាន​ប្រសា​សន៍​កាលនោះ លោក​គ្រាន់​តែ​ជា​មន្រ្តី​មួយ​រូប​នៅក្រសួង​ការ​បរទេស​កម្ពុជា ដែល​លោក​ថា​​មិន​បាន​ដឹង​ពី​ការ​ចេ​ញ​ចូល​ឯក​សារឬ​ផ្ញើ​ឯក​សារ​ទៅ​ក្រៅ​ប្រទេស​នោះទេ។ លោក​បញ្ជាក់​ថា​លោក ហួត សម្បត្តិ អតីតរដ្ឋលេខាធិការក្រសួងការបរទេសជា​អ្នក​ដឹង​ពី​ការ​ចេញ​ចូល​ឯក​សារទាំងនោះ។​ លោក​បញ្ជាក់​ថា៖ “យើង​អត់​ហ៊ាន​ថា​លោក[សម្តេច​តា​]​ផ្ញើ​ឬ​មិន​ផ្ញើ”។ លោក​បន្ត​ថា​លោក​គ្រាន់​តែ​ឭ​ការ​និយា​យ​តៗគ្នា។ លោក វ៉ា គឹមហុង ​អះអាង​បែ​បនេះ​ស្រប​ពេល​ដែល​អង្គការ​សហប្រជាជាតិ​មិន​ទាន់​រក​ផែនទី​​ដែល​រដ្ឋាភិបាលកម្ពុជា​​​បា​ន​ស្នើ​សុំ​កាលពីកន្លងមក។ អង្គការ​សហប្រជាជាតិ​បានផ្តល់ផែនទី​១៨ផ្ទាំង​មក​កម្ពុជា ដែល​អ្នកជំនាញ​រដ្ឋាភិបាល​អះអាង​ថា​ជា​ផែនទី​ទម្លាក់គ្រាប់បែក​របស់​អាមេរិក​ តែ​ថា​ផែនទី​បោន​ដូចផែនទី​ដែល​រដ្ឋាភិបាល​កំពុងប្រើប្រាស់​ គ្រាន់​តែ​មាន​ការ​គូស​បន្ថែមសម្រាប់ទម្លាក់គ្រាប់បែក។​ ប្រធាន​ក្រុម​ស្រាវជ្រាវ​កិច្ច​ការ​ព្រំដែន​នៃ​រាជ​បណ្ឌិត្យ​សភា លោក​ សុខ ទូច ធ្លាប់មានប្រសាសន៍ថា​៖ “ដោយ​សារ​តែ​ប្រវត្តិសាស្រ្ត​និយាយ​តៗគ្នា​ថា​យើង​បាន​តម្កល់​ផែនទី​នៅឆ្នាំ​១៩៦៣-១៩៦៩ តែ​តាម​ពិត​៦៣ដល់៦៩នេះ​ គឺ​ជា​ផែនទី​ទម្លាក់គ្រាប់​បែក​ដែល​បាន​ឈ្លាន​ពាន​ ហើយ​គេ​បាន​ប្រាប់ថ្ងៃ​ខែ​ឆ្នាំ​ដែល​ទម្លាក់គ្រាប់បែក…”។ កាលពី​ថ្ងៃទី​៣ ខែ​សីហា ឆ្នាំ​២០១៥ លោក​នាយក​រដ្ឋ​មន្ត្រី​ ហ៊ុន សែន បាន​ថ្លែងថា​លោក​នឹង​លុប​ចោល​កិច្ច​ព្រម​ព្រៀង​ជាមួយ​វៀតណាម​ ប្រសិន​បើ​មាន​ការ​វិសោធនកម្មរដ្ឋធម្មនុញ្ញ​មាត្រា​២ពី​ការ​ប្រើ​ប្រាស់​ផែនទី​ខ្នាត​១/១០០.០០០ទៅ​ជំនួស​ថា​កម្ពុជា​ប្រើ​ប្រាស់ផែនទី​ខ្នាត​១/៥០.០០០វិញ។​​ លោក​បញ្ជាក់​ថា​៖”បើ​សិន​​ជា​រដ្ឋធម្មនុញ្ញ​បាន​ចែង​ថាផែនទីនៃ​ព្រះរាជាណាចក្រកម្ពុជាប្រើ​ប្រាស់​ផែនទីខ្នាត១/៥០.០០០ខ្ញុំព្រះករុណា​ក៏​សុខចិត្ត​លុបចោល​កិច្ច​ព្រមព្រៀង​​សន្ធិសញ្ញា​ជាមួយ​ វៀតណាមដែរ។ តែ​មាត្រា​ទី​២នៃ​រដ្ឋធម្មនុញ្ញ​គេ​ឲ្យ​ប្រើថាផែនទីអធិបតេយ្យ​របស់កម្ពុជា​ មាន​ចែង​នៅក្នុ​ង​ផែនទីខ្នាត​១/០០.០០០បោះពុម្ពក្នុង​ចន្លោះឆ្នាំ​​១៩៣៣-១៩៥៣ដែលអន្តរជាតិទទួល​​ស្គាល់​​​​៦៣-៦៩”។ កន្លងទៅ លោកនាយក​រដ្ឋ​មន្ត្រី ហ៊ុន សែននិង​ប្រ​ធាន​គណបក្ស​សង្រ្គោះជាតិ លោក សម រង្ស៊ី បាន​​បង្ហាញ​​​យោបល់​ផ្សេងគ្នា​ទាក់​ទង​ទៅ​នឹង​ការ​ធ្វើ​វិសោធនកម្ម​​រដ្ឋ​ធម្មនុញ្ញនៃ​ការ​ប្រើ​ប្រាស់ផែនទី​សម្រាប់​​បូរណ​ភាព​ទឹក​ដីកម្ពុជា។​ ចំណែក​ប្រ​ធាន​គណបក្ស​សង្គ្រោះ​ជាតិលោក សម រង្ស៊ី​ បាន​ថ្លែង​ថាការ​កែប្រែមាត្រា​២នៃ​រដ្ឋ​ធម្មនុញ្ញ​អាច​ធ្វើ​ឡើង​ក្នុង​ករណីដែល​ការ​កែ​ប្រែ​នោះ​បាន​ផ្តល់​ផល​ចំណេញ​ដល់​ប្រ​ទេស​កម្ពុជា។ លោក​ថា​បើ​សិនជា​កែរដ្ឋ​ធម្ម​នុញ្ញ គឺកែ​ឆ្នាំ​ មិន​មែន​កែ​ខ្នាត​ផែន​ទី​នោះ​ទេ។ លោក​មាន​ប្រសាសន៍ថា​៖ “​អញ្ចឹង​យើង​គួរ​ណាស់​យក​ផែន​ទី​ពីដើមទីមក​រហូត​ដល់​ឆ្នាំ​១៩៥៣ នៅ​ឆ្នាំ​១៩៥៣​ប្រ​ទេស​កម្ពុជា​បាន​ទទួល​ឯករាជ្យនិង១៩៥៤ គឺប្រទេសវៀតណាម​បាន​ទទួល​ឯករាជ្យ​ អ៊ីចឹង​​គឺ​បារាំង​បានបញ្ចប់​ការងារ​របស់គេ​នៅ​ឆ្នាំ​១៩៥៣-៥៤​ហ្នឹង មិន​ចាំ​បាច់​កំណត់​ថា​ចាប់ពី​ឆ្នាំ១៩៣៣​ទេ គឺ​ឲ្យ​វាទូលំទូលាយ​បន្តិច”៕​ សរសេរមកកាន់លោក ស៊ុន ណារិន តាមរយៈsun_narin@vodhotnews.com 

    [អានបន្ត]
  • លោក វ៉ា គឹមហុង ថាតំណាងរាស្រ្តសង្រ្គោះជាតិ​កំពុងតែ​ញុះញង់​ឲ្យ​មាន​អស្ថិរភាព​សង្គម

    ថ្ងៃសុក្រ ទី28 សីហា 2015, 03:36 PM

    ប្រធានគណៈកម្មាធិការកិច្ច​ការ​ព្រំដែនកម្ពុជា​ លោក វ៉ា គឹមហុង នៅរសៀលថ្ងៃ​សុក្រនេះ បាន​ច្រាន​ចោល​ការ​ចោទប្រកាន់​របស់​តំណាងរាស្រ្ត​គណបក្ស​សង្រ្គោះជាតិ លោក អ៊ុំ សំអាន ថា​កុហក​និងបន្លំ​ការថ្លែង​របស់​​​លោក​ ដោយ​អះអាងថា​ការ​លើក​ឡើង​នេះ​កំពុង​តែ​ញុះញង់​ឲ្យ​មាន​អស្ថិរភាពសង្គមនិង​មិន​អាច​អត់​ឱន​បាន​នោះទេ​។​ កាលពីថ្ងៃ​ព្រហស្បតិ៍ តំណាងរាស្រ្ត​គណបក្ស​សង្រ្គោះជាតិ លោក អ៊ុំ សំអាន បាន​ប្រកាស​ថា​លោក​រក​ឃើញ​​​ផែនទី​ចំនួន​២៦ផ្ទាំង​ដែលលោកអះអាង​ថា​ជា​ផែនទីបោន​និង​ពុំមានត្រាវៀតណាម ហើយ​​​​ព្រះបរមរតនកោដ្ឋ​តម្កល់ទុក​នៅ​សហរដ្ឋអាមេរិក​កាលពីឆ្នាំ​​១៩៦៤។ លោក អ៊ុំ សំអាន បញ្ជាក់​បន្ថែម​ថា​៖ "លោក វ៉ា គឹមហុង កុហកថាគាត់ម​កយកផែនទីនៅទីនេះជាន់ទី៥។ តាមពិតផែនទីនៅជាន់ក្រោមដី(សូមមើលReading Room) មិនមែននៅជាន់ទី៥ដូចលោក វ៉ា គឹមហុង និយាយឡើយ។ ប្រហែលជាគាត់មិនបានមករកផែនទីនៅទីនេះទេ ហើយគាត់ប្រើតែផែនទីយួនអមសន្ធិសញាឆ្នាំ១៩៨៥ប៉ុណ្ណោះ”។ ក្នុង​សន្និសីទសារព័ត៌មាននៅ​ទីស្តីការគណៈរដ្ឋមន្រ្តី លោក វ៉ា គឹមហុង មានប្រសាសន៍ថា​លោក​មាន​ផែន​ទី​ដែល​លោក អ៊ុំ សំអាន ទើប​រក​ឃើញនៅ​បណ្ណាល័យ​សភាអាមេរិក ​ជាង​១២ឆ្នាំ​មកហើយ។ លោក​បន្តថាលោក​មិន​ដែល​បាន​និយាយ​ថា​ផែន​ទីនោះ​ស្ថិតនៅជាន់ទី​៥នៃ​បណ្ណាល័យ​សភាអាមេរិកនោះទេ ដោយ​គ្រាន់​​តែ​ថា​ផែន​​ទី​នោះមាន​នៅ​ក្នុង​​បន្ទប់​នៅ​ជាន់ទី​៥​នៃ​​ការិយាល័យ​របស់​គណៈកម្មាធិការ​កិច្ច​ការ​ព្រំដែន​ មិន​​មែន​សំដៅ​នៅ​សហ​រដ្ឋ​អាមេរិក​នោះទេ។ លោក​ចាត់​ទុក​ថា​លោក​ អ៊ុំ សំអាន បាន​ចោទប្រកាន់​រូប​លោក​ដោយ​”​ពុំមានសីលធម៌”ជា​តំណាងរាស្រ្ត​មួយ​រូប​។​ លោក​បញ្ជាក់​ថា​​លោក​ អ៊ុំ សំអាន កំពុង​តែ​ញុះញង់​​ឲ្យ​មាន​អស្ថិរភាព​សង្គមនិង​នាំ​ឲ្យ​មាន​បញ្ហាចលា​ចល​​នៅ​តាម​ព្រំដែន។​ លោក​ វ៉ា គឹមហុង បញ្ជាក់​ថា”​រដ្ឋាភិបាល​មិន​អាច​អត់​ឱន”បានទេ​ចំពោះ​ការ​ថ្លែង​របស់​លោក​ អ៊ុំ សំអាន។​ ប៉ុន្តែ​លោក​ថា​ចំណាត់​ការ​ផ្លូវ​ច្បាប់​យ៉ាងណា អាស្រ័យ​លើ​ការ​សម្រេច​របស់​រដ្ឋាភិបាល។​ លោក​បញ្ជាក់​ថា​លោក​ពុំមាន​អ្វី​លាក់លាម​ ហើយ​លោក​មិនចង់​ក្លាយ​ជា”​ជន​ក្បត់ជាតិនោះ​ទេ​”។​ លោក​ស្នើ​កុំ​ឲ្យ​មាន​ការ​ចោទប្រកាន់​​លើ​មន្រ្តី​រដ្ឋាភិបាល ដោយ​ស្នើ​ឲ្យ​មាន​ការ​សាកសួរ​គ្នា​ទៅវិញ​ទៅ​មក​ ប្រសិន​បើ​មាន​ចម្ងល់។ ​ជាការ​ឆ្លើយ​តប លោក អ៊ុំ សំអាន មាន​ប្រសាសន៍ថា​លោក​មិន​បាន​បង្ក​ចលាចល​ក្នុង​សង្គមនោះទេ ដោយ​ថា​លោក​គ្រាន់តែ​ជួយ​រដ្ឋាភិបាល​ក្នុង​ការ​ស្វែង​រក​ផែនទីត្រឹមត្រូវ។ លោក​បន្ត​ថា​លោកពុំខ្លាច​ការ​ចាប់ខ្លួន​នោះទេ​ ដោយ​លោក​ថាលោកមិន​បាន​ប្រព្រឹត្ត​ខុស​ដូច​ការ​លើក​ឡើង។ លោក​បន្ថែម​ថា​​លោក​ធ្វើ​នេះ​គឺ​ដើម្បី​ការ​ពារ​បូរណភាព​ទឹក​ដីកម្ពុជា​​កុំ​ឲ្យ​បាត់​បង់​។ លោក​បញ្ជាក់​ថា​រដ្ឋាភិបាល​ត្រូវ​ធានា​កុំ​ឲ្យ​បាត់ដីរបស់​​ប្រជា​ពលរដ្ឋនៅ​តាម​ព្រំដែន​និង​លុប​ចោ​លសន្ធិសញ្ញា​បំពេញបន្ថែម​២០០៥។​ កាលពីថ្ងៃ​ពុធ លោកនាយករដ្ឋមន្រ្តី ហ៊ុន សែន បានថ្លែងថារដ្ឋាភិបាល​នឹង​ចាត់វិធាន​ការ​ផ្លូវ​ច្បាប់​ជាបន្ទាន់​ដោយ​មិន​លើកលែង​ទៅ​លើ​អ្នក​ណា​ដែល​និយាយ​ថា​រដ្ឋាភិបាល​ប្រើ​ប្រាស់​”ផែនទី​ចោរ”ឬ”​ផែនទីក្លែងក្លាយ​”​។ លោក​បន្ត​ថា​បើ​តាម​ច្បាប់ ​លោក​មិន​បាច់សុំ​ផែនទី​ពី​បណ្តា​ប្រទេស​ផ្សេងៗមក​ផ្ទៀងផ្ទាត់នោះទេ ព្រោះ​ព្រះមហាក្សត្រ​និង​រដ្ឋសភា​បាន​យល់ព្រម​ឲ្យ​រដ្ឋាភិបាល​ប្រើ​ប្រាស់​សន្ធិសញ្ញា​បំពេញបន្ថែម​២០​០​៥​​​រួច​មក​ហើយ តែ​លោក​ថា​ការ​ស្នើ​សុំ​​នោះ​ដើម្បី​ឲ្យ​ប្រជា​ពលរដ្ឋ​អស់ចិត្ត។ កាលពីថ្ងៃ​ព្រហស្បតិ៍ លោក​ អ៊ុំ សំអាន បាន​សរសេរនៅ​លើ​ហ្វេសប៊ុក​ផ្លូវ​ការ​របស់​លោក​ថា៖ “ថ្ងៃនេះខ្ញុំបានមករកផែនទីនៅបណ្ណាល័យ​សភា​(Library of Congress)សហរដ្ឋអាមេរិកWashington DC ហើយបានរកឃើញនិងទទួលផែន​ទី​បោន​​រ​បស់កម្ពុជាចំនួន២៦ផ្ទាំង ទាំងផែនទីDigitalនិងផែនទីក្រដាស។ ផែនទីទាំងនេះសម្តេចតាយកមកសុំឲ្យសហរដ្ឋអាមេរិកទទួលស្គាល់ខ្សែព្រំដែនម្ពុជានៅថ្ងៃទី២ខែមេសាឆ្នាំ១៩៦៤”។ លោក​បញ្ជាក់​ថា​៖ “ផែន​ទី​ទាំងនេះគ្មានត្រាយួននិងហត្ថលេខាលោក ឌិត មុន្ទី(ប្រធាន​តុលាការ​កំពូល​បច្ចុប្បន្ន​) និងលោក លីវ​ វ៉ាន់​ឡឺយ ឆ្នាំ១៩៨៥ ដូចផែនទីរដ្ឋាភិបាលទេ”។ លោក អ៊ុំ សំអាន បន្ត​ថា​លោក​នឹងទៅអង្គការសហប្រជាជាតិ ដើម្បីស្វែងយល់​ថា​មូលហេតុអ្វី​បាន​ជា​អង្គការ​ស​ហប្រជា​ជាតិ​រកផែនទីកម្ពុជា​មិនឃើញឬបាត់ពេលណានិងមូលហេតុអ្វី។​ លោក​បញ្ជាក់​ថាលោក​​នឹង​សិក្សា​​​ឲ្យ​បាន​ស៊ីជម្រៅបន្ថែម​ទៀត​លើ​ផែនទីនេះ ថាតើ​វា​ដូច​នឹង​ផែនទី​ដែលអតីត​ព្រះមហាក្សត្រ​តម្កល់នៅអង្គ​ការ​​សហប្រជាជាតិ ហើយ​ខុសពីផែនទី​របស់​រដ្ឋាភិបាល​ឬយ៉ាងណា។ ប៉ុន្តែ​លោក​បញ្ជាក់​ថា​ផែនទីនោះ​ពុំមាន​ត្រា​វៀត​ណាម​នោះទេ។ លោក​បន្ត​ថា​លោក​អាច​ឲ្យ​រដ្ឋាភិបាល​ផ្ទៀង​ផ្ទាត់ផែនទីនេះ​បាន ​ប្រសិន​បើ​ត្រូវការ។​ លោក អ៊ុំ សំអាន​ ឲ្យ​ដឹង​ថា​លោក​នឹង​ត្រឡប់​មក​កម្ពុជាវិញ​នៅ​ចុង​ខែ​កញ្ញា​ខាងមុខនេះ។​ លោក​បន្ថែម​ថា​ដំណើរ​ទៅ​សហរដ្ឋអាមេរិកនេះ​មិន​មែន​គេច​ពី​ការ​ចាប់ខ្លួននោះទេ ដោយ​លោក​ថា​ធ្វើ​ឡើង​ដើម្បី​ទៅ​សួរ​សុខទុក្ខ​ប្រជា​ពលរដ្ឋ​ខ្មែរនៅទីនោះ និង​ដើម្បី​ស្វែង​រក​ផែនទីផងដែរ៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com 

    [អានបន្ត]
  • ​ថៃ​កំពុង​កសាង​ផ្លូវ​រថភ្លើង​ឆ្លងកាត់​កម្ពុជានិង​វៀតណាម​

    ថ្ងៃសុក្រ ទី28 សីហា 2015, 03:10 PM

    ​រដ្ឋាភិបាល​ថៃ​កំពុង​កសាង​ផ្លូវ​រថភ្លើង​មួយ​ខ្សែ ដែល​ត្រូវ​ឆ្លងកាត់​ប្រទេស​កម្ពុជា និងប្រទេស​វៀតណាម ដើម្បី​បង្ក​ភាពងាយស្រួល​ក្នុង​ការដឹកជញ្ជូន ឲ្យមាន​លក្ខណៈ​ល្អប្រសើរ​ឡើង​នៅ​ក្នុង​បណ្តា​ប្រទេស​អនុ​តំបន់​ទន្លេមេគង្គ​។​ ​លោកនាយក​រដ្ឋមន្ត្រី​ថៃ ប្រា​យុទ្ធ ចាន់​អូ​ចា ថ្លែង​ប្រាប់​លោក ស ខេង រដ្ឋមន្ត្រីក្រសួង​មហាផ្ទៃ​កម្ពុជា នៅក្នុង​កិច្ចប្រជុំ​ដើម្បី​រឹតចំណង​មិត្តភាព​តាម​ព្រំដែន​នៃ​ប្រទេស​ទាំង​ពីរ​កាលពី​ថ្ងៃ​ព្រហស្បតិ៍​ម្សិលមិញ​ថា ប្រទេស​ថៃ​កំពុង​ទន្ទឹង​ចាំមើល​ដំណើរ​ការតភ្ជាប់​ផ្លូវដែក​ឡើងវិញ​រវាង​ប្រទេស​ទាំង​ពីរ​នេះ ហើយ​នឹង​ភ្ជាប់​បន្ត​ទៅកាន់​ប្រទេស​វៀតណាម​ទៀត​។​

    [អានបន្ត]
  • ​គ្រួសារ​យោធិន​នៅក្នុង​ខណ្ឌ​ព្រែក​ព្នៅ​មិន​ព្រម​ទទួលយក​សំណង​ជា​ថ្នូរ​និង​ការរុះរើ​ផ្ទះ​

    ថ្ងៃសុក្រ ទី28 សីហា 2015, 02:46 PM

    ​គ្រួសារ​យោធិន​មួយ​គ្រួសារ ដែល​បាន​ត្រូវ​អាជ្ញាធរ​ខណ្ឌ​ព្រែក​ព្នៅ រាជធានី​ភ្នំពេញ ឲ្យ​រុះរើ​ផ្ទះ​ដើម្បី​ធ្វើ​ផ្លូវ​នោះ អះអាងថា គាត់​មិន​ពេញចិត្ត​ចំពោះ​សំណង​តិចតួច និង​តម្រូវ​ឲ្យទៅ​រស់នៅ​កន្លែង​ថ្មី ជា​ទីតាំង​ដែល​គ្មាន​មនុស្ស​រស់​នៅ​នោះទេ​។​ ​អ្នកស្រី ស៊ូ ស្រី​នាង វ័យ​៤៨​ឆ្នាំ ដែល​មាន​ប្តី​ជា​អតីត​យោធិន​បាន​ស្លាប់ចោល​ច្រើន​ឆ្នាំ​នោះ បាន​រៀបរាប់​ប្រាប់​វី​អូ​ឌី (VOD)​នៅ​ព្រឹក​ថ្ងៃទី​២៨ ខែសីហា​ថា អាជ្ញាធរ​ខណ្ឌ​ព្រែក​ពៅ បាន​ស្នើ​ឱ្យ​គាត់​រុះរើ​ផ្ទះ​ដើម្បី​ពង្រីក​ផ្លូវ​។​

    [អានបន្ត]
  • រដ្ឋាភិបាល​អនុម័ត​ឲ្យ​ប្រើប្រាស់​ឯកសារ​យុទ្ធសាស្រ្ត​ស្តីពី​ការគ្រប់គ្រងបំណុល​សាធារណៈ២០១៥-២០១៨

    ថ្ងៃសុក្រ ទី28 សីហា 2015, 02:37 PM

    សេចក្តីព្រាងឯកសារយុទ្ធសាស្ត្រស្តីពីការគ្រប់គ្រងបំណុលសាធារណៈ២០១៥-២០១៨ ត្រូវបានគណៈរដ្ឋមន្ត្រីអនុម័តទាំងស្រុង នៅព្រឹកថ្ងៃសុក្រនេះ។ នេះ​បើយោង​តាម​អ្នក​នាំពាក្យ​ទីស្តីការគណៈរដ្ឋមន្រ្តី លោក ផៃ ស៊ីផាន។​​ លោក ផៃ ស៊ីផាន បាន​សរសេរនៅ​លើ​ហ្វេសប៊ុក​របស់លោក​ថា​យុទ្ធសាស្រ្តស្តីពីការគ្រប់គ្រងបំណុលសាធារណៈ២០១៥-២០១៨ មានគោលបំណងធានានូវប្រសិទ្ធភាព ស័ក្តិសិទ្ធិភាព តម្លាភាពនិងគណនេយ្យភាព​​ក្នុងការគ្រប់គ្រងបំណុលសាធារណៈ ដើម្បី​បន្តរក្សាចីរភាពបំណុលសាធារណៈរយៈពេលវែងនិងកម្រិត​​​ហានិភ័យបំណុលអោយនៅទាប។ លោក​បន្តថា​ឯកសារយុទ្ធសាស្រ្តស្រ​ប​តាម​គោលនយោបាយពាក់​ព័ន្ធនានារួមមានយុទ្ធសាស្ត្រចតុកោណ-ដំណាក់កាលទី៣ ផែនការយុទ្ធសាស្រ្តអភិវឌ្ឍន៍ជាតិ ២០​១៤​​-២០១៨ គោលនយោបាយម៉ាក្រូសេដ្ឋកិច្ច គោលនយោបាយថវិកា គោលនយោបាយរូបិយវត្ថុ គោលនយោ​បាយអភិវឌ្ឍន៍វិស័យឧស្សាហកម្មកម្ពុជាឆ្នាំ២០១៥-២០២៥ និងយុទ្ធសាស្រ្តកៀរគរចំណូលរយៈពេល​មធ្យម២០១៤-២០១៨ជាដើម។​ បើ​តាម​អ្នក​នាំពាក្យរដ្ឋាភិបាល យុទ្ធសាស្រ្តស្តីពីការគ្រប់គ្រងបំណុលសាធារណៈនេះមានវិសាលភាពគ្របដណ្តប់​លើរាល់ប្រតិបត្តិការពាក់ព័ន្ធនឹងការគ្រប់គ្រងបំណុលសាធារណៈរបស់រដ្ឋនិងមិនគ្របដណ្តប់លើបំណុលរបស់វិស័យឯកជនទេ។ លោក​ ផៃ ស៊ីផាន មានប្រសាសន៍ថាអត្រានៃប្រាក់បំណុលសាធារណៈរបស់ប្រជាពលរដ្ឋកម្ពុជា​ម្នាក់​ គឺ​៤០០ដុល្លារ។ លោក​​បញ្ជាក់​ថា​កម្ពុជា​បាន​ជំពាក់​បំណុល​អាមេរិក​ចំនួន​១៦១លានដុល្លារនិងរុស្ស៊ីចំនួន​៤៥៨លានដុល្លារ។​ យោងតាមរបាយការណ៍រួមរបស់ធនាគារពិភពលោកនិងមូនិធិរូបិយប័ណ្ណអន្តរជាតិធ្វើឡើងក្នុងឆ្នាំ២០១៣ ឲ្យ​ដឹងថានៅបំណាច់ឆ្នាំ២០១២ កម្ពុជាមានបំណុល៤៥០០លានដុល្លារឬស្មើនឹង៣២ភាគរយនៃផលិត​ផល​ក្នុង​ស្រុក​សរុប(GDP)។ តំណាង​រាស្រ្ត​គណបក្សប្រ​ជាជន​កម្ពុជានិង​ជា​លេខាធិការ​នៃ​គណៈកម្មការសេដ្ឋកិច្ច ​ហិរញ្ញវត្ថុ ធនាគារ និង​​សវនកម្ម លោក​ស្រី លី គឹមលៀង មាន​ប្រ​សាសន៍​ថាយុទ្ធសាស្រ្តនៃ​ការ​គ្រប់​គ្រង​ប្រាក់​បំណុល​នេះ នឹង​ជួយ​ដល់​រដ្ឋា​ភិ​បាល​ក្នុងការ​ធ្វើផែនការ​ថវិកាក្នុង​ការ​សងបំណុលនិង​ទប់​ស្កាត់​កុំ​ឲ្យ​បំ​ណុល​សាធារណៈ​កើន​ឡើង​ដល់​ចំណុច​​ហានិភ័យ។ លោក​ស្រី​បន្ថែម​ថា៖ “ជួយ​ដល់​រដ្ឋា​ភិបាល បើ​សិន​ជាយើងមាន​ច្រើន(បំណុល)ដើម្បីកុំ​ឲ្យ​រដ្ឋា​ភិ​បាល​ខ្ចី​គេ​បន្ត​ទៀត ប៉ុន្តែ​តាម​ខ្ញុំ​ដឹង​យើង​ខ្ចី​គេ​តិច​ទេយើងមិនមាន​ខ្ចីច្រើន​ទេ"។ តំណាង​រាស្រ្ត​គណបក្ស​​សង្គ្រោះ​ជាតិ​មណ្ឌល​ពោធិ៍សាត់ លោក ងឹម ញេង មាន​ប្រ​សាសន៍ថាសព្វ​ថ្ងៃនេះ​កម្ពុជា​មាន​បំណុល​សាធារណៈ​​ច្រើន។ លោក​ថាយុទ្ធសាស្រ្ត​នេះនឹងជួយរដ្ឋា​ភិ​បាល​ទប់​ស្កាត់​កុំ​ឲ្យ​រដ្ឋា​ភិបាល​ខ្ចី​បុល​បរ​ទេស​រហូត​ដល់​ចំណុច​ហានិភ័យ។ លោក​បន្ត​ថា​បើ​សិនជា​បំណុល​សាធារណៈឡើង​ដល់​ចំណុច​ប្រកាសអាសន្ន​នឹង​​ធ្វើ​ឲ្យ​ប្រ​ទេសជាតិ​ពិបាក​ក្នុង​ការ​ស្តាវិស័យ​សេដ្ឋ​កិច្ច។ លោកបញ្ជាក់​បន្ថែម​ថាប្រ​ទេស​ដែល​មាន​បំណុល​បរទេស​ច្រើន​ កូន​ចៅ​ជំនាន់ក្រោយនឹងពិ​បាកក្នុ​ងការ​រក​ចំណូល​សម្រាប់​ចិញ្ចឹម​ជីវិត ដោយ​សារតែប្រជា​​ពល​រដ្ឋ​ត្រូវ​រក​ប្រាក់​ដើម្បី​សង​បរទេស ហើយ​ប្រ​ជា​ពល​រដ្ឋ​នឹង​ធ្លាក់​ខ្លួន​ក្រីក្រ។ លោក ងឹម ញេង មាន​ប្រ​សាសន៍​ថារដ្ឋាភិបាលត្រូវ​លុប​បំបាត់​អំពើ​ពុករលួយ​និង​ពង្រឹង​​ការ​ប្រ​មូល​ពន្ធឲ្យ​មាន​ប្រ​សិទ្ធភាព ដើម្បី​បាន​ថវិកាចូល​ជាតិច្រើននិងអាច​កាត់​បន្ថយ​កម្ចី​ពី​បរទេស​ ដែលលោក​ថាចំណុចនេះនឹង​ជួយ​កុំ​ឲ្យ​បំណុល​សាធារណៈ​ឡើង​ដល់​ចំណុចប្រ​កាសអាសន្ន។  បើ​តាម​អ្នក​នាំពាក្យ​រដ្ឋាភិបាល​ ​បំណុលរបស់កម្ពុជាស្ថិតនៅក្នុងរង្វង់៣៣,១ភាគរយនៃផលិតផលក្នុងស្រុកសរុប។​ បើ​តាម​របាយការណ៍ធនាគារពិភពលោក ផលិតផល​ក្នុង​ស្រុក​សរុប​របស់​កម្ពុជា​ក្នុង​ឆ្នាំ​២០១៤មាន​ចំនួន​១៦,៧ពាន់លានដុល្លារ​៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

    [អានបន្ត]

ព័ត៌មានផ្សេងៗ

ព័ត៌មានអន្តរជាតិ

មើលព័ត៌មានអន្តរជាតិទាំងអស់
​មនុស្សជាច្រើន​រយ​នាក់អាច​ស្លាប់ដោយសារ​ក្រឡាប់ទូក​នៅឈូង​សមុទ្រ​លី​ប៊ី

ថ្ងៃសុក្រ ទី28 សីហា 2015, 03:26 PM

ពួក​មន្ត្រី​ប្រទេស​លី​ប៊ីនិយាយថា ទំនង​មនុស្សជាច្រើន​រយ​នាក់លង់ទឹក​ស្លាប់ ដោយសារទូករបស់​ពួកគេបាន​ក្រឡាប់នៅ​ឈូង​សមុទ្រនៃ​ប្រទេស​លី​ប៊ី។​ ​តាម​សេចក្ដីរាយការណ៍ដំបូង ពីបណ្ដាញ​ផ្សាយ​ព័ត៌មាន BBC ទូក​ចំនួន​២​គ្រឿង ដែលផ្ទុក​​មនុស្សជិត៥០០​នាក់ បាន​លិចនៅឈូង​សមុទ្រប្រទេស​លី​ប៊ី។ BBC បន្តថាទូក​ទី១ ដឹក​មនុស្សជិត៥០​នាក់ វា​បាន​លិចកាល​ពី​ទាបភ្លឺថ្ងៃ​ព្រហស្បតិ៍ម្សិលមិញ ហើយបន្តិចក្រោយមក​ ទូក​ទី​២ ដែលដឹក​មនុស្សជិត​៤០០​នាក់ក៏បាន​លិចដែរ។ 

[អានបន្ត]

ព័ត៌មានផ្សេងៗ

ព័ត៌មានកំសាន្ត

មើលព័ត៌មានកំសាន្តទាំងអស់
  • ម្ចាស់ផលិតកម្ម​បន្ត​ព្រមាន​​ប៉ែន ចំរ៉ុង និង​​​គំរាម​​​​​កាត់​កាល់​កូន​ស្រី

    ថ្ងៃសុក្រ ទី28 សីហា 2015, 07:38 AM

    ភ្លើង​ស្នេហ៍មួយ​ដែល​ឪពុក​ខាងស្រី​ចាត់ទុក​ថា​ "​​​ខុស​តម្រា” រវាងតារាសម្តែង​និង​ពិធីករ ​​​​​​លោក ប៉ែន ចំរ៉ុង ​និង​​កញ្ញា ​​ភិន សុដាលីស ​​​​បាន​បង្ខំ​​ឲ្យ​​លោក អ៊ិន សុភិន ​​ជា​​​ឪពុក​​ភិន សុដាលីស និង​​ជា​ម្ចាស់​​ផលិតកម្ម​មហាហង្ស​​ ប្រកាស​​ថា​អាច​នឹង​ឈាន​ដល់​ការ​កាត់​កាល់​កូន​ស្រីនិង​ប្រកាស​ព្រមាន​លោក​ ប៉ែន ចំរ៉ុង បើអ្នក​​ទាំង​ពីរ​នៅ​តែ​​​​​​លួច​​ទាក់​ទងគ្នាតទៀត​​។ រឿង​រ៉ាវ​អាស្រូវ​មួយ​នេះ ​​លោក​​អះ​អាង​ថា​បង្ក​ឡើង​ដោយ​​​​​​ ​​ប៉ែន ចំរ៉ុង ទាំង​ស្រុង និង​ស្រឡាញ់មនុស្ស​​​​​​​​​​​​​​​​​មិន​ស្គាល់ថា​ជា​​របស់​គេ​​។​ លោក​ អ៊ិន សុភិន បាន​ផ្ដល់​សម្ភាសន៍​​​ដល់វីអូឌីបន្ទាប់​ពី​ផ្ទុះ​ជម្លោះ​វាយ​តប់​ជា​មួយ ​ប៉ែន​ ចំរ៉ុង​ ថា ​​លោក​​​​នឹង​រារាំង​​​ភ្លើង​ស្នេហ៍​ដល់​ទី​បញ្ចប់​ បើ​ទោះ​ជា​លោក​បាន​សារភាព​ថា​​មិន​អាច​​​ហាម​ប្រាម​​កូន​ស្រីរបស់​​​​ខ្លួន​​១០០%ក៏​ដោយ​​។ លោក​ចាត់ទុក​​​​​​​​ទំនាក់​ទំនងនេះ​"​​​​ខុស​តម្រា​” ដែល​ថា​​កើត​​មាន​ឡើង​បន្ទាប់​ពី​លោក​បាន​​​​​​​ហៅ​លោក​ប៉ែន ចំរ៉ុង ​ឲ្យ​មក​​សម្ដែង​តួ​ឯក​​ច្រើន​​រឿង​ជា​មួយ​ ​​​​ភិន សុដាលីស ជា​កូន​ស្រី​តែ​ម្នាក់​របស់​ខ្លួន​។ ​លោក​និយាយ​ថា៖ “ខ្ញុំ​មិននឹក​ស្មាន​ថា​​ចំរ៉ុងជា​មនុស្ស​បែប​ហ្នឹង​ទេ ពី​ដំបូ​ង​ខ្ញុំ​ឃើញ​​​​​​វា​មក​ស្និទ្ធិ​ស្នាល​ជា​មួយ​កូន​ខ្ញុំ។ ខ្ញុំ​​​​ស្មានតា​​​​​​​រាប់​អាន​ដូច​អ្នក​សិល្បៈតើ ប៉ុន្តែ​ដឹង​អី​គាត់​ទាក់​ទង​ដាលីស គាត់​ប្រើ​​គ្រប់​មធ្យោបាយ​​​​​រហូត​ធ្វើ​​ឲ្យ​កូន​ខ្ញុំ​បាក់​ចិត្ត​​​​​​​។ ខ្ញុំ​​ប្រាប់​គាត់​ថា​កុំ​ធ្វើ​អញ្ចឹង​​​ព្រោះ​កូន​ខ្ញុំ​គាត់​មាន​គូ​ដណ្ដឹង​ហើយ ​​ ​ចំរ៉ុង​ឯង​ចាស់​ទុំ​ជាង​គាត់ ​កុំ​​ឲ្យ​កូនខ្ញុំ​បាក់​ចិត្ត ប៉ុន្តែ​​គាត់​និយាយ​ជា​មួយ​យើង​ឡូយ​ណាស់ ​កុំ​ភ័យ​បង​ៗ​ ប៉ុន្តែការ​ពិត​​​គាត់​ផ្គើន​យើងរហូត!”។ លោក​ អ៊ិន សុភិន ​សារភាព​ថា​កូន​ស្រី​របស់​ខ្លួន​​បាក់​ចិត្ត​ស្រឡាញ់​ប៉ែន ចំរ៉ុង បន្ទាប់​ពីសម្ដែង​រួម​គ្នា​ ​​ប៉ុន្តែ​​លោកចោទ​​​ថាដោយ​សារ​តែ​​ ប៉ែន ចំរ៉ុង ​​ឆ្លៀត​ឱកាសនិង​​​ប្រើពាក្យ​សម្ដី​កាយវិកា​ធ្វើ​​ឲ្យ​កូន​ខ្លួន​បាក់​ចិត្ត។ ​លោក ​​អ៊ិន សុភិន និយាយ​ថា៖ “នៅ​ពេល​ខ្ញុំ​ធំ​ក្លិន​មិនស្រួល ខ្ញុំ​​​​អត់​មាន​ជំទាស់ទេ ដោយ​សារគិត​ថា​​​​បើ​បាន​គ្នា​ជា​ប្ដី​ប្រពន្ធ​ក៏​ល្អ​ម្យ៉ាង​ដែរ ព្រោះ​​​​ជា​តារា​ដូច​គ្នា​ ​ប៉ុន្តែ​ដល់​ពេល​​ស្គាល់​គាត់​យូរ​​ៗ បាន​ខ្ញុំ​ដឹង​ថា​​​ចំរ៉ុង លេង​សើចជាមួយ​កូន​ខ្ញុំ​ប៉ុណ្ណោះ ទើប​​ខ្ញុំ​​​​​សុំ​គាត់ថា​​​កុំ​ធ្វើ​អញ្ចឹង កុំ​​បំផ្លាញ​ទឹក​ចិត្ត​ក្មេង ព្រោះ​គ្នា​មាន​គូ​ដណ្ដឹងហើយ​ ​​បើ​ស្រឡាញ់​​គឺ​ស្រឡាញ់​មែន​ទែន​ទៅ ខ្ញុំ​​អត់​ជំទាស់​ទេ ប៉ុន្តែ​​​​​​​គាត់​​​​បង្ហាញ​ឲ្យ​ខ្ញុំ​ឃើញ​កាន់​តែ​ច្បាស់​ថា​គាត់​បោក​កូន​ខ្ញុំ​​ ទើប​ខ្ញុំ​​​​​​​​ទទួល​យក​អត់​បាន​!”។​ ​លោកបន្ត​ថា​កូនស្រី​របស់​លោក​​មាន​គូ​ដណ្ដឹង​រួច​ហើយនិង​ជា​​​​​​​ក្រុម​ការងារ​នៅ​ក្នុង​ផលិតកម្ម​មហាហង្សផង។​ ​​ លោក​បាន​ចោទ​លោក​​ប៉ែន ចំរ៉ុង ថា​មិន​ស្រឡាញ់កូន​របស់​លោក​ពិតប្រាក​ដនោះទេ។ លោកបន្ត​ថា​បើ​លោក ប៉ែន ចំរ៉ុង ពិត​ជា​ស្រឡាញ់​​កូន​​របស់​លោក ​គឺ​​សារភាព​ទៅ ​ហើយ​លោក​​ជា​ឪពុក​មិន​​ប្រឹង​បំបែក​បំបាក់​កូន ​​​​​​ធ្វើ​​ឲ្យ​កូន​​ទឹក​ភ្នែក​នោះ​ទេ។ ​លោក​និយាយ​ថា​៖ “បើ​គាត់​និយាយ​តែ​មួយ​ម៉ាត់​ថា​បង​អើយ ឥឡូវ​ពួក​ខ្ញុំ​ស្រឡាញ់​គ្នា ខ្ញុំ​គិត​គូរ​បាត់​ហើយ ប៉ុន្តែ​អត់​ទេ​គាត់ឈ្លើយ​ណាស់ ​នៅ​​​​មុខ​ខ្ញុំ​និយាយ​ស្ដី​​​​មើល​ងាយ​កូន​ខ្ញុំ​ណាស់ ប៉ុន្តែ​នៅ​​ក្រោយ​​ខ្នង​​​​គាត់​​​​តាម​យក​ចិត្ត​ថ្លើម​កូនខ្ញុំ ​និង​ជា​មនុស្ស​​​ទុក​ចិត្ត​អត់​បាន​ទាល់​តែ​សោះ​!”។ លោក ​អ៊ិន សុភិន បន្ត​ថា​​​​​ក្រោយ​ផ្ទុះរឿងទាក់​ពាក្យ​សម្ដី​រហូត​ឈាន​ដល់​វាយ​ទាត់​ធាក់​ប៉ែន ចំរ៉ុង ក្នុង​ពេល​​​​លោក​ប៉ែន ចំរ៉ុង ស្កាត់ទៅជួប​ដាលីសដល់​មុខ​ផ្ទះ​កាល​ពី​យប់​ថ្ងៃ​ទី​​២៦ ខែសីហា។ លោក​ថា​​រវាង​​លោក​ និង​​តារា​ប្រុសរូប​នេះ ​នឹង​ប្រែ​​ក្លាយ​ជា​គូ​ជម្លោះ​ស៊ី​សាច់​ហុត​ឈាម​បើ​ប៉ែន ចំរ៉ុង នៅ​តែ​​​​បន្ត​​ទាក់​ទង​​​​​​កូន​ស្រី​របស់​ខ្លួន​។ លោក​បញ្ជាក់​ថា​៖ “​មុន​ផ្ទុះ​​​​រឿង​​វ៉ៃ​​ចំរ៉ុង​ក្នុង​ពេល​គាត់​​មក​តាម​កូន​ខ្ញុំ​ដល់​មុខ​ផ្ទះ​ហ្នឹង  ខ្ញុំសារភាព​ថា​ខ្ញុំ​ហាម​កូន​ខ្ញុំ​អត់​ស្ដាប់ ប៉ុន្តែ​គាត់​​ចាស់​ទុំ​​ជាង​កូន​ខ្ញុំ​​​​បើ​គាត់​​​​​ឈប់​ វា​មិន​ដែល​​មនុស្ស​ស្រី​ណា​សុខ​ចិត្ត​ធ្វើ​ថោក​​ទៅ​​​​រក​ប្រុស​​កើត​ទេ អ្វី​ដែល​​ខ្ញុំ​ខឹង​បំផុតគឺ​ឲ្យ​តែ​ពេល​ដែល​ខ្ញុំ​​សុំ​​ឲ្យ​គាត់​ដក​ខ្លួន ​​ចំរ៉ុង​​​សន្យា​ជា​មួយ​ខ្ញុំ​រហូត​​​ថា​ឈប់​ៗ​ហើយ ​ប៉ុន្តែ​ការពិត​​​​គាត់​​​និយាយ​ផ្សេង​ធ្វើ​ផ្សឹង ហើយ​​​​​​​​និយា​យ​ស្ដី​របៀប​មើល​ងាយ​កូន​ខ្ញុំ​​​​ទៀត គឺ​ដូច​​គាត់​ហ្នឹង​អស្ចារ្យ ហើយ​​កូន​ខ្ញុំ​តែ​ម្ខាង​​ជា​អ្នក​​ទៅ​រក​គាត់​អញ្ចឹង​!”។ ​ថៅកែ​ផលិតកម្មមហាហង្ស​​និយាយ​ថា៖ “​​​​ពេល​ដឹង​រឿង​ដំបូង​ខ្ញុំ​​​​​គិត​ចង់​ផ្ដាច់​ពាក្យ​​ពី​​​​​​គូដណ្ដឹង​ដាលីស​​​​​លើក​​ឲ្យ​គាត់(ប៉ែន ចំរ៉ុង)តើ ព្រោះ​អត់​ចង់​បំបែក​បំបាក់​កូន​ទេ ប៉ុន្តែ​ស្គាល់​កាន់​តែយូរ ​ ​ចំរ៉ុង​កាន់តែ​ឈ្លើយ ​បើ​និយាយពី​ការងារ​វិញគឺ​​​​មើលឃើញ​តែ​​លុយ​អត់​ដែល​​យោគយល់ទេ ​​​ជាក់ស្ដែង​​​ក្នុង​មួយ​ឆ្នាំ​​​ៗ​។ ខ្ញុំ​ហៅ​គាត់​ថត​ច្រើន​រឿង​ណាស់ ​គឺ​គាត់​​​​​​​​​​​ស៊ី​ថ្លៃ​ពេញៗ សូម្បី​តែ​ខ្ញុំ​និយាយ​ថា​ចំរ៉ុង​អើយ​ចុះ​ថ្លៃខ្លះ​ទៅ​ ​គង់​តែ​ថ្ងៃ​ក្រោយ​ឪពុក​ក្មេ​ក​កូន​ប្រសារ​ទេ ​​ គាត់​ឆ្លើយ​​មក​វិញ​ថា ​​​ឪពុក​ក្មេក​កូន​ប្រសារ​ផ្សេង ​រឿង​លុយ​ផ្សេង ​​ហើយ​ខ្ញុំ​​​​ឆ្អែត​ចិត្តជាង​គេ​គឺ​ត្រង់​​​​ ​ធម្មតា​ខ្ញុំ​មិន​ដឹង​ថា​​​តម្លៃ​ខ្លួន​គាត់​ប៉ុន្មាន តែ​ដល់​ពេល​ហៅ​គាត់​មក​ថត​រឿង​ក្រោយ គឺ​​គាត់ថា​​រឿង​ថ្មី​​តម្លៃ​​ថ្មី​​ហើយ ​ដោយ​សូម្បី​តែ​គាត់​ឡើង​ចុះ​ផ្ទះ​យើង​ស៊ី​បាយ​ផ្ទះ​យើង​ ​​​​ហើយ​​​យើង​​​​យោគយល់​​​​ផ្ដល់​រឿង​​ឲ្យ​គាត់​ថត​​​​​​​មួយ​​ឆ្នាំ​​​​​​៤​​-៥រឿង​​!។ អ្វី​ដែល​ខ្ញុំ​ទ្រាំ​អត់​បាន គឺ​គាត់​ប្រាប់គេ​ថា​អត់​ស្រឡាញ់​ដាលីស​ទេ ប៉ុន្តែ​គាត់​​​​​​​បែរ​ជា​​​​​បន្ត​ធ្វើ​អញ្ចឹង​!”។ កញ្ញា ភិន សុដាលីស និង​លោក ប៉ែន ចំរ៉ុង(រូបថតពីហ្វេសប៊ុក​) លោក​ថា​​ក្នុង​មួយ​ឆ្នាំៗ លោក ​​ប៉ែន ចំរ៉ុង ទទួល​រឿង​ពី​គាត់​​មិន​ក្រោម​​​១ម៉ឺន​ដុល្លារ​នោះ​ទេ ​​​​​ក្នុង​ពេល​ដែល​​រឿង​​​​​​នីមួយៗ​​មាន​តម្លៃ​​​​​​​​២​០០០​ទៅ​​​២៥០០​ដុល្លារ​។ លោក​​បន្ត​ថា៖ “​ខ្ញុំ​អត់​ដឹង​ថាចំរ៉ុងនិយាយ​អី​ខ្លះ​ទើប​កូន​ខ្ញុំ​បាក់​ចិត្ត​ដល់​ម្ល៉ឹង​​ទេ ប៉ុន្តែ​នៅ​ក្នុង​សិល្បៈ​អ្នក​ណា​មិន​ស្គាល់​ថា​ចំរ៉ុង​​​​​ពូកែ​បោ​កស្រី​ៗ សូម្បីតែរបស់​អ្នកណា​ក៏​​អត់​​រើស​មុខ​ដែរ អញ្ចឹង​ហើយ​ទើប​ខ្ញុំ​​​​​បាន​ត្រៀមរួច​ហើយ​ថា​នឹង​បក​ស្បែក​​ម្ដង ​បើ​នៅ​តែ​​ទាក់​ទង​កូន​ខ្ញុំ ​ខ្ញុំ​ត្រូវ​​​​​សុខ​ចិត្ត​ហែក​ទ្រូង​​ឲ្យ​ក្អែក​ចឹក គឺ​អត់​​​​ឲ្យ​គាត់​​​​មើល​ងាយ​​​គ្រួសារ​ខ្ញុំ​ទេ​!”។ លោក​ព្រមាន​​​ឲ្យ​ប៉ែន ចំរ៉ុង ដក​ខ្លួន​ពី ភិន សុដាលីស ​​​​ មុន​ពេល​​រឿង​រ៉ាវឡើង​កម្តៅ​​ជាង​នេះ​។ ​​​​​លោកថា​លោក​​​បាន​​​ត្រៀម​​​ចិត្ត​​​​​​កាត់កាល់​កូន​ស្រី​ផងដែរ​​ បើ​នៅ​តែ​​​​ហ៊ាន​​​លួច​មាន​ទំនាក់​ទំនង​​​​​​ជា​មួយ​លោក​ប៉ែន ចំរ៉ុង ​មិន​ស្ដាប់​តាម​ការ​ហាម​ប្រាម​របស់​លោក​។ លោក​អ៊ិន សុភិន ​និយាយ​ថា៖ “សាច់​ម៉ាដុំ​ហ្នឹង​ខ្ញុំ​កាត់​ចោល ប៉ុន្តែ​​​​​កូន​ខ្ញុំ​​វា​​​ជំទាស់ខ្ញុំដោយ​សារអត់​ដឹង​​ថា​ចំរ៉ុងហ្នឹង​វា​បោក​ទេ គ្នា​​ស្មានតែ​ស្រឡាញ់​មែន​ទែន។ ខ្ញុំ​ចង់​​ឲ្យដាលីស​​​​ឮសម្តី​ដែល​ចំរ៉ុង និយាយ​ជា​មួយ​ខ្ញុំ​ និង​ជា​មួយ​​​​​​​មិត្ត​ភ័ក្រ្ត​វា​ដែល​វាមើល​ងាយ​​ដាលីស​ណាស់ ប៉ុន្តែ​កូនខ្ញុំ​វា​អត់​ជឿ! រឿង​ហ្នឹង​បើ​ចំរ៉ុង​បញ្ឈប់​កុំ​​បន្ត​​​លែប​ខាយ​កូន​ខ្ញុំ ហើយ​​​​​​​​​​​​​​​​ពន្យល់​ដាលីស​ទៅ​ គឺ​វា​ចប់​ហើយ»។   គួរ​បញ្ជាក់​ផងដែរ​ថា នេះ​មិន​មែន​ជា​លើក​ទី​១​នោះ​​​ទេ ដែល​ប៉ែន ចំរ៉ុង ​ត្រូវ​បាន​បែក​ធ្លាយ​រឿង​រ៉ាវ​​ស្នេហា​ជា​មួយ​តារា​ស្រី​នៅ​ក្នុង​ពិភ​ព​សិល្បៈ​។ នៅពេលទាក់ទងដើម្បី​សុំ​ការ​ឆ្លើយ​តប ​ទូរស័ព្ទ​គ្រប់​ខ្សែ​របស់​​​ប៉ែន ចំរ៉ុង ត្រូវ​បាន​​​​​បុរស​​ម្នាក់​ដែល​មានសំឡេង​​​បេះបិទ​នឹង​​លោក​ប៉ែន ចំរ៉ុង អះ​អាង​ថា​ជា​បង​ប្រុស​លើកជំនួស​។ លោក​អះ​អាងថា​​​ប៉ែន ចំរ៉ុង ជាប់​ថតនិង​​ថា​​​​ជា​រឿង​ផ្ទាល់​ខ្លួនរបស់​គេ ​សុំ​​អត់​និយាយនោះ​ទេ​។ វីអូឌី​បាន​ព្យាយាម​ទាក់ទង​ជា​បន្ត​បន្ទាប់​រហូត​មកពេល​ចុះ​ផ្សាយអត្ថ​បទ​។ ​​​​​​វីអូឌី​ក៏មិន​អាច​សុំ​ការ​ពន្យល់ពី​កញ្ញា ភិន សុដាលីស ​បាន​ដូច​គ្នា ​បន្ទាប់​ពី​ទូរស័ព្ទ​របស់​នាង​ខល​ចូល​មិន​លើក​និង​បិទ​ទូរស័ព្ទ​ចោល​​​នៅ​ពេល​ខល​ចូល​ច្រើន​លើក​កា​ល​ពីព្រលប់​​ថ្ងៃ​ទី​២៧ ខែ​សីហា៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com  ​

    [អានបន្ត]
  • ម៉េង ប៊ុនលី ចង់​បួស​លើស​កំណត់​

    ថ្ងៃព្រហស្បតិ៍ ទី27 សីហា 2015, 11:25 AM

    ​ប្រមាណ​មួយ​ខែ​មក​ហើយ​ដែល​តារា​ចម្រៀង​លោក ម៉េង ប៊ុនលី បាន​សម្រេចចិត្ត​សាង​ផ្នួស​បួស​ជា​សាមណេរ ដោយ​សុខចិត្ត​ធីប​ចោល​ការងារ​សិល្បៈ និង​តួនាទី​របស់​ខ្លូន​នៅ​ក្រសួង​ការពារជាតិ​។ ក្នុង​បទ​សម្ភាសន៍​តាម​ទូរស័ព្ទ សាមណេរ​អង្គ​នេះ​មាន​សង្ឃដីកា​ថា បើ​កាលៈទេសៈ​ហុច​ឲ្យ លោក​នឹង​បន្ត​បួស​ឲ្យលើស​ពី​៣​ខែ​ដែល​បាន​កំណត់​នោះ​ទៅទៀត ដោយសារ​តែ​មានចិត្ត​ជ្រះថ្លា​នឹង​ព្រះពុទ្ធសាសនា​។  ​តាំងពី​ថ្ងៃ​ទី​២៩ ខែកក្កដា មុន​ថ្ងៃ​ចូល​វស្សា​មកម្ល៉េះ ដែល​លោក ម៉េង ប៊ុនលី បាន​សម្រេចចិត្ត​ប្ដូរ​ភេទ​ទៅ​ជា​សមណៈ ដោយ​តាម​គម្រោង​លោក​នឹង​សឹក​ក្នុង​រយៈពេល​បី​ខែ នៅ​ថ្ងៃ​ចេញ​វស្សា​។ លោក​បួស​នៅក្នុង​វត្ត​មុន្នី​សារ​វ័ន្ត ហៅ​វត្ត​វិហារ​ធំ ស្ថិតនៅ​ស្រុក​កំពង់សៀម ខេត្ត​កំពង់ចាម ដែល​ជា​វត្ត​នៅ​ស្រុកកំណើត​។  ហេតុផល​នៃ​ការ​សាង​ព្រះ​ផ្នួស លោក​ថា​ដោយសារតែ​មាន​បំណង​ចង់​យល់ដឹង​ពី​ធម៌​វិន័យ​ក្នុង​ព្រះពុទ្ធសាសនា និង​មួយ​ផ្នែក​ទៀត​គឺ​ដើម្បី​លា​បំណន់​។ សាមណេរ ម៉េង ប៊ុនលី បញ្ជាក់ថា​៖ “​អាត្មា​បួស​ហ្នឹង​មាន​បំណង​៣ ទី​១​ចង់​យល់ដឹង​ពី​ព្រះពុទ្ធសាសនា ទី​២​ចង់​សងគុណ​ឪពុកម្ដាយ និង​ទី​៣​គឺ​មកពី​អាត្មា​កាល​មុន​សម្ភាសន៍​ទៅ​ច្រៀង​នៅ​អាមេរិក អាត្មា​ថា​បើ​ជាប់ ហើយ​ទទួល​ការគាំទ្រ​ខ្លាំង​នៅ​ទីនោះ អាត្មា​នឹង​បួស​ថ្វាយ ទើប​អាត្មា​បួស​ម៉ា​វស្សា​ហ្នឹង​(៣​ខែ​)​តែម្ដងទៅ​”​។​

    [អានបន្ត]
  • សមាគម​​២ប្រតិកម្មនឹង​ការ​បញ្ចាំង​​​​​​ភាពយន្ត​​ថៃលើ​កញ្ចក់​ទូរទស្សន៍

    ថ្ងៃចន្ទ ទី24 សីហា 2015, 09:07 AM

    វត្តមាន​​​​ភាព​យន្ត​រឿង​ថៃ​នៅ​លើ​កញ្ចក់​ទូរទស្សន៍​ប៉ុន្មាន​ខែ​នេះបាន​ធ្វើឲ្យ​មាន​ការ​ព្រួយបារម្ភពីសំណាក់​​​​​​ក្រុម​​​​ផលិតករ​ភាព​យន្ត​និង​​តារា​សម្ដែង​ខ្មែរ​តែ​ម្ដង​។ ​ជា​មួយ​​ក្ដី​​​បារម្ភនេះ ​​សមាគមធំ​​​​២គឺ​សមាគម​​​​​ភាព​យន្ត​​​​កម្ពុជានិង​សមា​គម​​សិល្បករ​ខ្មែរ​បាន​បង្ហាញ​ប្រតិកម្មនិង​​ប្រកាស​​ឲ្យ​ដឹង​ពី​គម្រោង​​​​ប្រមូល​ស្នាម​មេដាយ​​តារា​សិល្បៈ​និង​ក្រុម​ផលិត​​​​នៅ​ទូទាំង​ប្រទេសធ្វើ​ញត្តិ​​​ទៅកាន់​​ថ្នាក់​លើ សុំ​​ឲ្យ​​​​កាត់​បន្ថយ​​​​​​​​ដាក់​រឿង​ថៃ​​​​​ក្នុង​ម៉ោង​ល្អ ហើយ​​​​​​​ជំនួស​ដោយ​ភាព​យន្ត​ខ្មែរ​​​ឲ្យ​គ្រប់​ស្ថាប័ន​ទូរទស្សន៍​។ ​​​​​ក្នុង​​សន្និសីទសារព័ត៌មានមួយ​កាល​ពី​​ថ្ងៃ​ទី​​​២២ សីហា  ប្រធាន​​​សមាគម​ភាព​យន្ត​កម្ពុជា លោក ​ឆាយ បូរ៉ា ​ ​បាន​ថ្លែង​​​ថា​​​​វត្តមាន​រឿង​ថៃ​លើ​កញ្ចក់​ទូរ​ទស្សន៍​នា​ពេល​នេះ បាន​ធ្វើ​​ឲ្យ​​​​ភាព​យន្ត​ខ្មែរ​ដែល​​ធ្លាប់​លេង​ឡើង​គគ្រកគគ្រេង​​បាន​មួយ​ខ្យល់​​​​ស្ទើរ​តែ​​បាត់​​វិញ​ហើយ​។ លោក​និយាយ​ថា៖ “​​ក្នុង​ពេល​​​​រឿងថៃ​​ដួល​​សន្លប់ ​ ភាព​យន្ត​កូរ៉េ និង​ហ្វីលីពីនក៏​មាន​ទីផ្សារខ្លាំង​ដែរ​​នៅ​កម្ពុជា ប៉ុន្តែខ្ញុំ​នៅ​តែ​មើល​ឃើញ​ថា​​​ភាព​យន្ត​ខ្មែរ​នៅ​​មាន​ស្ថានភា​ព​ល្អ ​​ដែល​អាច​​មក​ពី​វប្បធម៌​របស់​​កូរ៉េ និង​ហ្វីលីពីន ​ វា​ដាច់​ឆ្ងាយ​​ពី​​​​​​​កម្ពុជាបន្តិច ប៉ុន្តែ​ចំពោះ​​វត្តមាន​រឿង​ថៃ ​បើ​​គេ​​ដាក់​បញ្ចាំង​​​​​ដូច​រាល់​ថ្ងៃ​ គឺ​គេ​លែង​មើល​រឿង​ខ្មែរ​ហើយ​​!”។ ​លោក​ចាត់​ទុក​ថា​នេះ​ជារឿង​​គ្រោះ​ថ្នាក់​ធំ​បំផុត​​បើ​​​​​​​​​ប្រមុខ​រាជរដ្ឋាភិបាល​​​មិន​ជួយ​អន្តរាគមន៍​ហើយ​បណ្ដោយ​ឲ្យ​ម្ចាស់​ស្ថានីយ​ទូរទស្សន៍​​ទាំងអស់ដាក់​បញ្ចាំង​រឿង​ថៃ​គគ្រឹកគគ្រេង​​​​​ដោយ​សឹង​តែ​​​លែង​មាន​ម៉ោង​​សម្រាប់​ទុក​ឱកាស​​​ឲ្យ​រឿង​ខ្មែរ​បាន​បន្ត​រស់​។ លោក​មាន​ប្រសាសន៍​ថា៖ “ក្នុង​ឆ្នាំ​​២០១៥​នេះ ​ ​ស្ថានីយ​ទូរទស្សន៍​ធំ​មួយបាន​​បញ្ចប់​កុង​ត្រា​ជា​មួយ​​ផលិតកម្ម​​ក្នុង​ស្រុក​​​៣ ​ដោយ​លែង​ឲ្យ​គាត់​​ផលិតរឿង​(ខ្មែរ)​ទៀត​! គាត់​(ថៅកែ​ទូរទស្សន៍​)យក​លេស​ថា​​​រឿង​ខ្មែរ​អត់​មាន​ទីផ្សារ ថ្លៃ​ជាង​រឿង​ថៃ ហើយ​​​​​បើ​ដាក់​រឿង​ថៃ​​គឺ​គាត់​ស្រួល​រក​​ស្ពុន​ស័រជាង​ ​យើង​មិន​មែន​រើស​អើង​ជាតិ​សាសន៍​ទេ ប៉ុន្តែ​​បើ​គាត់​​​​​​​​​​​​គាំទ្រ​​រឿង​គេ​រហូត​ដល់​​​បដិសេធ​​​​​​​​​​​​​​​​​រឿង​​​ខ្លួន​ឯង​អញ្ចឹង​គឺ​​គ្រោះ​ថ្នាក់​ណាស់ ដែល​​​ក្នុង​បណ្ដាញ​ទូរទស្សន៍​របស់​ខ្មែរ បែរ​ជា​​​លែង​មាន​រឿង​ខ្មែរ ហើយចាក់​បញ្ចាំង​តែ​រឿង​​​​​​របស់​​ជន​ជាតិ​​ ដែល​​​​​​មាន​វប្ប​​ធម៌​​និង​​ប្រពៃណី​​សឹង​តែ​ដូច​យើង​បេះ​បិត​​បែប​ហ្នឹង​!”។ លោក ឆាយ បូរ៉ា ​​រិះ​គន់​​បណ្ដា​ស្ថានីយ​ទូរទស្សន៍​​មួយ​ចំនួនដែល​ក្រៅ​ពី​ទិញ​រឿង​បរទេស​​​​​ដាក់​បញ្ចាំង​​​​​​​គគ្រឹក​គគ្រេង​​​ទៅ​ហើយ គឺ​បាន​ទាំង​ទិញ​កម្មវិធី​​​ពី​បរទេស​​សុទ្ធសាធ ដោយ​​គ្រាន់តែ​​យក​​មក​បក​ប្រែ​​ចាក់​ផ្សាយ​នៅ​​លើកញ្ចក់​​ទូរទស្សន៍​នោះ​ទៅ​ទៀត​។ ​ លោក​និយាយថា​៖ “ការ​ដាក់​បញ្ចាំង​រឿង​បរទេស​​និង​ទិញ​កម្មវិធី​​ទាំង​ស្រុង​របស់​​បរទេស​មក​​ផ្សាយ វា​នឹង​​​​​លាបពណ៌​​ដល់​​​​​​​ក្មេង​ៗ​ជំនាន់​ក្រោយនិង​យុវជន​សម្បើម​ណាស់ ​​​ហើយ​យូរ​ទៅ​ៗ ​​ក្មេង​លែង​ស្គាល់​ថា​អ្វី​ជា​ពណ៌សម្បុររបស់​ខ្លួនឯង​ហើយ​ដោយ​​សារ​តែ​​​ភាពយន្ត​យើង​គេ​ខ្មែរ​ខ្លួន​ឯង​​លែង​មើល​​!”។ លោកឲ្យ​ដឹង​ទៀត​ថា​ថា​ភាព​យន្ត​ខ្មែរ​ដែល​មិន​មាន​អ្នក​មើលមិន​មែន​មក​ពី​គុណភាព​​​​តែ​មួយ​មុខ​នោះ​ទេ ប៉ុន្តែ​​​​​បញ្ហា​សំខាន់​គឺ​បណ្ដាល​មក​ពី​​ខាង​ស្ថានីយ​ទូរទស្សន៍​​ហ៊ាន​ទិញ​ក្នុង​តម្លៃ​ទាប​​​និង​ទី​​២​មក​ពី​​​​​ស្ថានីយ​ទូរទស្សន៍​​មួយ​ចំនួន​បាន​ដាក់​បញ្ចាំង​រឿង​បរទេសក្នុង​ម៉ោង​ដែល​ស្ថានីយ​ទូរទស្សន៍​​មួយ​ចំនួន​ប្រឹង​​ទិញ​រឿង​ខ្មែរ​​ចាក់​ផ្សាយ​។ ​​​​លោក​​ប្រកាស​​​​​​​​​​ធ្វើ​ញត្តិ​​​​​​​​​រួម​គ្នា​​​ជា​​មួយ​សមាគម​សិល្បៈ​ករ​ខ្មែរ ទៅ​ជូន​​ក្រសួង​​​វប្បធម៌ ​ក្រសួង​អប់​រំ​និង​ប្រមុខរាជរដ្ឋាភិបាល​​​​​​កម្ពុជា ដើម្បី​​​​​ឲ្យ​មាន​អន្តរាគមន៍​លើ​ករណី​នេះ។ លោក​​និយាយ​ថា៖ “​មុន​នេះ​​បន្តិច​ខ្ញុំ​ចរចា​ជា​មួយ​​ម្ចាស់​​ស្ថានីយ​ទូរទស្សន៍​​​ហើយ ប៉ុន្តែ​គាត់​ថា​​​​​​រឿង​ថៃ​ខ្មែរ​ចូល​ចិត្ត​មើល​ជាង ហើយ​​​​​មួយ​ភាគ​តែ​​៣០០​ទៅ​៥០០​ដុល្លារ​ទេ ដែល​ធ្វើ​​ឲ្យ​គាត់​​​​​​ចំណាយ​តិច​​ជាង​​​​​រឿង​ខ្មែរ​ដែល​មាន​តម្លៃ​ដល់​ទៅ​​​​​ជាង​មួយ​ពាន់​ក្នុង​មួយ​ភាគ​ អញ្ចឹង​មិន​យូរ​ទេ​កុន​ខ្មែរ​នឹង​អស់​អី​កញ្ចក់​​ទូរទស្សន៍​ហ្មង​ ដោយ​សារ​ហេតុ​ផល​ហ្នឹង​!”។ លោក ឆាយ បូរ៉ា ​អំពាវនាវ​​​​​​​​​ឲ្យ​​​​​បណ្ដា​សា្ថនីយទូរទស្សន៍​​​​​ទាំង​អស់​​បញ្ចប់​​ការ​​ចាក់​ផ្សាយ​​រឿង​ថៃនិង​រឿង​បរទេស​​​​​នៅ​ចន្លោះ​ម៉ោង​​​៧និង​ម៉ោង​​៩​​យប់ ដោយ​ទុក​ម៉ោង​​ទាំង​​២​​​​​​ឲ្យ​បញ្ចាំង​តែ​រឿង​ខ្មែរឬ​កម្មវិធី​​​​ដែល​​​ផលិត​ដោយ​ខ្មែរ​​ជា​​ជំនួស​។ លោក​និយាយ​ថា៖ “គាត់​ថា​​​​​រឿង​ខ្មែរ​​​​​​​​​​​​​​​​អត់​មាន​​ស្ពុនស័រ និង​អត់​មាន​អ្នក​មើល ប៉ុន្តែ​ខ្ញុំ​ថា​​​​​​​បើ​​​​​ទូរទស្សន៍​ទាំង​អស់​​ចាក់​តែ​រឿង​​ខ្មែរ ឬ​​​​​ហ្គេម​​​​ដែល​ផលិត​​​ដោយ​ខ្មែរ​​​​ខ្លួន​ឯង ​​​​កុំ​​​ចាក់​រឿង​បរទេស​ទាំង​អស់​​គ្នា​ តើ​ស្ពុនស័រណាមិន​ផ្សាយ​ ហើយ​អ្នក​ណា​មិន​មើល​​ សរុប​មក​មាន​តែ​​​អន្តរាគមន៍ពី​​ប្រមុខ​​ដឹក​នាំទេ ទើប​វិស័យ​ភាព​យន្ត​ខ្មែរ​អាច​បន្ត​រស់​បាន​!”។ ​ កាលពីថ្ងៃ​ទី​៥ខែធ្នូ ឆ្នាំ​២០១៤ លោកនាយក​រដ្ឋ​មន្រ្តី​ ហ៊ុន សែន បាន​បញ្ជា​ឲ្យ​ក្រសួង​ពាក់​ព័ន្ធ​ធ្វើ​ការ​ជាមួយ​គ្នា​ ដើម្បី​កាត់​បន្ថយ​ការ​នាំ​ចូល​ភាព​យន្ត​ពី​បរទេស មក​ដាក់​បញ្ចាំង​តាម​ទូរទស្សន៍នៅ​ក្នុង​ប្រទេស​កម្ពុជា។​ ​​​​​​​​​​ទីប្រឹក្សា​​ក្រសួង​ព័ត៌មាន និង​​ជា​​​​​​ក្រុម​ប្រឹក្សា​​ជាន់​ខ្ពស់​របស់​សមាគម​សិល្បៈករ​ខ្មែរ ​លោក ​​កុយ ស៊ីឌឿន បាន​​អះ​អាង​ថាការ​​​​​​​បាត់​បង់​​​​ភាព​យន្ត​ខ្មែរ​នៅ​លើ​ទូរទស្សន៍​​​​មិនមែន​គ្រាន់​តែ​ធ្វើ​​ឲ្យ​​​សេដ្ឋកិច្ច​​របស់​អ្នក​សម្ដែង ​​ផលិតករនិង​​ក្រុម​បច្ចេកទេ​ស​​​​បាត់​បង់​​​នោះ​ទេ ​ប៉ុន្តែ​​​​​​​​​​​​​មហាជនពេញ​​មួយ​ប្រទេស​​ក៏​នឹង​​​​​លែង​ស្គាល់​អ្វី​ហៅ​ថា​​​​​​​ជា​ពណ៌សម្បុរ​ស​របស់​​​​សិល្បៈខ្លួន​ទៀត​ដែរ​។ លោក​មាន​ប្រសាសន៍​ថា​៖ “​​តាម​ស្ថិតិចុង​ក្រោយ ​​​ ​ផលិតកម្មភាព​យន្តដែល​កាល​ពី​មុន​មាន​ដល់​​​ជាង​​១០០គឺ​សល់​តែ​​​១៣​ផលិតកម្ម​ប៉ុណ្ណោះ អញ្ចឹង​បើ​​​​​​​​បណ្ដាស្ថានីយ​ទូរទស្សន៍​​​​ទាំង​អស់ចាប់​​ផ្ដើម​​​​​បំបាត់​រឿង​​ខ្មែរ​នៅ​​លើ​​ទូរទស្សន៍​ទៀត គឺ​មាន​ន័យ​ថា​​​អស់​ហើយ​​សិល្បៈ​ខ្មែរ! ដួល​ហើយ​ភាព​យន្ត​ខ្មែរ ​អញ្ចឹង​អ្នក​ដែល​រង​គ្រោះ​នោះ គឺ​​យុវជន​​​តែ​ម្ដង​​​!”។ ​លោក​​​នឹង​ដុត​ដៃ​ដុត​ជើង​​​​​​ក្នុង​គម្រោង​ធ្វើ​ញ្ញត្តិ​​​​​ ​ដើម្បី​​​ឲ្យ​មាន​​​អន្តរាគមន៍​លើករណី​នេះ ​ដើម្បី​ជា​ប្រយោជន៍​រួមជាពិសេស​គឺ​ជួយ​​ឲ្យ​​​​វិស័យ​ភាព​យន្ត​របស់​ខ្មែរ ដែល​ស្ថិត​​ក្នុង​ភាព​គំរាម​កំហែង​​​​​​​​​​​​​​​​​​​​​​អាច​​រស់​​បន្ត​។ ប្រធាន​​​សមាគម​សិល្បៈករ​ខ្មែរ ​លោក​ សុះ ម៉ាច បាន​​​អះអាង​សមាគម​បាន​​ទាម​ទារ​​​​ឲ្យ​​លុប​រឿង​​ថៃនិង​រឿង​បរទេស​​នៅ​​លើ​កញ្ចក់​ទូរទស្សន៍​​នៅ​ចន្លោះ​ម៉ោង​​​​​​​​៧​ដល់​​៩យប់និង​​នៅ​​អំឡុង​​​​​ម៉ោង​ថ្ងៃ​ត្រង់​​មួយ​​ទៀត ​​​​​​​​ដោយ​សុំ​​​​​ឲ្យ​ប៉ុស្ដិ៍​ទូរទស្សន៍​ទាំង​អស់​ដាក់​​បញ្ចាំង​រឿង​ខ្មែរឬ​កម្មវិធី​​ដូច​គ្នា​។ លោក​​មាន​ប្រសាសន៍ថា៖ “ខ្ញុំ​មិន​ដឹង​ថា​ថ្នាក់​លើ​គាត់​ដឹង​ពី​​​​​​ក្ដី​កង្វល់​​ទាំង​នេះ​ឬ​ទេ ប៉ុន្តែ​អ្វី​ដែល​​យើង​ស្នើ​​គឺ​ជា​បញ្ហារួម​របស់​ជាតិ​ ព្រោះ​ការ​សាប​ព្រួស​វប្បធម៌បរទេស​​តាមរយៈ​ប្រព័ន្ធ​ផ្សព្វ​​ផ្សាយ​មាន​ឥទ្ធិពល​សំខាន់​ណាស់ ​​​សម្រាប់​​ជាតិ​សាសន៍​នីមួយ​ៗ គឺ​មិន​អាច​​បណ្ដោយ​​​​​​អញ្ចឹង​ទេ​!”។ លោក​ថា​​​​ក្រសួង​​​​វប្បធម៌និង​​​ក្រសួង​​អប់​រំ គឺ​ជា​អ្នក​ទទួល​ខុស​ត្រូវធំ​ជាង​គេសម្រាប់​​បញ្ហា​​​​នេះ​។ ​លោក​លើក​ឧទាហរណ៍ថា៖ “ដូច​​នៅ​​ក្នុង​​ប្រទេស​វៀតណាម រឿង​គេ(ភាពយន្ត)​ក៏​​​​មិន​ទាន់​ល្អ​ដែរ  ប៉ុន្តែ​រដ្ឋាភិបាល​​គេ​​​​នៅ​តែ​លើក​ទឹក​ចិត្ត​​ឲ្យ​រឿង​​ជាតិ​គេ​​បាន​ផ្សាយ​​ក្នុង​ម៉ោង​ល្អ​ព្រម​គ្នា ហើយទោះ​ជា​រឿង​កូរ៉េ ឬ​រឿង​​សិង្ហបុរី​​​​ល្អ​ប៉ុណ្ណា​ក៏​ដោយ ​​​​គេ​​ឲ្យ​បក​ប្រែ​តែ​​មួយ​​​សំឡេងគត់ ​​​តើ​គេ​​ខ្វះ​អ្នក​បញ្ចូល​សំឡេង​​មែន មិន​មែន​ទេ​ ប៉ុន្តែគេ​​​​ចង់​​​ឲ្យ​ជន​ជាតិ​គេ​ធុញ​រឿង​បរទេស​ ហើយ​នៅ​តែ​​គាំទ្រ​​រឿង​ខ្លួន​ឯង អញ្ចឹង​​ខ្ញុំ​អត់​ចង់ឲ្យ​ធ្វើ​​ដល់​​ថ្នាក់​​នឹង​ទេ គឺ​សុំ​​ឲ្យ​បណ្ដា​សា្ថនីយ​ទូរទស្សន៍​ទាំង​អស់​​​​កុំ​​ចាក់​​រឿង​​ថៃ ឬ​រឿង​បរទេស​​ចាប់​ពី​ម៉ោង​​៧​ដល់​ម៉ោង​​៩​យប់  និង​​ក្នុង​ម៉ោង​​​ថ្ងៃ​ត្រង់​​​​​​ប៉ុណ្ណោះ ​​​ហើយ​សុំ​ឲ្យ​មាន​អន្តរាគមន៍​ឲ្យ​​បាន​ស្មើ​ភាព កុំ​​​មាន​ប៉ុស្ដិ៍​មួយ​ចាក់​បាន ប៉ុស្ដិ៍​មួយ​ចាក់​មិន​បាន តែ​អញ្ចឹង​គត់​តែ​យូរ​​ទៅ​​​ដដែល​ៗទេ!”។ លោក សុះ ម៉ាច និង​លោក​​​ឆាយ​ បូរ៉ា ​មិន​ទាន់​កំណត់​​ពី​បរិច្ឆេទ​​​ដាក់​ញត្តិ​​នេះ​​ទេ ដោយ​​​គ្រាន់​តែ​អះ​អាង​ថា​នឹង​​ប្រគល់ទៅ​កាន់​​ស្ថាប័ន​ពាក់​ព័ន្ធ​​​ក្នុង​ពេល​ឆាប់ៗ។ យ៉ាង​ណា​មិញ​លោក​ថា​​​បើ​​ក្រោយ​​​ប្រកាស​​ឲ្យ​ដឹង​ពី​កង្វល់​​ក្នុង​​​​​សន្និសីទ​កាសែតនេះ​​នៅ​តែ​មាន​ការ​​​​គិត​គូរ​ នោះ​​សមាគម​លោក​នឹង​​​​​ធ្វើ​សន្និសីទ​កាសែត​ធំ​មួយ​​​​ថ្មី​ទៀត ហើយ​នឹង​​​​​ប្រគល់​ញ្ញត្តិសុំ​​ឲ្យលោក​​នាយក​រដ្ឋ​ម​ន្ត្រី ហ៊ុន សែន ជួយ​​អន្តរាគមន៍​​​ក្នុង​ជំហាន​បន្ត​។ លោក​ ឆាយ បូរ៉ា ​ប្រាប់​ថា​​​​​​​ប៉ុន្មាន​ខែ​នេះ​ទូរទស្សន៍​​​​​ធ្លាប់​​​​​​​​​ផលិ​ត​រឿង​ខ្មែរបាន​​​​​​​​​​​​​​​​ប្រកាស​ផ្អាក​​​​​​ឲ្យ​ផលិត​រឿង​ជា​បន្ត​បន្ទាប់ ខណៈដែល​​​ភា​ព​យន្ត​ខ្មែរ​ដែល​​​នៅ​បញ្ចាំង​​​ក៏​​រំកិល​ទៅ​​បញ្ចាំង​នៅ​ម៉ោង​​​​ស្អុយ  ​ដើម្បី​យក​ម៉ោង​​​ល្អ​ប្រជែង​គ្នា​ដាក់​រឿង​ថៃ​​​។ បើ​គ្មាន​​​​​ចំណាត់​ការ​ដំណោះ​ស្រាយ លោក​ថា​១០០% ភាព​យន្ត​ភាគ​ខ្មែរ​​នឹង​​​បាត់​វត្តមាន​ទាំងស្រុង​ពី​កញ្ចក់​ទូរទស្សន៍​ក្នុង​ស្រុក​។ វីអូឌី​មិន​ទាន់​អាច​សុំ​ការ​អត្ថាធិប្បាយ​ពី​រដ្ឋ​មន្រ្តី​ក្រសួង​ព័ត៌មាន លោក ខៀវ កាញារីទ្ធ បាន​នៅ​ឡើយទេ។​ គួរ​រំឭក​ថា កាលពីថ្ងៃទី ២៨ ខែមករា ឆ្នាំ២០០៣ រាជរដ្ឋាភិបាលកម្ពុជាបានសម្រេចផ្អាកការចាក់បញ្ចាំងគ្រប់ខ្សែភាពយន្តថៃ នៅ​គ្រប់ស្ថានីយទូរទស្សន៍ខ្មែរទូទាំងប្រទេសកម្ពុជា បន្ទាប់ពីប្រជាពលរដ្ឋកម្ពុជា ផ្ទុះហិង្សាដុតស្ថានទូតថៃប្រចាំនៅកម្ពុជា ព្រម​ទាំង​វាយកម្ទេចសណ្ឋាគារ និងភោជនីយដ្ឋានមួយចំនួន ដែលមានថៅកែជាជនជាតិ ដោយសារតារា​សម្តែង​ថៃដ៏​មាន​ប្រជាប្រិយភាពម្នាក់ ឈ្មោះ កុបស៊ុបវ៉ា គុនឃុនយីង ហៅផ្កាយព្រឹក និយាយថាប្រាសាទអង្គរវត្តជាកម្ម​សិទ្ធិ​របស់ថៃ។ តែ​ទោះ​ជាយ៉ាងណា នៅអំឡុងចុងឆ្នាំ២០១៣ កន្លងទៅនេះ គេសង្កេតឃើញស្ថានីយ៍ទូរទស្សន៍ប៉ុសិ៍្តលេខ៥ បាន​ចាប់ផ្តើម​ចាក់​បញ្ចាំងខ្សែភាពយន្ដថៃឡើងវិញ៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com

    [អានបន្ត]
  • ខាត់ សុឃីមនិង​ស្វាមី​ អំពាវនាវឲ្យឈប់ភ្ជាប់ខ្លួននឹងចា រិទ្ធី

    ថ្ងៃសុក្រ ទី21 សីហា 2015, 04:16 PM

    ក្រោយពីមានការបញ្ជាក់ពីលោក ចា រិទ្ធី ថាអ្នកនាងខាត់ សុឃីម បំបិទសិទ្ធិខ្លួនមិនឲ្យស្គាល់កូន ហើយអ្នកនាងខាត់ សុឃីម ក៏បានបញ្ជាក់ឲ្យដឹងពីមូលហេតុតបវិញ ហាក់ធ្វើឲ្យរំជើបរំជួលយ៉ាងខ្លាំងនៅក្នុងស្រទាប់មហាជន។ ក្នុងនោះក៏ធ្វើឲ្យស្វាមីរបស់អ្នកនាងមិនសប្បាយចិត្តផងដែរ ទើបអ្នកនាងសុំខ្លួនឲ្យឈប់ចុះផ្សាយពាក់ព័ន្ធនឹងខ្លួន ភ្ជាប់ជាមួយលោកចា រិទ្ធី ចាប់តាំងពីពេលនេះតទៅ។ អ្នកនាង ខាត់ សុឃីម បានអះអាងថារឿងរ៉ាវអតីតកាលរបស់ខ្លួនលែងជាអាថ៌កំបាំងទៀតហើយ ប៉ុន្តែអ្នកនាងក៏មិនចង់ឲ្យមានគាស់កកាយជាថ្មីទៀតដែរ ក្នុងពេលដែលកូនរបស់អ្នកនាងគឺបញ្ញាស្កាយកាន់តែធំដឹងក្ដី ហើយអ្នកនាងក៏មានស្វាមីដែលមិនចង់ឲ្យមានការចុះផ្សាយណាមួយប៉ះពាល់ដល់អារម្មណ៍គ្រួសារ។ ការចុះផ្សាយពាក់​ព័ន្ធនឹងលោក ចា រិទ្ធី អ្នកនាងប្រាប់ថាគឺជាច្រំដែលដែលអ្នកនាងសុំចិត្តកុំឲ្យមានការភ្ជាប់អ្នកនាងជាមួយអ្នកគ្រប់គ្រងកម្មវិធីប្រចាំទូរទស្សន៍អាស៊ីអាគ្នេយ៍តទៅទៀត ដោយសារតែអ្នកនាងយល់ថានៅពេលរំឭកឡើងវិញហាក់ធ្វើឲ្យអារម្មណ៍មិនសប្បាយចិត្ត។ ក្នុងបទសម្ភាសន៍ជាថ្មីជាមួយវីអូឌី(VOD) អ្នកនាងនិយាយថា៖ “ខ្ញុំដឹងថាគាត់(ចា រិទ្ធី)និយាយច្រើនជាងហ្នឹងទៀតពីខ្ញុំ ពីកូនខ្ញុំ ប៉ុន្តែសម្រាប់ខ្ញុំអត់ចង់មានព័ត៌មានជាមួយគាត់ទៀតទេ ព្រោះរឿងហ្នឹងវាកប់បាត់យូរហើយ អញ្ចឹងខ្ញុំសុំថាបើចុះពីគាត់សុំកុំឲ្យមានខ្ញុំ ហើយបើចុះពីខ្ញុំសុំកុំមានគាត់ សម្រាប់ម្នាក់ហ្នឹងមួយគឺសុំជៀសវាងហ្មង អត់ចង់ពាក់ព័ន្ធអីនឹងឈ្មោះហ្នឹងទេ!”។ អ្នកនាងសុំបញ្ចប់រឿងរ៉ាវដែលធ្លាប់ផ្សារភ្ជាប់ជាមួយចា រិទ្ធី ដើម្បីសុំភាពស្ងប់ស្ងាត់កុំឲ្យកើតមាននូវព័ត៌មានទាក់ទងគ្នាក្នុងពេលបន្តបន្ទាប់។ មិនខុសគ្នាដែរលោកផាណូ ជាស្វាមីបានថ្លែងប្រាប់ថាព័ត៌មានដែលបានភ្ជាប់ដំណឹងរវាងភរិយានិងលោក ចា រិទ្ធី គឺជាអ្វីដែលលោកមិនចង់ឲ្យកើតមាននោះទេ ក្នុងពេលដែលកូនប្រុសរបស់អ្នកនាងគឺមានលោកជាឪពុកនិងបានរ៉ាប់រងទទួលខុសត្រូវរួចហើយ ចាប់តាំងពីលោកចូលខ្លួនពាក់ព័ន្ធនឹងអ្នកនាងខាត់ សុឃីម។ លោកនិយាយថា៖ “រឿងអ្នកណាអួតយ៉ាងមិចអួតទៅ ប៉ុន្តែស្កាយបានក្លាយជាកូនរបស់ខ្ញុំហើយ សូម្បីតែត្រកូលក៏ប្រើត្រកូលខ្ញុំដែរ អញ្ចឹងខ្ញុំអត់ចង់ឲ្យគេមានអារម្មណ៍ថាខ្ញុំជាឪពុកដើមឪពុកចុងឬគេជាកូនមុនកូនក្រោយអីទេ។ ខ្ញុំតស៊ូរាល់ថ្ងៃ គឺខ្ញុំចាត់ទុកគេជាកូនពេញសិទ្ធិរបស់ខ្ញុំ ខ្ញុំហ៊ាននិយាយថាខ្ញុំស្រឡាញ់គេលើសពីឈាមខ្ញុំទៀត អញ្ចឹងខ្ញុំអត់ចង់ឮអ្នកណាមកពាក់ព័ន្ធគ្រួសារខ្ញុំអីទេ!”។ លោកអះអាងថាខ្លួនសុខចិត្តលះបង់សូម្បីការងារសិល្បៈនិងភាពហ៊ឺហា មកធ្វើជាជាងថតរូបប្រចាំនៅក្នុងសម្អាងអ្នកនាង ខាត់ សុឃីម ដោយសុខចិត្តធ្វើការហាលក្ដៅហាលភ្លៀង  ដើម្បី​បំពេញតួនាទីតែមួយគត់ គឺជាឪពុកល្អនិងជាស្វាមីល្អ ដើម្បីឲ្យគ្រួសារមួយនេះទទួលបានសុភមង្គល។ លោកនិយាយថា៖ “ការពិតរឿងហ្នឹងគេដឹងអស់ហើយ ប៉ុន្តែខ្ញុំអត់ឲ្យរំឭកទេ ពិសេសអត់ចង់ឲ្យមានព័ត៌មានណាមួយពីកូនខ្ញុំ(ស្កាយ)និងភរិយាខ្ញុំជាមួយម្នាក់ហ្នឹងទៀតទេ។ ខ្ញុំចង់ឲ្យប្រពន្ធនិងកូនខ្ញុំបំភ្លេចចោលនូវរឿងរ៉ាវទាំងនោះ ហើយសម្រាប់ខ្ញុំ គឺចង់ឲ្យស្កាយគេដឹងតែម្យ៉ាងថាខ្ញុំជាឪពុក ដោយខ្ញុំបានត្រៀមគ្រប់យ៉ាងដើម្បីផ្ដល់ឲ្យគេនូវសុភមង្គល ដែលឪពុកបង្កើតខ្លះគឺធ្វើមិនបាននោះផង!”។ លោក ផាណូ បានបង្ហើបថាតារាសិល្បៈជាច្រើនបានមាក់ងាយលោកនិងចោទថាលោកមិនបានស្រឡាញ់អ្នកនាងខាត់ សុឃីម និងកូនច្បងរបស់អ្នកអស់ពីចិត្តពីថ្លើមនោះទេ  ប៉ុន្តែលោកនៅតែប្រឹងជម្នះនិងកំពុងបង្ហាញថាការលះបង់ដែលលោកគឺនឹងធ្វើឲ្យពួកគេភ្ញាក់ខ្លួននិងបញ្ចប់នូវការគិតខុសទាំងនោះ៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com    

    [អានបន្ត]
  • ចា រិទ្ធី និងខាត់ សុឃីម បន្ទោសគ្នារឿងកូន

    ថ្ងៃសុក្រ ទី21 សីហា 2015, 07:53 AM

    ក្នុងមួយរយៈចុងក្រោយនេះ គេកត់សម្គាល់ឃើញតារាល្បីឈ្មោះ២ដួង គឺលោក ចា រិទ្ធី និងអ្នកនាង ខាត់ សុឃីម ឌឺដងដាក់គ្នាយ៉ាងចម្លែកនៅលើប្រព័ន្ធព័ត៌មាន។ ក្រៅពីបង្អួតភាពមានបានដោយចំហររៀងខ្លួន អ្នកទាំងពីរក៏បានបន្ទោសគ្នាចំៗពាក់ព័ន្ធនឹងរឿងកូនប្រុស គឺខាត់ បញ្ញាស្កាយ ដែលភាគីទាំងពីរទទួលស្គាល់ជាដំណក់ឈាមរួមគ្នាផងដែរ។ លោក ចា រិទ្ធី និយាយថាហេតុផលដែលលោកមិនដែលបានជួយអ្វីសោះដល់កូនប្រុសអ្នកខាត់ សុឃីម ដែលជាដំណក់ឈាមរបស់ខ្លួនគឺដោយសារតែអ្នកនាងបិទបាំងមិនឲ្យកូនប្រុសម្នាក់នេះស្គាល់លោកជាឪពុកនាពេលកន្លងមក។ លោកបញ្ជាក់បែបនេះនៅចំពោះមុខតារាសិល្បៈ ក្រុមការងារទូរទស្សន៍អាស៊ីអាគ្នេយ៍និងនៅចំពោះមុខអ្នកសារព័ត៌មានដែលគេកត់សម្គាល់ហាក់ក្លាយជារឿងបើកចំហរពេញទី ដោយមិនខ្វល់ពីអារម្មណ៍របស់ភរិយា​ដើម។ លោកបានទាំងអះអាងថាអ្នកនាងខាត់ សុឃីម គឺជាដើមចមដែលហាមប្រាមមិនឲ្យលោកជួបមុខកូននិងមិនឲ្យទទួលស្គាល់លោកជាឪពុក ដែលជាឪពុកបង្កើតនោះផង។ លោកចា រិទ្ធី និយាយថា៖ “បើកុំតែខាត់ សុឃីម ខ្លាចប្ដី ហើយមិនឲ្យកូនស្គាល់ខ្ញុំ  កុំអីអាស្កាយ(កូនប្រុស) មិនមែនឆ្ងាយៗពីខ្ញុំអញ្ចឹងទេ ព្រោះវាជាឈាមខ្ញុំ ទោះខ្ញុំជាអ្នកណាក៏ចេះស្រឡាញ់កូនដែរ ប៉ុន្តែខាត់ សុឃីម អត់ឲ្យកូនស្គាល់ខ្ញុំម្មង!”។ លោក ចា រិទ្ធី​ បានបញ្ជាក់នូវហេតុផលជាច្រើនដែលថាខាត់ សុឃីម គេចមុខនិងបង្វេះមិនឲ្យកូនប្រុសជួបខ្លួន ចាប់តាំងពីលោកនិងអ្នកនាងកាត់ផ្ដាច់ទំនាក់ទំនងគ្នានិងក្រោយពេលអ្នកនាងខាត់ សុឃីម រៀបការជាមួយលោក​ផាណូ។ អ្នកគ្រប់គ្រងកម្មវិធីសិល្បៈប្រចាំទូរទស្សន៍អាស៊ីអាគ្នេយ៍ល្បីឈ្មោះរូបនេះបានប្រាប់វីអូឌី(VOD)អះអាងថាដោយ​សារតែខាត់ សុឃីម ទើបធ្វើឲ្យលោកមិនអាចបំពេញកាតព្វកិច្ចជាឪពុកចំពោះកូនប្រុស។ លោកចា រិទ្ធី ប្រាប់ថាលោកមិនត្រូវការពាក់ព័ន្ធជាមួយខាត់ សុឃីម នាំឲ្យលោកផាណូយល់ច្រឡំនោះទេ ប៉ុន្តែអ្វីដែលលោកចង់បានគឺសិទ្ធិជួបមុខកូននិងការទទួលខុសត្រូវក្នុងនាមជាឪពុក។ លោកបញ្ជាក់ថា៖ "មានទៅយ៉ាងមិច បើគេមិនឲ្យស្គាល់មានតែតាមហ្នឹងទៅ ប៉ុន្តែខ្ញុំរឿងកូនគឺអត់បោះបង់ទេ ព្រោះប្រពន្ធខ្ញុំ(ភរិយាដើម) ដឹងថាអាស្កាយកូនខ្ញុំតើ!”។ កូនប្រុស​និង​កូនស្រី​របស់អ្នកនាង​ខាត់ សុឃីម​(រូបថត​ពីហ្វេសប៊ុក​) តបនឹងការបញ្ជាក់របស់លោក អ្នកនាងខាត់ សុឃីម ពោលថានោះជាការលើកឡើងកុំឲ្យអាក្រក់ស្ដាប់។ អ្នកនាងនិយាយថា៖ “ស្កាយជាកូនតែម្នាក់របស់ខ្ញុំ បើអ្នកឯង(ចា រិទ្ធី) ចង់ទទួលខុសត្រូវ គឺទិញទឹកដោះគោតែមួយកំប៉ុងឲ្យកូនខ្ញុំបៅ កាលវានៅតូចក៏ខ្ញុំអស់ចិត្តហើយ ប៉ុន្តែអត់មាន អញ្ចឹងកុំនិយាយ! ខ្មាសមាត់ កូនហ្នឹងខ្ញុំតស៊ូចិញ្ចឹមមកម្នាក់ឯងបានធំហើយ មិនបាច់មានឪពុកអីទទួលខុសត្រូវក៏បានដែរ!”។ អ្នកនាងប្រាប់ថាកូនច្បងរបស់ខ្លួនបានចុះសម្រុងជាមួយស្វាមីមិនខុសពីឪពុកនិងកូនបង្កើតឡើយ ដូច្នេះវាគ្មានហេតុផលដែលគេត្រូវមានឪពុក ដែលបានព្រងើយកន្តើយតាំងពីគេមើលឃើញពន្លឺថ្ងៃជាដាច់ខាត។ អ្នកនាងនិយាយថាលោកចា រិទ្ធី មិនអាចធ្វើបាននូវអ្វីដែលបានលើកឡើងនោះទេ ទើបអ្នកនាងសម្រេចចិត្តមិនឲ្យកូនជួបមុខរហូតមកទល់ពេលនេះ។ អ្នកនាងនិយាយថា៖ “គាត់ហ្នឹងគឺនិយាយកុំឲ្យគេអាក្រក់ស្ដាប់ទេ ប៉ុន្តែការពិតកុំជឿ កូនខ្ញុំ១០ឆ្នាំហើយ ទោះជាចង់មកទទួលខុសត្រូវ ក៏ខ្ញុំអត់ឲ្យទទួលដែរ”។ អ្នក​នាង​បន្ត​ថា៖ “​កូនប្រុសស្គាល់ថាលោកចា រិទ្ធី គឺជាឪពុកបង្កើត ប៉ុន្តែគេមិនដែលនឹកចង់ទៅជួបអីម្ដងណាទេ ដោយសារគ្មានអនុស្សាវរីយ៍និងការទទួលខុសត្រូវពេលគេនៅតូច”៕ សរសេរមកកាន់លោក  វង្ស សុម៉ាលីន តាមរយៈvongsomalin@yahoo.com    

    [អានបន្ត]
  • ចប់​ការសិក្សា​មកពី​ក្រៅ​ប្រទេស ហេង ពិសិដ្ឋ ប្រឡូក​សិល្បៈ

    ថ្ងៃអង្គារ ទី18 សីហា 2015, 01:38 PM

    ​ក្នុងចំណោម​តារា​សម្ដែង និង​ជា​តារាចម្រៀង​វ័យក្មេង​ដែល​លេចធ្លោ​ជំនាន់​ក្រោយ​នៅក្នុង​រង្វង់​សិល្បៈ គេ​កត់សម្គាល់ឃើញ​លោក ហេង ពិសិដ្ឋ មាន​ចំណុច​គួរឲ្យ​ចាប់អារម្មណ៍​ខុស​ពី​តារា​ដទៃ​។ នោះ​គឺ​ដោយសារតែ​លោក​បាន​បញ្ចប់​ការសិក្សា​មកពី​ក្រៅ​ប្រទេស និង​មាន​តំណែង​ដល់​ទៅ​ជា​អ្នកគ្រប់គ្រង​ក្រុមហ៊ុន​ធំៗ  ប៉ុន្តែ​បែរជា​បាន​ប្រឡូក​នៅក្នុង​ពិភព​សិល្បៈ ហើយ​ទទួលបាន​ការងា​រសកម្ម​។​ ​ទោះ​មិន​ទាន់​ល្បី​ឈ្មោះ​ខ្លាំងក្លា ប៉ុន្តែ​នៅក្នុង​ពិភព​សិល្បៈ​គេ​ឃើញ​តារា​សម្ដែង​វ័យ​២៦​ឆ្នាំ​លោក ហេង ពិសិដ្ឋ មាន​ការងារ​សកម្មភាព​មិន​អន់​នោះទេ ទាំង​ការងារ​សម្ដែង ពិសេស​ក្នុង​វ៉ុល​ថ្មីៗ​របស់​ផលិតកម្ម​ហង្ស​មាស  ស្ពតពាណិជ្ជកម្ម និង​ឡើង​ច្រៀង​លើ​ឆាក​ទូរទស្សន៍​។ ភាព​លេចធ្លោ​របស់លោក​ត្រូវ​គេ​កត់សម្គាល់​កាន់តែខ្លាំង នៅពេល​មាន​បទសម្ភាសន៍​ហើយ​បាន​បញ្ជាក់ថា លោក​គឺ​ជា​តារា​សិល្បៈ​ដែល​ទើប​បញ្ចប់​ការសិក្សា​នៅ​ក្រៅប្រទេស និង​ជា​អ្នក​គ្រប់​គ្រង់​ទូទៅ​ប្រចាំ​នៅក្នុង​ក្រុមហ៊ុន​មួយ ដែល​ខុសប្លែក​ពី​តារា​ស្រករ​ក្រោយ​ផ្សេងទៀត​។​

    [អានបន្ត]

ព័ត៌មានផ្សេងៗ

ព័ត៌មានប្រចាំថ្ងៃ

មើលព័ត៌មានប្រចាំថ្ងៃទាំងអស់
  • អភិបាលខណ្ឌព្រែកព្នៅគម្រាមចុះរុះរើផ្ទះពលរដ្ឋពីរគ្រួសារបើមិនព្រមយកសំណង (វីដេអូ) ថ្ងៃសុក្រ ទី28 សីហា 2015, 06:14 PM
  • លោក វ៉ា គឹមហុង៖ កម្ពុជានៅរង់ចាំការផ្ទៀងផ្ទាត់ជាចុងក្រោយជាមួយផែនទីពីបារាំង (វីដេអូ) ថ្ងៃសុក្រ ទី28 សីហា 2015, 05:39 PM
  • កសិករចិញ្ចឹមមាន់តាមបែបធម្មជាតិនៅស្រុកទឹកផុស ខេត្តកំពង់ឆ្នាំង (វីដេអូ) ថ្ងៃសុក្រ ទី28 សីហា 2015, 04:50 PM
  • កម្មករនិងអ្នកលក់ដូរសម្តែងការព្រួយបារម្ភក្រោយបិទរោងចក្រយូណាយធីត (វីដេអូ) ថ្ងៃសុក្រ ទី28 សីហា 2015, 03:41 PM
  • កម្ពុជាខ្វះនិស្សិតចាប់យកជំនាញបច្ចេកទេស (វីដេអូ) ថ្ងៃសុក្រ ទី28 សីហា 2015, 10:28 AM
  • អ.ស.ប. ជំរុញរដ្ឋាភិបាលផ្តោតលើគោលដៅអភិឌ្ឍន៍សហស្សវត្សរ៍ដែលមិនទាន់សម្រេចបាន (វីដេអូ) ថ្ងៃព្រហស្បតិ៍ ទី27 សីហា 2015, 07:59 PM

ព័ត៌មានកីឡា

មើលព័ត៌មានកីឡាទាំងអស់
  • ឃីម ឌី​ម៉ា បាន​ត្រឹម​ស្មើ​កីឡាករ​ថៃ​

    ថ្ងៃចន្ទ ទី24 សីហា 2015, 08:06 AM

    ​ជំនួប​គ្នា​នៅលើ​សង្វៀន​អន្តរជាតិ​កាលពី​ថ្ងៃអាទិត្យ​ទី​២៣ ខែ​សីហា កីឡាករ ឃីម ឌី​ម៉ា ដែល​ជា​ជើង​ខ្លាំង​របស់​កម្ពុជា​បានត្រឹមតែ​ស្មើ​កីឡាករ​ថៃ​ឈ្មោះ Chheng Krai  ប៉ុណ្ណោះ​។ អ្វី​ដែល​គួរឲ្យ​កត់សម្គាល់​គឺ​អ្នក​ទាំង​ពីរ​បើកឆាក​ប្រយុទ្ធ​គ្នា​មិន​សូវ​ទាក់ទាញ​ដូច​ការ​ទន្ទឹង​គិត​នោះ​ទេ នៅលើ​សង្វៀន​ទូរទស្សន៍​អាស៊ីអាគ្នេយ៍​នា​ថ្ងៃនោះ​។​ ​ក្នុង​ការប្រកួត​ដែល​បាន​ធ្វើ​ឡើង​នោះ កីឡាករ ឃីម ឌី​ម៉ា ត្រូវ​គេ​ឃើញ​វាយលុក​ទៅលើ​កីឡាករ​ថៃ Chheng Krai  មិនបាន​ល្អ​ទាល់តែសោះ​ពេញ​រយៈពេល​៥​ទឹក​។ រវាង​អ្នក​ទាំង​ពីរ កីឡាករ​កម្ពុជា​មាន​អ្នក​ជឿជាក់​ពី​សមត្ថភាព​ខ្លាំង​ជាង ដោយសារ​តែ​ភាពជាក់ស្ដែង គ្មាន​អ្នកណា​មិនដឹង​នោះ​ទេ​ថា ឃីម ឌី​ម៉ា គឺជា​ជើង​ខ្លាំង​ក្នុង​ប្រភេទ​ទម្ងន់ ៦៣,៥​គីឡូក្រាម និង​ជា​ជើង​ខ្លាំង​មក​ពី​ក្លិប​រស្មី​ភូមិ​គាប​ខេត្ត​បាត់ដំបង​។ លោក​ក៏​ធ្លាប់​ល្បីល្បាញ​នៅ​ក្នុង​ពិភព​ប្រដាល់​ដាក់​ទ្រុង​លើ​ឆាក​អន្តរជាតិ ធ្វើឲ្យ​មាន​ការទទួលស្គាល់​ពី​សមត្ថភាព​ច្រើន​មកហើយ​ជាមួយ​កីឡាករ​បរទេស​។ អ៊ីចឹង​ហើយ​ទើប​លទ្ធផល​ដែល​បាន​លេចឡើង​កាលពី​ថ្ងៃអាទិត្យ ហាក់​ធ្វើ​ឲ្យ​អ្នកគាំទ្រ​មិន​អស់ចិត្ត​។​

    [អានបន្ត]
  • សេក គឹម​រួន និង​ធី តុង​ហ៊ី លទ្ធផល​ផ្ទុយគ្នា​ថ្ងៃ​ប៉ះ​ថៃ​

    ថ្ងៃចន្ទ ទី17 សីហា 2015, 07:54 AM

    ​ការប្រកួត​ប្រដាល់​អន្តរជាតិ​នៅលើ​សង្វៀន​ទូរទស្សន៍​អាស៊ីអាគ្នេយ៍​កាលពី​ថ្ងៃអាទិត្យ ទី​១៦ ខែ​សីហា ជើង​ខ្លាំង​របស់​កម្ពុជា​២​រូប​គឺ ធី តុង​ហ៊ី និង​សេក គឹម​រួន មិន​មាន​វាសនា​ដូចគ្នា​នោះ​ទេ បើ​ទោះ​ជា​អ្នក​ទាំង​ពីរ​ត្រូវ​គេ​មើលឃើញ​ថា​ជា​ជើង​ខ្លាំង​ដូចគ្នា ដែល​មិន​ពិបាក​ឈ្នះ​ថៃ​។ ប៉ុន្តែ​ចំណុច​ដូចគ្នា​ដែល​គេ​សម្គាល់​ឃើញ​គឺ​អ្នក​ទាំង​ពីរ​ទទួលបាន​លទ្ធផល​វេទនា​ខ្លួន​ដូចគ្នា បើទោះជា​ម្នាក់​បាន​ឈ្នះ​ថៃ និង​ម្នាក់​ទៀត​ត្រូវ​បរាជ័យ​ក្រោម​ដៃ​គូប្រកួត​ទៀត​។​ ​នៅក្នុង​ព្រឹត្តិការណ៍​នេះ មាន​ការកត់សម្គាល់ថា​មានតែ​២​គូ​ប៉ុណ្ណោះ ដែល​មាន​ការប្រកួត​ស្វិតស្វាញ និង​ជក់ចិត្ត​បំផុត​ពី​សំណាក់​អ្នក​ទៅ​ទស្សនា​យ៉ាង​កកកុញ​នៅក្នុង​រង្វង់​ប្រដាល់​។ កីឡាករ​ថៃ​ឈ្មោះ Yort Sing  ដែល​ធ្លាប់​វាយ​ឈ្នះ​កីឡាករ​កម្ពុជា​២​រូប​មក​ហើយ​នៅ​លើ​សង្វៀន​ទូរទស្សន៍​អាស៊ីអាគ្នេយ៍ នៅតែ​បាន​រក្សា​ស្ថិតិ​វាយ​ឈ្នះ​កីឡាករ សេក គឹម​រួន ជា​លើក​ទី​៣​ទៀត​នៅក្នុង​ថ្ងៃនោះ​។ បង្គោល​ក្រហម សេក គឹម​រួន ត្រូវ​គេ​ឃើញ​ប្រឹងប្រែង​វាយ​ប្ដូរ​ដោយ​កែង និង​ម៉ាត់ សម្បើម​ណាស់ គឺ​ស្ទើរ​មិន​មាន​ពេល​ដកដង្ហើម ដើម្បី​ទុក​ពេល​ស្ទាបស្ទង់​នោះទេ ប៉ុន្តែ​លទ្ធផល​នៅ​តែ​ទៅ​មិន​រួច​ជាមួយ​កីឡាករ​បង្គោល​ខៀវ​ថៃ​។​

    [អានបន្ត]
  • ម្ចាស់ផ្ទះ​កម្ពុជា​អស់សិទ្ធិ​ទៅ​វគ្គ​បន្ត​ក្រោយ​ចាញ់​​ភូមា​

    ថ្ងៃពុធ ទី5 សីហា 2015, 09:41 PM

    ​ក្រុមបាល់ទាត់​ជម្រើសជាតិ​កម្ពុជា​អាយុ​ក្រោម​១៦​ឆ្នាំ (U16) បញ្ចប់​ដំណើរ​របស់​ខ្លួន​ក្នុង​ការប្រកួត​ពានរង្វាន់ AFF BIDC CUP ក្រោយ​ប្រកួត​ចាញ់​ភូមា​។​ ​ការប្រកួត​នៅ​ល្ងាច​ថ្ងៃ​ពុធ ទី​៥ ខែ​សីហា​នេះ ក្រុម​បាល់ទាត់ U16 កម្ពុជា បើកទ្វារ​ពហុ​កីឡដ្ឋាន​ជាតិ​អូឡាំពិក ស្វាគមន៍​ក្រុមបាល់ទាត់​ជម្រើ​ជាតិភូមា​។ ក្នុង​វគ្គ​ទី​១ ក្រុម​ភ្ញៀវ​ភូមា​បាន​ធ្វើ​ការគាបសង្កត់​ទៅ​លើ​ក្រុម​ម្ខាស់ផ្ទះ​កម្ពុជា ដោយ​ក្នុង​វគ្គ​នេះ ភូមា​អាច​រក​គ្រាប់​បាល់​បាន​ចំនួន​ពីរ​គ្រាប់​។​

    [អានបន្ត]
  • U16កម្ពុជាបន្តក្តីស្រម៉ៃ ទោះបានត្រឹមស្មើជាមួយសិង្ហបូរី

    ថ្ងៃចន្ទ ទី3 សីហា 2015, 09:28 PM

    ក្រុមកីឡាបាល់ទាត់ ក្រោមអាយុ១៦ឆ្នាំ(U16)របស់កម្ពុជា នៅតែបន្តក្តីសង្ឃឹមរបស់ខ្លួនក្នុងពានរង្វាន់ AFF BIDC CUP U16 Championship 2015 បើទោះជាបានលទ្ធ​ផលត្រឹមស្មើជាមួយសិង្ហបូរីក៏ដោយ​។ ការប្រកួតក្នុងពូលB នាល្ងាចថ្ងៃចន្ទ ទី៣ ខែសីហានេះ ក្រុមបាល់ទាត់U16របស់កម្ពុជាប៉ះក្រុមបាល់ទាត់U16របស់សិង្ហបូរី នៅពហុកីឡដ្ឋានជាតិអូឡាំពិក​។ សម្រាប់​ការប្រកួតនេះ ក្រុមទាំងពីរមានឱកាសរៀងខ្លួន តែធ្វើមិនបានសម្រេច ដោយចប់ការប្រកួតក្រុមទាំងពីរស្មើគ្នា០ទល់នឹង០។ សូមជម្រាបថា បន្ទាប់ពីប្រកួតស្មើគ្នាជាមួយសិង្ហបូរី គឺកម្ពុជាមាន៤ពិន្ទុ ឈរនៅលំដាប់លេខ៣ តាមពីក្រោយក្រុមលេខ១ក្នុងពូលB គឺអូស្រ្តាលី មាន៩ពិន្ទុ និងក្រុមលេខ២ក្នុងពូលគឺភូមាមាន៦ពិន្ទុ។ សម្រាប់ការប្រកួតចុងក្រោយក្នុងវគ្គចែក​ពូល កម្ពុជានឹងជួបក្រុមបាល់ទាត់ភូមា ថ្ងៃទី៥ ខែសីហា នៅពហុកីឡ​ដ្ឋានជាតិអូឡាំពិក វេលាម៉ោង៦និង៣០នាទីល្ងាច។ សម្រាប់​ការប្រកួតនោះ កម្ពុជាត្រូវការឈ្នះភូមាជាចាំបាច់ដើម្បីបានកៅអីទៅវគ្គពាក់កណ្តាលផ្តាច់ព្រ័ត្រ ខណ:ភូមាចង់ត្រឹមតែស្មើ។ អ្នកចូលរួមទស្សនានៅល្ងាចថ្ងៃចន្ទនេះ មកដល់ពេលនេះ ក្រុម​ដែលមានសិទ្ធិទៅលេងវគ្គពាក់កណ្តាលផ្តាច់ព្រ័ត្រសម្រាប់ពូលB គឺក្រុមអូស្ត្រាលី ទោះបីក្រុមនេះនៅសល់​មួយប្រកួតទៀតជាមួយហ្វីលីពីនក៏ដោយ។ ចំណែកសិង្ហបូរីនិងហ្វីលីពីនជ្រុះចេញពីការប្រកួត ខណ:កម្ពុជានិងភូមា នៅមិនទាន់ដឹងច្បាស់ថាក្រុមណានឹងមានសិទ្ធិទៅលេងវគ្គបន្ត៕

    [អានបន្ត]
  • កីឡាករកម្ពុជានិងថៃ ប្រកួតគ្នាអត់បានលុយ

    ថ្ងៃចន្ទ ទី3 សីហា 2015, 07:50 AM

    ការប្រកួតអន្តរជាតិរវាងកីឡាករកម្ពុជា ឡន លឿប និងកីឡាករថៃThang Nong ដែលមានរហ័ស្សនាមថា គីង្គក់ពិសនោះ ត្រូវបានបញ្ចប់ដោយផ្ទុះភាពចម្រូងចម្រាសបំផុតនៅលើសង្វៀនទូរទស្សន៍អាស៊ីអាគ្នេយ៍។ ទាំងភាគីកម្ពុជានិងថៃ សម្រាប់គូនេះ ក៏មិនត្រូវបានទទួលតម្លៃខ្លួនសូម្បីមួយរៀលខ្មែរ ត្រឡប់ទៅវិញផងដែរ បន្ទាប់ពីរឿងរ៉ាវផ្ទុះឡើងត្រូវរលត់។  ក្នុងចំណោមការប្រកួតអន្តរជាតិ៣គូរបស់ស្ថានីយទូរទស្សន៍អាស៊ីអាគ្នេយ៍ កាលពីព្រឹកថ្ងៃអាទិត្យទី២ ខែសីហា គឺមានតែកីឡាករឡន លឿប និងThang Nongប៉ុណ្ណោះដែលទទួលបានការចាប់អារម្មណ៍ជាងគេ។ នោះគឺដោយសារតែអ្នកទាំងពីរឡើងមកប្រកួតសងសឹក បន្ទាប់ពីលើកមុនThang Nong បានវាយឲ្យភាគីកម្ពុជាចាញ់យ៉ាងអាម៉ាស់។ ប៉ុន្តែផ្ទុយពីការគ្រោងទុក ការប្រកួតសារជាថ្មីរបស់គូនេះបែរជាបង្កឲ្យកើតមានបញ្ហារសេមរសាម។ កីឡាករថៃដែលធ្លាប់តែខ្លាំងត្រូវគេឃើញមិនវាយទាល់តែសោះ ក្នុងពេលដែលកីឡាករឡន លឿប ក៏មិនឆ្មក់ឱកាសផ្ដួលគូប្រកួតឲ្យសន្លប់តាមការចង់បាន ក្នុងពេលកីឡាករថៃត្រូវគេមើលឃើញមិនបញ្ចេញក្បាច់គុន។ នៅទឹកទី៤ កីឡាករថៃត្រូវ២ដងនឹងឈានដល់រាប់មួយលើកចុងក្រោយ នាំឲ្យលោកម៉ាក់ សាមឿន ជាអាជ្ញាកណ្ដាលសុំយោបល់ពីគណៈកម្មការរៀបចំ ដើម្បីបណ្ដេញចុះ។  គណៈកម្មការប្រដាល់មិនប្រកាសលទ្ធផលឲ្យគូនេះឡើយ ក្រោមហេតុផលថាកីឡាករថៃThang Nong ប្រកួតមានបញ្ហា ហើយកីឡាករកម្ពុជាក៏មិនស្ទុះស្ទារស្ដារស្ថានការណ៍។ កីឡាករទាំងពីរក៏មិនតម្រូវឲ្យទទួលលុយ សូម្បីតែសោហ៊ុយធ្វើដំណើរនោះឡើយ ដែលនេះគឺករណីលើកដំបូងមិនធ្លាប់កើតមាននៅលើសង្វៀនទូរទស្សន៍អាស៊ីអាគ្នេយ៍សម្រាប់ការប្រដាល់អន្តរជាតិ។  លោក រាជ សូផែន ប្រធានគណៈកម្មការវិនិច្ឆ័យការប្រដាល់នៅទូរទស្សន៍អាស៊ីអាគ្នេយ៍បានអះអាងថាការប្រកួតគូនេះមិនអាចនឹងផ្ដល់តម្លៃខ្លួនឲ្យបានទេ ដោយសារកីឡាករថៃបានបង្ហាញយ៉ាងច្បាស់ថាមានបញ្ហា ហើយកីឡាករកម្ពុជាក៏មើលទៅដូចជាមិនចង់ផ្ដួលដៃគូ។ លោកនិយាយថា៖”បើគូហ្នឹងមិនធ្លាប់ប្រកួតឲ្យយើងដឹងពីសមត្ថភាពលើកមុន ប្រហែលពិបាកចាប់ថ្នាក់ ប៉ុន្តែលើកមុនគូហ្នឹងវ៉ៃគ្នាដូចធ្វើសង្រ្គាមអញ្ចឹង ដូច្នេះគណៈកម្មការមិនអាចទទួលយកបានទេ!”។ លោកបន្តថាមិនមានហេតុផលណាមួយដែលត្រូវដោះស្រាយពាក់ព័ន្ធនឹងតម្លៃខ្លួនឡើយ  ដើម្បីធ្វើការព្រមានទៅលើសាមីខ្លួននិងគ្រូបង្វឹកឲ្យចេះគ្រប់គ្រងលើករណីនេះ។  លោក ថៃ អ៊ូ អ្នកដឹកនាំកីឡាករថៃមកប្រកួត បានថ្លែងថា កីឡាករThang Nong មិនបានលក់ខ្លួននោះទេ ប៉ុន្តែគេប្រាប់លោកថាគេវ៉ៃឡន លឿប មិនចូល ដោយសារកីឡាករកម្ពុជាកែទម្រង់វាយលុកខុសពីលើកមុន ហើយកីឡាករកម្ពុជាខ្ពស់ជាងផងទើបពិបាកវ៉ៃ។ លោកបានបន្ទោសទៅលើលោកអាជ្ញាកណ្ដាលនិងកីឡាករឡន លឿប ដែលបានបណ្ដោយឲ្យស្ថានការណ៍នេះកើតជាបញ្ហាធំដុំ។ លោក ថៃ អ៊ូ និយាយថា៖ ”ខ្ញុំសួរហើយ Thang Nong អត់មានលក់ទេ ប៉ុន្តែវាវ៉ៃមិនចូលព្រោះឡន លឿបខ្ពស់ជាង ប៉ុន្តែខ្ញុំឆ្ងល់ថាបើអាបស់ខ្ញុំ(Thang Nong) វាអត់វ៉ៃ មិចអាក្រហម(ឡន លឿប) មិចវ៉ៃឲ្យសន្លប់ទៅ ហើយអាជ្ញាកណ្ដាលមិចមិនបញ្ជាឲ្យវ៉ៃគ្នា ឲ្យទាល់តែសន្លប់ម្ខាងៗទៅ បើឃើញអាខៀវអញ្ចឹងហើយ!”។ លោកថានេះជាមេរៀនទីមួយ ចាប់តាំងពីលោកដឹកនាំកីឡាករបរទេសឲ្យមកប្រកួតនៅក្នុងប្រទេសកម្ពុជាច្រើនឆ្នាំមកនេះ។  ឆ្លើយតបនឹងលើកឡើងនេះ លោក ម៉ាក់ សាមឿន ជាអាជ្ញាកណ្ដាលបញ្ជាក់ថាលោកបញ្ជាឲ្យភាគីទាំងពីរវ៉ៃគ្នាអស់បច្ចេកទេសហើយ ប៉ុន្តែមកពីថៃមិនព្រមវ៉ៃ ហើយបង្គោលក្រហមក៏នៅតែញញើតញញើម ទើបលោកសុំយោបល់តម្រូវឲ្យដេញចុះ។ មិនខុសគ្នាដែរ កីឡាករឡន លឿប បានថ្លែងប្រាប់ថាការពិតលោកក៏ចង់វាយសម្រុកលើថៃឲ្យសន្លប់ផងដែរ ប៉ុន្តែមកពីខ្លាចភ្លាត់ស្នៀតនាំឲ្យចាញ់ដូចមុន ទើបចេះតែវាយខ្លះដកថយខ្លះ។ លោកថាខ្លួនមិនជាប់មន្ទិលរឿងលក់ខ្លួននោះទេ ហើយក៏មានអារម្មណ៍សោកស្ដាយណាស់ដែរ ដែលការប្រកួតលើកនេះ មិនអាចទទួលបានកម្រៃ ហើយត្រូវជាប់ក្នុងបញ្ជីខ្មៅរបស់គណៈកម្មការប្រដាល់៕  សរសេរមកកាន់លោក វង្ស សុម៉ាលីន តាមរយៈvongsomalin@yahoo.com

    [អានបន្ត]
  • មាស ច័ន្ទ​មាន ដណ្ដើម​បាន​ខ្សែក្រវាត់​ជើងឯកនៅ​ប៉ុស្តិ៍​អាស៊ីអាគ្នេយ៍​

    ថ្ងៃអាទិត្យ ទី2 សីហា 2015, 12:31 AM

    ​នៅ​ទីបំផុត កីឡាករ មាស ច័ន្ទ​មាន បាន​ក្លាយ​ជា​ម្ចាស់​ជើងឯក​ក្នុង​ប្រភេទ​ទម្ងន់​៦៥​គីឡូក្រាម​នៅក្នុង​ព្រឹត្តិការណ៍​ដណ្ដើម​ខ្សែក្រវាត់ K Cement ​វគ្គ​ផ្ដាច់ព្រ័ត្រ កាលពី​ល្ងាច​ថ្ងៃ​សៅរ៍ ទី​១ ខែ​កញ្ញា នៅ​ស្ថានីយ​ទូរទស្សន៍​អាស៊ីអាគ្នេយ៍​។ យ៉ាងណាក៏ដោយ កីឡាករ មាស ច័ន្ទ​មាន ក៏​ត្រូវ​គេ​មើលឃើញ​ថា មិន​មាន​ប្រៀប​លើ​គូប្រកួត​គឺ ឃីម បូរ៉ា ខ្លាំងក្លា​នោះ​ទេ ក្រៅ​ពី​បាន​ទទួល​ការ​សរសើរ​ថា ពូកែ​វាយ​ដេញ​។​ ​ការប្រកួត​ដណ្ដើម​ខ្សែក្រវាត់​ដែល​កីឡាករ មាស ច័ន្ទ​មាន ជា​បង្គោល​ក្រហម និង​ឃីម បូរ៉ា ជា​បង្គោល​ខៀវ​នោះ ទទួលបាន​ការចាប់អារម្មណ៍​តាំងពី​មុន​បើក​ការប្រកួត ដោយ​អ្នកគាំទ្រ​បាន​ក្រោកឈរ​ស្វាគមន៍​ដំណើរ​មក​កាន់​សង្វៀនរ​បស់​ពួកគេ​យ៉ាង​កងរំពង ក្នុង​ពេល​ធ្វើដំណើរ​ទៅកាន់​រេ​ញ​។ នោះ​គឺ​ដោយសារ​តែ​អ្នក​ណា​ក៏​ចង់​ដឹង​ថា រវាង​ពួកគេ​តើ​មួយរូប​ណា​ទៅ​ក្លាយ​ជា​ម្ចាស់​ខ្សែក្រវាត់​។ ការប្រកួត​របស់​អ្នក​ទាំង​ពីរ​មាន​សភាព​ក្ដៅគគុក​តាំង​ពី​ទឹក​ទី​១ ពិសេស​ក្នុង​ពេល ឃីម បូរ៉ា បង្កើន​ការវាយលុក ហើយ មាស ច័ន្ទ​មាន ក៏​សម្រុក​វាយ​សន្ធាប់​។​

    [អានបន្ត]

ព័ត៌មានផ្សេងៗ

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To