ព័ត៌មានថ្ងៃនេះ អាជ្ញាធរអប្សរា​​អះអាង​ថាចាប់បាន​បរទេស៣នាក់លួច​ថត​រូបអាក្រាត​នៅ​ប្រាសាទខ្មែរគណបក្ស​ប្រជាជនកម្ពុជា​នឹង​ចាប់ផ្តើមសមាជ​រយៈពេល​៣ថ្ងៃ ចាប់ពីថ្ងៃស្អែកនេះ​សង្គម​ស៊ីវិល​រំឭក​គណបក្ស​ប្រជាជន​កម្ពុជា ​ពី​ការបាត់បង់​អំណាច​បើ​មិន​បំបាត់​អំពើពុករលួយ​​មន្ត្រី​សហជីព​ត្អូញត្អែរ​ថា​ការចុះបញ្ជី​ការ​មាន​ការលំបាក និង​ស៊ាំ​ញាំ​​អាជ្ញាធរ​វៀតណាម​ថា​កាស៊ីណូ​កម្ពុជា​តាម​ព្រំដែន​ធ្វើឲ្យប៉ះពាល់​ដល់​ស្ថិរភាព​សង្គម​របស់​វៀ​ត​ណាម​​ស្ត្រី​ខ្មែរ​រងគ្រោះ​ករណី​រៀប​ការខុសច្បាប់​ទៅ​ចិន​៦០​នាក់​បញ្ជូន​មក​កម្ពុជា​វិញ​ក្រសួងសុខាភិបាលព្យាបាលអ្នកជំងឺហង់សិន ឃ្លង់ជាសះស្បើយជាង២ម៉ឺននាក់ (វីដេអូ)​សហភាព​សហព័ន្ធ​យុវជន​កម្ពុជា គ្រោង​ប្រណាំង​រទេះក្របី​ក្នុង​អង្គ​រ​សង្ក្រាន​ឆ្នាំ​២០១៥ នៅ​ខេត្ដ​សៀមរាប​​កម្មករ​រោងចក្រ​មេន​ហាត​ថេន ខេត្ត​កំពង់ចាម​នឹង​ដាក់​ញត្តិ​នៅ​ស្ថានទូត​អាមេរិក​នៅ​ថ្ងៃស្អែក​ជំនួបរវាងគណបក្សធំទាំងពីរមិនទាន់មានផ្លែផ្កាធំដុំ (វីដេអូ)

ថ្ងៃសុក្រ ទី30 មករា 2015
អំពីវីអូឌី | ទំនាក់ទំនង
ព័ត៌មានថ្មីបំផុត

ព័ត៌មានក្នុងប្រទេស

មើលព័ត៌មានក្នុងប្រទេសទាំងអស់
  • អាជ្ញាធរអប្សរា​​អះអាង​ថាចាប់បាន​បរទេស៣នាក់លួច​ថត​រូបអាក្រាត​នៅ​ប្រាសាទខ្មែរ

    ថ្ងៃព្រហស្បតិ៍ ទី29 មករា 2015, 09:18 PM

    អាជ្ញាធរអប្សរាដែលកំពុង​រង​ការ​រិះគន់​លើ​រូប​អាក្រាត​របស់ស្រ្តីម្នាក់​ថត​នៅ​ប្រាសាទបុរាណខ្មែរ ​បាន​​អះអាង​ថាខ្លួន​​ចាប់បាន​បរទេស៣នាក់ នៅ​ថ្ងៃ​ព្រហស្បតិ៍នេះ ខណៈ​ពួកគេ​​បាន​លួច​ថត​រូបអាក្រាត​នៅ​ប្រាសាទ​ខ្មែរ​​។ សេចក្តីប្រកាសព័ត៌មាន​របស់អាជ្ញាធរ​អប្សរា ចេញផ្សាយ​នៅ​ថ្ងៃ​ទី​២៩​ខែ​មករានេះ ឲ្យ​ដឹង​ថា​ដោយ​មាន​ការ​សហ​ការជិតស្និទ្ធិពី​អង្គភាពនគរបាលទេសចរណ៍ខេត្ត​សៀមរាប និងអង្គភាពនគរបាលការពារបេតិ​ក​ភណ្ឌ​ប្រចាំខេត្ត​សៀមរាប អាជ្ញាធរ​អប្សរា​បានធ្វើ​ការ​ទប់​ស្កាត់​សកម្មភាព​ថតរូបអាក្រាត​របស់ភ្ញៀវ​ទេសចរបរ​ទេស​​៣​នាក់ នៅ​វេលាម៉ោង​១១និង​១០នាទី ព្រឹកថ្ងៃ​ទី​២៩​ខែ​មករា ឆ្នាំ២០១៥ នៅ​ក្នុង​បរិវេណ​ប្រាសាទបន្ទាយក្តី។ សេចក្តីប្រកាសបន្តថា«​បន្ទាប់ពីបានសាកសួរព័ត៌មាន​ជុំវិញ​ករណីនេះ ភ្ញៀវទេសចរបរទេសទាំង​៣រូប​បានសារភាព​ទទួលស្គាល់ថា​ខ្លួន​ពិតជា​មានកំហុស ដោយ​បាន​ប្រព្រឹត្ត​សកម្មភាពថតរូបអាក្រាត​យ៉ាង​​ពិតប្រាកដ​មែន។ ជា​ជំហាន​ដំបូង អាជ្ញាធរអប្សរា​រួមទាំងអង្គភាព​នគរបាល​ទេសចរណ៍​កំពុង​រៀបចំ​ប្រមូល​ព័ត៌មាន ភ័ស្តុតាង និង​ធ្វើ​របាយការណ៍​លម្អិត​ជុំវិញ​ករណីនេះ ដើម្បីចាត់វិធាន​ការ​បន្តទៀត»។ គួរ​រំ​ឮក​ថា ការ​ចាប់​បាន​បរទេសដែល​លួច​ថត​រូប​អាក្រាតនេះ កើត​ឡើង​បន្ទាប់​ពី​រូប​ភាព​អាក្រាត​របស់​ស្រ្តីម្នាក់​​ថត​នៅ​មុខ​ប្រាសាទខ្មែរ ត្រូវ​បាន​បង្ហោះ​នៅ​លើ​បណ្តាញ​សង្គម​ហ្វេសប៊ុកជា​បន្ត​បន្ទាប់​។​ អាជ្ញាធរ​អប្សរា​​លើក​ឡើង​ថា​ខ្លួន​កំពុង​ស្រាវជ្រាវ និង​ពិនិត្យមើលរូបភាព​ទាំងនេះថាតើ​ជា​រូបភាពពិត​ឬ​យ៉ាងណា។ គួរ​បញ្ជាក់ថា កន្លងទៅ អាជ្ញាធរអប្សរាបានចេញសេចក្ដីប្រកាសព័ត៌មានឲ្យដឹងថាខ្លួនបានរកឃើញថាក្រុមហ៊ុនដែលផ្សព្វផ្សាយរូបនារីអាសអាភាសថតនៅមុខប្រាសាទខ្មែរនេះ មានឈ្មោះថាWanimal ដែលមានមូលដ្ឋាននៅប្រទេសចិន។ ​ពាក់ព័ន្ធ​នឹង​បញ្ហានេះ ក្រុម​អ្នក​អភិរក្ស​វប្បធម៌​ខ្មែរ​បាន​ជំរុញ​អាជ្ញាធរ​អប្សរាឲ្យ​អន្ដរាគមន៍​លុប​រូប​នារី​អាក្រាត​ថត​មុខ​ប្រាសាទខ្មែរ​ចេញពី​គេហទំព័រ​របស់​ក្រុមហ៊ុន​ចិន និង​ចាត់វិធានការ​ផ្លូវ​ច្បាប់​ទៅ​លើ​អ្នក​ដែល​ឃុបឃិត​គ្នា អនុញ្ញាត​ឲ្យ​ចិន​ថតរូប​នារី​អាសអាភាស​នៅ​តំបន់​ប្រាសាទ​បុរាណ​ខ្មែរ៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com  

    [អានបន្ត]
  • គណបក្ស​ប្រជាជនកម្ពុជា​នឹង​ចាប់ផ្តើមសមាជ​រយៈពេល​៣ថ្ងៃ ចាប់ពីថ្ងៃស្អែកនេះ

    ថ្ងៃព្រហស្បតិ៍ ទី29 មករា 2015, 08:48 PM

    គណបក្ស​​ប្រជាជន​​កម្ពុជា​​ដែល​​កំពុងដឹកនាំរាជរដ្ឋាភិបាល​ នៅថ្ងៃសុក្រស្អែកនេះនឹង​ចាប់ផ្តើម​​​បើ​ក​​មហាសន្និបាត​​វិសាមញ្ញ​​តំណាង​​ទូទាំង​ប្រទេស​​របស់​ខ្លួន​​ រយៈពេល​​៣​ថ្ងៃ​​ គឺ​ចាប់​ពី​​ថ្ងៃ​ទី​៣០ខែ​​មករា ដល់​ថ្ងៃទី០១​ខែ​កុម្ភៈ​ ឆ្នាំ២០១៥នេះ​។ តាមគម្រោង ការរៀបចំ​មហាសន្និបាត​​នេះ​​នឹងត្រូវ​​​ធ្វើឡើង​​​នៅមណ្ឌល​​សន្និបាត​​កោះ​ពេជ្រ​​ ដែល​នឹង​មាន​​អ្នក​ចូលរួម​​ជាង​១០០០នាក់​។ ក្នុង​មហាសន្និបាត​នេះ​ នឹងមាន​ការបោះឆ្នោត​បំពេញបន្ថែម​សមាជិក​គណៈកម្មាធិការ​កណ្តាលដែលជា​យុវជន​ជំនាន់ក្រោយ​​មួយ​ចំនួន​ បន្ថែម​លើ​សមាជិក​ជាង​២៦០នាក់ ដែលមាន​ស្រាប់។ តំណាងរាស្រ្តមកពីគណបក្សប្រជាជនកម្ពុជា និង​ជាសមាជិកគណបក្ស លោក ឈាង វុន បាន​បដិសេធបង្ហាញ​ព័ត៌មាន​ទាក់ទងនឹងមហាសន្និបាត។ គេហទំព័រ​របស់គណបក្ស​ប្រជាជន​កម្ពុជាឲ្យ​ដឹងថា​មហាសន្និបាតតំណាងទូទាំងប្រទេសរបស់គណបក្ស និងគណៈកម្មាធិការកណ្តាលនៃគណបក្ស គឺ​ជា​អង្គការ​ដឹកនាំ​ខ្ពស់​បំផុត​របស់​គណបក្ស ហើយ​ប្រជុំ​ជា​សាមញ្ញ៥ឆ្នាំមួយដង ដោយ​គណៈកម្មាធិការ​កណ្តាល​កោះ​អញ្ជើញ។ ភារកិច្ច​នៃ​មហាសន្និបាត​តំណាង​ទូទាំង​ប្រទេស​របស់​គណបក្ស គឺ​ពិនិត្យ​ពិភាក្សា និង​អនុម័ត​លើ​របាយការណ៍​នយោបាយ​របស់​គណៈកម្មាធិការ​កណ្តាល​អំពី​សភាពការណ៍​រួម​របស់​គណបក្ស ហើយ​សម្រេច​កំណត់​​ពី​គោលនយោបាយ​ក្នុង​ប្រទេស ក្រៅ​ប្រទេស និង​ភារកិច្ច​របស់​គណបក្ស​តាម​តំណាក់កាល​និមួយៗ​ បំពេញ​បន្ថែម​ ឬ​កែ​សម្រួល​​លក្ខន្តិកៈ​គណបក្ស​បោះឆ្នោត​ជ្រើសតាំង​គណៈកម្មាធិការ​កណ្តាល​នៃ​គណបក្ស។ គេហទំព័រ​បន្តថាពេល​ដែលត្រូវ​សម្រេច​នូវ​បញ្ហា​សំខាន់ៗ តែ​មិន​អាច​បើក​មហាសន្និបាត​សាមញ្ញ​បាន គណៈ​កម្មាធិការ​កណ្តាល​នៃ​គណបក្ស​ចាំបាច់​បើក​មហាសន្និបាត​វិសាមញ្ញ​ដែល​មាន​សមាសភាព​ចូលរួមៈគណៈកម្មាធិការ​កណ្តាល​នៃ​គណបក្ស មន្រ្តី​ដឹកនាំ​សំខាន់ៗ​គ្រប់​ខេត្ត ក្រុង និងក្រសួង ស្ថាប័ន ។ ​គណៈកម្មាធិការ​កណ្តាល​នៃ​គណបក្សប្រជាជនកម្ពុជារួមមាន​លោក ជា ស៊ីម ជា​ប្រធាន លោក ហេង សំរិន ជា​ប្រធានកិត្តិយស និង​លោកនាយករដ្ឋមន្រ្តី ហ៊ុន សែន​ ជា​អនុប្រធានគណបក្ស។ លោក ជា ស៊ីម ប្រហែលជា​មិនអាច​ចូលរួម​ក្នុងមហា​សន្និបាតវិសាមញ្ញនេះ​បាន​ទេ ដោយ​សារ​លោក​កំពុង​សម្រាក​ព្យា បាលជំងឺ​នៅ​មន្ទីរពេទ្យក្រៅប្រទេស។ ភារកិច្ច​របស់​គណៈកម្មាធិការ​កណ្តាល​នៃ​គណបក្សប្រជាជនកម្ពុជា៖ ១. ដឹកនាំ​រាល់​ការងារ​របស់​គណបក្ស​ក្នុង​ចន្លោះ​ពេល​ពី​មហាសន្និបាត​តំណាង​មួយទៅ​មហាសន្និបាត​តំណាង​មួយទៀត សំដៅ​អនុវត្ត​សេចក្តី​សម្រេចចិត្ត​របស់​មហាសន្និបាត។ ២. សម្រេច​​រាល់​បញ្ហា​សំខាន់ៗ អំពី​គោលនយោបាយ​ក្នុង​ប្រទេស និង​ក្រៅ​ប្រទេស​របស់​គណបក្ស អំពី​ការ​ងារ​​កសាង​គណបក្ស ការងារ​ចាត់តាំង ការងារ​មន្រ្តី ការងារ​គ្រប់គ្រង​ហិរញ្ញវត្ថុ និង​ថវិកា​របស់​គណបក្ស។ ៣. តាង​នាម​ឲ្យ​គណបក្ស​ក្នុង​ការទាក់ទង​ជាមួយ​បណ្តា​បក្ស​នៅលើ​សកលលោក។ ៤. ត្រៀម​​លក្ខណៈ​រៀបចំ​បើក​មហាសន្និបាត​តំណាង​ទូទាំង​ប្រទេស​របស់​គណបក្ស ។ ៦ខែ​ម្តង ត្រូវ​ផ្សព្វផ្សាយ​សភាពការណ៍​រួម​ឲ្យ​ថ្នាក់ក្រោម​បានដឹង និង​លើក​បញ្ហា​សំខាន់ៗ​ឲ្យ​ថ្នាក់ក្រោម​បានចូលរួម​មតិ៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com  

    [អានបន្ត]
  • ​សង្គម​ស៊ីវិល​រំឭក​គណបក្ស​ប្រជាជន​កម្ពុជា ​ពី​ការបាត់បង់​អំណាច​បើ​មិន​បំបាត់​អំពើពុករលួយ​

    ថ្ងៃព្រហស្បតិ៍ ទី29 មករា 2015, 06:03 PM

    ​សង្គម​ស៊ីវិល​ក្នុងស្រុក​មួយ ដែល​ធ្វើការ​ប្រឆាំង​អំពើពុករលួយ ព្រមាន​អ្នក​ន​យោ​យ​ដែល​កំពុងកាន់​អំណាច​ថា នឹង​បាត់បង់​សំឡេង​គាំទ្រ​បន្ថែមទៀតទៅ​ថ្ងៃ​អនាគត បើ​វិធានការ​កម្ចាត់​អំពើពុករលួយរបស់​រដ្ឋាភិបាល​គ្មាន​ប្រសិទ្ធភាព ​។  ការ​ក្រើនរំឭក​នេះ ធ្វើឡើង​ក្នុង​វគ្គ​បណ្តុះបណ្តាលដល់​សិក្ខាកាម ជា​អ្នកសារព័ត៌មានមក​ពី​ច្រើន​ស្ថាប័ននៅ​សប្តាហ៍​នេះក្នុង​រាជធានី​ភ្នំពេញ ។​ ក្នុង​វគ្គ​បណ្តុះបណ្តាល​នោះ នាយក​ប្រតិបត្តិ​អង្គការ​តម្លាភាព​កម្ពុជា លោក ព្រាប កុល ពន្យល់ថា តាម​ការស្ទង់មតិ​របស់​ស្ថាប័ន​អន្តរជាតិ​ល្បីៗ​នានា​ប្រចាំ​កម្ពុជា កន្លង​មក​រក​ឃើញ​ថា គណបក្ស​ប្រជាជន​កម្ពុជាដែល​បាន​ធ្លាក់​ប្រជាប្រិយ​កន្លងទៅនេះ ដោយសារ​ម្ចាស់​ឆ្នោត​ភាគច្រើនមិន​ពេញចិត្តនឹង​ការដឹកនាំ​របស់​គណបក្ស​នេះដែល​មាន​អំពើ​ពុករលួយ​ ។​

    [អានបន្ត]
  • ​មន្ត្រី​សហជីព​ត្អូញត្អែរ​ថា​ការចុះបញ្ជី​ការ​មាន​ការលំបាក និង​ស៊ាំ​ញាំ​

    ថ្ងៃព្រហស្បតិ៍ ទី29 មករា 2015, 06:01 PM

    ​មន្ត្រី​នៅ​តាម​បណ្ដា​សហជីព​មួយចំនួន​បាន​ត្អូញត្អែរថា ការចុះ​ចងក្រង​សហជីព និង​ការចុះបញ្ជី​ការ​របស់​សហជីព​នៅ​តាម​រោងចក្រ​ទៅ​កាន់​ក្រសួង​ការងារ មាន​ការលំបាក ដោយសា​តែ​មាន​ការរំខាន និង​លក្ខខណ្ឌ​ក្នុង​ការចុះបញ្ជី​មាន​ច្រើន និង​សាំញ៉ាំ ។​ ​ការ​ត្អូញត្អែរ​នេះ​ធ្វើឡើង​នៅក្នុង​សន្និសីទ​សារព័ត៌មាន​នៅ​ទីស្នាក់ការ​សហភាព​ការងារ​កម្ពុជា (CLC) នៅ​ព្រឹក​ថ្ងៃ​ព្រហស្បតិ៍​នេះ ដែល​ចូលរួម​ដោយ​តំណាង​សហជីព​ចំនួន​៨ ដូចជា សហភាព​ការងារ​កម្ពុជា សម្ព័ន្ធ​សហជីព​ចលនា​កម្មករ សម្ព័ន្ធ​សហជីព​កម្ពុជា និង​សហព័ន្ធ​សហជីព​ជាតិ​នៃ​ឧស្សាហកម្ម​វាយនភ័ណ្ឌ​កាត់ដេរ​កម្ពុជា​ជាដើម ។​ ​ប្រធាន​សហភាព​ការងារ​កម្ពុជា លោក អាត់ ធន់ បាន​ថ្លែងថា នៅក្នុង​២០១៤​កន្លងទៅ អង្គភាព​របស់​លោក មិន​អាច​ចុះបញ្ជី​សហជីព​ថ្មី​ដែល​បាន​បង្កើតឡើង​នៅ​តាម​រោងចក្រ​នោះទេ ដែល​ផ្ទុយ​ពី​ឆ្នាំ​មុនៗ អង្គភាព​របស់​លោក​អាច​ចុះបញ្ជី​បាន​ប្រហែល​ពី​១០ ទៅ​១៥​សហជីព អាស្រ័យ​ទៅតាម​សហជីព​ថ្មី​ដែល​បង្កើត​បាន ។ លោក​បន្តថា ការលំបាក និង​ការ​រិត​បណ្តឹង​ក្នុង​ការចុះបញ្ជី​ការ​នេះ កើតមានឡើង​ចាប់ពី​មាន​ផ្ទុះ​ការតវ៉ា​របស់​កម្មករ​នៅ​ដើមឆ្នាំ​២០១៤​កន្លងទៅ ។​

    [អានបន្ត]
  • ​អាជ្ញាធរ​វៀតណាម​ថា​កាស៊ីណូ​កម្ពុជា​តាម​ព្រំដែន​ធ្វើឲ្យប៉ះពាល់​ដល់​ស្ថិរភាព​សង្គម​របស់​វៀ​ត​ណាម​

    ថ្ងៃព្រហស្បតិ៍ ទី29 មករា 2015, 05:46 PM

    ​អាជ្ញាធរ​វៀតណាម​បាន​លើកឡើង​ថា កាស៊ីណូ​នៅ​តាម​ជាយ​ដែន​ក្នុង​ទឹកដី​កម្ពុជា​បាន​បង្ក​អសន្តិសុខ​ដល់​សង្គម​វៀតណាម ដោយ​អះអាង​ថា​ប្រជាជន​វៀតណាម​រាប់ពាន់​នាក់​បាន​ឆ្លង​ដែន​មក​លេង​ល្បែង​ជា​រៀងរាល់ខែ ។​ ​លោក Vu Hoang Kien មន្ត្រីជាន់ខ្ពស់​នៃ​ក្រសួង​សន្តិសុខ​ជាតិ​របស់​ប្រទេស​វៀតណាម​បាន​ប្រាប់​សារព័ត៌មាន​របស់​វៀត​ណា​ម ថាញ់​នៀន (Thanh Nien News) កាល​ពី​ម្សិលមិញ​ថា មាន​ជនជាតិ​វៀតណាម​ជាច្រើន​ពាន់​នាក់ ​បាន​ឆ្លង​មក​លេងល្បែង​នៅ​កាស៊ីណូ​នៅ​តាម​បណ្ដោយ​ជាយដែន​នៅក្នុង​ទឹកដី​កម្ពុជា​ជា​រៀងរាល់ខែ ហើយ​អ្នកលេង​ល្បែង​ជំពាក់​បំណុល​ជា​ច្រើន​នាក់​ត្រូវបាន​គេ​ចាប់ខ្លួន​ទុក ឬ​សម្លាប់ ។​

    [អានបន្ត]
  • ​ស្ត្រី​ខ្មែរ​រងគ្រោះ​ករណី​រៀប​ការខុសច្បាប់​ទៅ​ចិន​៦០​នាក់​បញ្ជូន​មក​កម្ពុជា​វិញ​

    ថ្ងៃព្រហស្បតិ៍ ទី29 មករា 2015, 04:53 PM

    ​ស្ត្រី​ខ្មែរ​ដែល​រៀបការ​ជាមួយ​ជនជាតិ​ចិន​តាមរយៈ​មេខ្យល់​ខុសច្បាប់ ហើយ​រង​ការធ្វើ​ទារុណកម្ម ឬ​លក់ដូរ​បន្ត​ចំនួន​៦០​នាក់ ត្រូវ​សមត្ថកិច្ច​ជួយសង្គ្រោះ និង​បញ្ជូន​មក​កម្ពុជា​វិញ​នៅ​ក្នុង​ឆ្នាំ​២០១៤​។   ​គេហទំព័រ​អគ្គស្នងការ​នគរបាល​ជាតិ​ដកស្រង់​សម្ដី​អ្នកនាំពាក្យ​ក្រសួងការបរទេស​កម្ពុ​ជា លោក កុយ គួង ចុះផ្សាយ​ថា ស្រី្ត​ខែ្មរ​ជាច្រើន​នាក់ ដែល​បាន​រៀបការ​ជាមួយ​បុរសជន ជាតិ​ចិន  ភាគច្រើន​ការ​រៀបការ​នោះ​ពុំ​បាន​ធ្វើ​ទៅ​តាម​ច្បាប់​ទេ​។ លោក​បន្តថា ស្ត្រី​ខែ្មរ​ច្រើន​នាក់​ទទួល​រងគ្រោះ ដោយ​ការលក់​ទៅ​ឲ្យ​ឈ្មួញ ឬ ថៅកែ​ជនជាតិ​ចិន ពី​ម្នាក់​ទៅ​ម្នាក់ទៀត​ធ្វើ​ជា​ទាសករ​ផ្លូវភេទ ហើយ​ខ្លះ​ទៀត​ត្រូវ​បុរស​ជា​ប្ដី​ធ្វើ​ទារុណកម្ម​ដោយ​ចាត់ទុកជា​ទាសករ​យ៉ាង​ដាច់​ថ្លៃ​។​ ​លោក កុយ គួង អំ​នាវ​នាវ​ដល់​ស្ត្រី​ប្រជាពលរដ្ឋ​ខែ្មរ​ទាំងអស់ ត្រូវ​សិក្សា​ឲ្យបាន​ច្បាស់ មុន​និង​រៀបការ​ជាមួយ​បុរស​ជា​ជនបរទេស កុំឲ្យ​ចាញ់បោ​កតាម​ការអូសទាញរ​បស់​មេខ្យល់ ដែល​ប្រើ​ល្បិច​លួងលោម​ដោយ គ្មាន​ការទទួលស្គាល់​ពី​រាជរដ្ឋាភិបាល ឬ ស្ថានទូត និងក្រសួង​ការ​បរ​ទស​នោះ​។​

    [អានបន្ត]

ព័ត៌មានផ្សេងៗ

ព័ត៌មានអន្តរជាតិ

មើលព័ត៌មានអន្តរជាតិទាំងអស់
​ប្រធានាធិបតី​ថ្មី​ស្រីលង្កា ចាប់ផ្ដើម​រុះរើ​ចៅក្រម​ដែល​កាត់ក្ដី​ក្រោម​ឥ​ទិ្ធ​ពល​នយោបាយ និង​ពុករលួយ

ថ្ងៃព្រហស្បតិ៍ ទី29 មករា 2015, 01:38 PM

​លោក​ប្រធានាធិបតី​ថ្មី​នៃ​ប្រទេស​ស្រីលង្កា Maithripala Sirisena ប្រកាសប្រាប់​ប្រជាជន​របស់​លោក ថា ចៅក្រម និង​រដ្ឋ​អាជ្ញា​ដែល​កាត់ក្ដី​ដោយ​ភាពអយុត្តិធម៌ ពុករលួយ និង​ក្រោម​ឥទ្ធិពល​នយោបាយ នឹង​ត្រូវ​បញ្ឈប់​ពី​ការងារ ហើយ​បើ​រក​កំហុស​ឃើញ​នឹង​ប្រឈមមុខ​នឹង​ច្បាប់ ។​ ​ការប្រកាស​របស់​លោក Maithripala Sirisena បាន​ធ្វើឡើង​បន្ទាប់​ពី​លោក​បាន​សម្រេច​ឲ្យ​លោកស្រី Shirani Bandaranayake វិល​មក​កាន់​តំណែងរ​បស់​លោកស្រី​វិញ ជា​ប្រធាន​តុលាការ​កំពូល ក្រោយ​ពី​លោកស្រី​ត្រូវបាន​ប្រធានាធិបតី​ចាញ់ឆ្នោត Mahinda Rajapaksa ដកហូត​តំណែង​ដោយសារ​ចៅក្រម​រូបនេះ​បាន​កាត់ក្ដី​ប្រឆាំង​មន្ត្រី​ជាន់ខ្ពស់​ម្នាក់ ជាប់​សាច់ឈាម​របស់លោក Mahinda  ឲ្យមាន​ទោស​ករណី​ពុករលួយ ។ 

[អានបន្ត]

ព័ត៌មានផ្សេងៗ

ព័ត៌មានកំសាន្ត

មើលព័ត៌មានកំសាន្តទាំងអស់
  • នារី រ័ត្ន​គន្ធា បង្ហាញ​ខ្លួន​គួរឲ្យភ្ញាក់ផ្អើល

    ថ្ងៃព្រហស្បតិ៍ ទី29 មករា 2015, 08:37 AM

    ​គឺជា​រឿង​គួរឲ្យភ្ញាក់ផ្អើល ដែល​អតីត​តារា​សម្ដែង​ជើងចាស់ អ្នកនាង នារី រ័ត្ន​គន្ធា បាន​បង្ហាញ​ខ្លួន​ឲ្យគេ​ដឹងថា អ្នក​នាង​បាន​ចុះ​មក​លេង​ស្រុក​សារ​ជា​ថ្មី​នៅ​ដើមឆ្នាំ​២០១៥​នេះ ។ អ្នក​នាង​បាន​ទាំង​ឡើង​ផ្ដល់​បទសម្ភាសន៍​ជាមួយ​ស្ថានីយទូរទស្សន៍ CTN  កាលពី​យប់​ថ្ងៃ​ទី​២៨ ខែ​មករា​ទៀតផង ដែល​កិច្ចសម្ភាសន៍​នេះ​នឹង​ត្រូវ​ចាក់​ផ្សាយ​នៅ​CTN  និង​CNC នៅ​សប្ដាហ៍​ក្រោយ​។  ​ឆ្លើយឆ្លង​តាម​ទូរ​សព្ទ​ជាមួយ​VOD  ក្រោយ​បញ្ចប់​សកម្មភាព​ថត​ក្នុង​កម្មវិធី «CTN  ប៉ុស្ដិ៍​លេខ​២១» របស់​អ្នកនាង​យុ​គ ចិន្តា អ្នកនាង នារី រ័ត្ន​គន្ធា ដែល​អ្នក​ណា​ក៏​ស្គាល់​ថា​ជា​តារា​សម្ដែង​ល្បីឈ្មោះ​កាល​ពី​អតីត​បានឲ្យដឹងថា អ្នកនាង​បាន​មក​ដល់​ប្រទេស​កម្ពុជា​តាំងពី​ថ្ងៃ​ទី​៦ ខែ​មករា ដើម្បី​មក​លេង​អ្នក​ម្ដាយ និង​បងប្អូន​ដែល​រស់នៅ​ស្រុក​ខ្មែរ ។ ជាមួយនឹង​ការកោតសរសើរ​ពី​ភាព​រីកចម្រើន​នៃ​វិស័យ​សិល្បៈ​ខ្មែរ អ្នកនាង​ប្រាប់ថា ខ្លួន​ចាស់​ហើយ គឺ​មិន​ចង់​ត្រឡប់​មក​កាន់​វិថី​នេះ​ដូច​មុន​ទៀត​ទេ បើទោះជា​កេរ្តិ៍ឈ្មោះ និង​ស្នាដៃ​នៅតែ​មាន​ការចាប់អារម្មណ៍​ច្រើន​នោះ​ក៏ដោយ​។

    [អានបន្ត]
  • ពៅ លីដា ក្លាយ​ជា​ថៅកែ​ស្រី​ស្ងាត់ៗ​

    ថ្ងៃពុធ ទី28 មករា 2015, 08:55 AM

    ​ទោះ​មិន​ដែល​បង្ហើប​ឲ្យដឹង​ពី​គម្រោង​បើក​ជំនួញ ក៏​តារា​ស្រី​ដែល​ចាប់ផ្ដើម​មាន​សន្ទុះ នាង ពៅ លីដា នៅតែ​លាក់​មិន​ជិត​ពី​តំណែង​ថៅកែ​ស្រី​ដែល​បាន​គ្រោងទុក ។ ជំនួញ​របស់​នាង ជា​ប្រភេទ​ហាង ខ្នាត​ធំ ប៉ុន្តែ​ក៏​ស្ថិត​លើ​ផ្លូវ​ប្រកួតប្រជែង​ដ៏​តឹងតែង​ផងដែរ ប្រសិន​បើ​ខ្វះ​បច្ចេកទេស និង​មុខជំនាញ​ក្នុង​ការគ្រប់គ្រង ឲ្យ​ដើរ​ទៅ​មុខ ។​ ​ប្រភពពី​អ្នក​រស់នៅ​ក្បែរ​មន្ទីរពេទ្យ​សែន​សុខ ម្ដុំ​ផ្សារ​ដី​ហុយ (​ភ្នំពេញ​ថ្មី​) សុទ្ធតែ​ដឹង​ថា​តារា​រូប​នេះ សម្ងំ​បើកហាង​ធំ​មួយ ដែល​ជា​ប្រភេទ​ជំនួញ​ស្របតាម​ក្ដី​ស្រមៃ​របស់​តារា​សិល្បៈ​ភាគច្រើន ។ មកទល់ពេលនេះ គម្រោង​ហាង​ទាំងមូល​ស្រេចបាច់​បាន​ជាង​៥០​ភាគរយ​ហើយ បើ​ទោះ​ជា​រយៈពេល​កន្លងមក  សាមីខ្លួន​ផ្ទាល់​មិន​បាន​បង្ហើប​ឲ្យដឹង ដែល​ទំនងជា​ចង់ទុក​ឲ្យមាន​ការភ្ញា​ក់​ផ្អើល នៅ​ថ្ងៃ​បើកសម្ពោធ​ក្ដី ។​

    [អានបន្ត]
  • អតីត​តារា​ល្បី សៀម ស្រី​ណុ​ច អត់​ខ្វល់​រឿង​រកប្រាក់

    ថ្ងៃអង្គារ ទី27 មករា 2015, 09:44 AM

    ​ប្រមាណ​ជា​៣​សប្ដាហ៍​មក​ហើយ ដែល​អតីត​តារា​ចម្រៀង និង​ជា​តារា​សម្ដែង​លេចធ្លោរ អ្នកនាង​សៀម ស្រី​ណុ​ច បាន​លេចមុខ​នៅក្នុង​ប្រទេស​កម្ពុជា ក្រោយ​បន្សាត់​ខ្លួន​ឆ្ងាយ​ពី​វិថី​សិល្បៈ ដែល ប៊ិះ​នឹង​ធ្វើឲ្យ​មហាជន​ភ្លេច​មុខ និង​កេរ្តិ៍ឈ្មោះ​។  អ្នក​នាង​បាន​អះអាងថា ទោះ​មិន​បាន​ស្វាមី​ជា​មន្ត្រីជាន់ខ្ពស់​ដូច​អតីត​ដៃគូ​រួម​ជំនាន់​២​រូប ក៏​អ្នកនាង​មិន​ដែល​ខ្វល់​រឿង​រក​ប្រាក់​ម្ដងណា​ឡើយ ចាប់តាំងពី​ជាន់ដី​កាណាដា ។​ ​ក្នុង​ជំនាន់​ដែល​អ្នកនាង ឡាយ លក្ខិណា អ្នកនាង ពេជ្រ ច័ន្ទ​បរ​មី  និង​អ្នកនាង ស្រី​តូច ចំណាន លេចធ្លោរ​ខ្លាំង គ្មាន​អ្នកណា​មិន​ស្គាល់​តារា​ស្រី អ្នកនាង សៀម ស្រី​ណុ​ច នោះទេ ដោយសារ​តែ​អ្នក​ទាំង​៤ ត្រូវ​មហាជន​ផ្ដល់​រហស្សនាម​ឲ្យ​ជា​រាជ​នី​សម្រស់​ដូចគ្នា​នៅ​ក្នុង​ពិភព​សិល្បៈ ។ អ្នក​ទាំង​៤ បាន​ឈាន​ដល់​ចំណុចកំពូល​ប្រហាក់ប្រហែលគ្នា​នៅក្នុង​ចន្លោះ​ឆ្នាំ​១៩៩៩ ដល់​ឆ្នាំ​២០០៣ ដោយ​អ្នកនាង សៀម ស្រី​ណុ​ច ហាក់​លេចធ្លោរ​ជាង​គេ ព្រោះតែ​មាន​រូប​សម្រស់ ហើយ​ក៏​ច្រៀង​បាន​ពីរោះ​នោះ​ផង ។ ស្ទើរតែ​គ្រប់​ការសម្ដែង គេ​កម្រ​បាត់​មុខ​តារា​ណា​ម្នាក់​ក្នុងចំណោម​រាជ​នី​ទាំង​៤​ណាស់ ដោយ​ខាង​បណ្ដាញ​សារព័ត៌មាន បាន​ចាត់ទុក​ថា​អ្នកនាង និង​ដៃគូ​ទាំង​៣  គឺជា​កំពូល​តារា​សម្ដែង​ឆ្នើម ដែល​មាន​តម្លៃ​សម្រាប់​ការ​ប្រមាញ់​ពី​ជីវិត​ឯកជន ។​

    [អានបន្ត]
  • ស៊ុក សុភា និង​ភរិយាអហោសិកម្ម​ឲ្យ​ជន​អនាមិក​

    ថ្ងៃសុក្រ ទី23 មករា 2015, 09:30 AM

    ​ជា​ថ្នូរ​នឹង​ឱកាស​ទទួល​បាន​កូន​ទី​៥ ដែល​ត្រូវ​ក្រុមគ្រូពេទ្យ​យកទៅ​ចិញ្ចឹម​ក្នុង​ពេទ្យ អស់​ប្រមាណ​២​ខែ​តាំងពី​ចាប់កំណើត លោក​ស៊ុក សុភា និង​ភរិយា បាន​អះអាង​ថា សម្រេចចិត្ត​អហោសិកម្ម​ឲ្យ​ជន​អនាមិក ដែល​បាន​បង្ហោះ​ពាក្យ​វាយប្រហារ​ពួក​ខ្លួន​នៅ​លើ​Facebook នោះ​ហើយ ។  ភរិយា​របស់​លោក​ស៊ុក សុភា បាន​ឆ្លើយឆ្លង​ប្រាប់ VOD ពី​ប្រទេស​អូស្ត្រាលី​មក​ថា លែង​ខឹង​នឹង​បុគ្គល​នោះ​ហើយ ដើម្បី​អបអរ​ដល់​វត្តមាន​របស់​កូនប្រុស​ដ៏​តូច​ដែល​ឃ្លាត​ពី​ទ្រូង បាន​ត្រឡប់មក​ផ្ទះ​វិញ​នៅ​ថ្ងៃនេះ ។ ​ឆ្លងឆ្លើយ​តាម​សារ​លើ​បណ្ដាញ​អ៊ី​ន​ធើ​ណែ​ត (Chat)  អ្នកនាង សារី​ន​ណា ភរិយា​របស់​លោក ស៊ុក សុភា បាន​ថ្លែងប្រាប់​ថា អ្នក​នាង​មិន​ខឹង​ចំពោះ​ជនអនាមិក​ដែល​បាន​សរសេរ​រិះគន់​មកលើ​ជីវិត​របស់​អ្នកនាង និង​ស្វាមី​នោះ​ទេ ដោយ​បាន​ទាំង​អហោសិកម្ម​ដល់​ពាក្យសម្ដី​ឲ្យ​បុគ្គល​ម្នាក់​នោះ ក្នុង​ជំហរ​មិន​ធ្វើការ​ប្ដឹងផ្ដល់​ពីបទ​បរិហាកេរ្តិ៍ ឬ​បទ​ប្រមាថ​បង្ខូច​កិត្តិយស​នោះ​ផង ។

    [អានបន្ត]
  • ឆ័យលី ដាឡែន ឲ្យប្ដីក្មេងដកថយសិល្បៈ

    ថ្ងៃពុធ ទី21 មករា 2015, 10:17 AM

    ក្រោយសម្រេចចូលរោងជ័យយ៉ាងអធិកអធមនៅលើទឹកដីខេត្តបាត់ដំបងកាលពីពាក់កណ្ដាលខែមករា តារាចម្រៀង ឆ័យលី ដាឡែន នឹងបន្តដឹកដៃស្វាមីមកកាត់ចំណងនៅបរិវេណទីក្រុងកោះពេជ្រ នាថ្ងៃទី២៣ មករា ខាងមុននេះទៀត ។ អ្វីដែលគួរឲ្យចាប់អារម្មណ៍ អ្នកនាងប្រាប់ថា មិនឲ្យស្វាមីបន្តប្រឡូកពេញទំហឹងក្នុងការងារសិល្បៈដូចមុនរៀបការនោះទេ បើទោះជាក្រោយស្រឡាញ់គ្នាបើកចំហរ ស្វាមីរបស់អ្នកនាងហាក់មានយីអ៊ុន ទទួលបានការងារសិល្បៈច្រើនក្រោមចំហាយជ្រោមជ្រែងរបស់អ្នកនាង ។ ឆ័យលី ដាឡែន និយាយថា ហេតុផលដែលអ្នកនាងមិនឲ្យស្វាមីប្រឡូកនៅក្នុងពិភពសិល្បៈខ្លាំងក្លាដូចខ្លួន មិនមែនខ្លាចប្ដីក្មេងរបស់ខ្លួនមិនទទួលជោគជ័យ ឬខ្លាចកើតចម្រូងចម្រាស់ជាមួយនារីក្មេងៗ ដែលពោរពាសនៅក្នុងពិភពសិល្បៈនោះទេ ។ ប៉ុន្តែបញ្ហាសំខាន់គឺបណ្ដាលមកពីអ្នកនាងចង់ឲ្យស្វាមី ផ្ដោតលើរឿងមុខជំនួញ ហើយងាកមកគិតក្នុងរឿងសិល្បៈដែលបានកំពុងទទួលបានការចាប់អារម្មណ៍ឲ្យបានតិចបំផុត ។ ក្នុងមួយរយៈពេលចុងក្រោយ គេឃើញវត្តមានរបស់លោកដារ៉ា ដែលជាស្វាមីរបស់អ្នកនាង លេចមុខក្នុងវេទិកាសិល្បៈច្រើនគួរសម ដោយក្នុងនោះ ការងារសម្ដែង និងថតស្ពតសម្អាងការជាដើម ក៏មើលទៅលេចធ្លោរផងដែរ ដោយសារតែលោកជាបុរសដែលមានរូបសង្ហារ និងទទួលបានចំហាយពីឆ័យលី ដាឡែន ដែលជាតារាល្បី ។

    [អានបន្ត]
  • ​កូន​ប្រុស​លោក ស៊ីន ស៊ី​សាមុត គឺ​លោក ស៊ីន ច័ន្ទ​ឆាយា ទទួល​មរណភាព

    ថ្ងៃអង្គារ ទី20 មករា 2015, 01:24 PM

    លោក ស៊ីន ច័ន្ទ​ឆាយា ដែល​ជា​កូន​ប្រុស​អតីត​អធិរាជ​សំឡេង​មាស លោក ស៊ីន ស៊ី​សាមុត បាន​ទទួល​មរណ​​​ភាព​នៅព្រឹក​ថ្ងៃ​អង្គារនេះ ដោយ​សារ​ដាច់​សរសៃ​ឈាម​។ លោក ស៊ីន សេដ្ឋ​កុល ដែល​ជា​កូន​ប្រុ​ស​ច្បង​របស់​លោក ស៊ីន​ ច័ន្ទ​ឆាយា ប្រាប់​VODនៅ​រសៀល​ថ្ងៃ​អង្គារនេះ​​ថា​ឪពុក​របស់​លោក​​បាន​ទទួល​មរណ​​ភាព​នៅ​វេលាម៉ោង១០​ព្រឹក ​ថ្ងៃ​អង្គារនេះ  ដោយ​សារលោក​​ដួល​នៅខាង​មុខ​សមាគម​ស៊ីនស៊ីសាមុត​។ លោក​បន្ត​ថា​ឪពុក​របស់​លោក​​មាន​ជំងឺ​លើស​ឈាម​ និង​ទឹក​នោម​ផ្អែមប្រចាំ​កាយ ។ លោក ស៊ីន សេដ្ឋ​កុល ឲ្យ​ដឹង​ថា​លោក ស៊ីន ច័ន្ទ​ឆាយា មាន​អាយុ​៥៧​ឆ្នាំ ។

    [អានបន្ត]

ព័ត៌មានផ្សេងៗ

ព័ត៌មានប្រចាំថ្ងៃ

មើលព័ត៌មានប្រចាំថ្ងៃទាំងអស់
  • ក្រសួងសុខាភិបាលព្យាបាលអ្នកជំងឺហង់សិន ឃ្លង់ជាសះស្បើយជាង២ម៉ឺននាក់ (វីដេអូ) ថ្ងៃព្រហស្បតិ៍ ទី29 មករា 2015, 04:22 PM
  • ជំនួបរវាងគណបក្សធំទាំងពីរមិនទាន់មានផ្លែផ្កាធំដុំ (វីដេអូ) ថ្ងៃព្រហស្បតិ៍ ទី29 មករា 2015, 03:51 PM
  • ការប្រព្រឹត្តិដ៏ឃោរឃៅលើពលករកម្ពុជានៅប្រទេសម៉ាឡេស៊ី (វីដេអូ) ថ្ងៃពុធ ទី28 មករា 2015, 05:32 PM
  • សិស្សវិទ្យាល័យត្អូញត្អែរពីបន្ទប់ទឹកគ្មានអនាម័យនិងចាស់ទ្រុឌទ្រោម (វីដេអូ) ថ្ងៃពុធ ទី28 មករា 2015, 04:42 PM
  • និស្សិតវិទ្យាស្ថានវិទ្យាសាស្រ្តអន្តរជាតិឈានដល់រកដំណោះស្រាយពីរដ្ឋសភា (វីដេអូ) ថ្ងៃពុធ ទី28 មករា 2015, 04:33 PM
  • អាដហុកអំពាវនាវឲ្យរដ្ឋាភិបាលចាត់វិធានការទៅលើក្រុមហ៊ុននាំពលករដែលរំលោភច្បាប់ ថ្ងៃអង្គារ ទី27 មករា 2015, 05:00 PM

ព័ត៌មានកីឡា

មើលព័ត៌មានកីឡាទាំងអស់
  • វង្ស ណ​យ ព្យាករណ៍​ថា​ចាញ់​២​ឬ​៣​ប្រកួត​ទៀត​

    ថ្ងៃពុធ ទី21 មករា 2015, 12:40 PM

    ​ក្រោយ​បរាជ័យ​ក្រោម​កណ្ដាប់ដៃ​មិត្ត​ចាស់ ឡៅ ស៊ី​ណាត កាលពី​ថ្ងៃ​ទី​១៨ ខែ​មករា កីឡាករ វង្ស ណ​យ ដែល​ទើប​ទទួល​យក​ការ​ប្រដាល់​ជាថ្មី បន្ទាប់​ពី​ឈប់​ប្រដាល់​តាម​ការប្រកាស​អស់​មួយរយៈ ទទួល​ការរិះគន់​យ៉ាងខ្លាំង​ថា​វ៉ៃ​មិនកើត ។ យ៉ាងណាមិញ កីឡាករ​រូបនេះ​ស្នើឲ្យ​អ្នកគាំទ្រ​ទទួល​យកការបរាជ័​យរបស់​លោក​២​ឬ​៣​ប្រកួត​ទៀត  ចាំ​វិនិច្ឆ័យ​ថា លោក​ប្រកួត​កើត ឬ​មិន​កើត សម្រាប់​ជំហាន​នៅលើ​សង្វៀន​ជាថ្មី​នេះ ។  ​វង្ស ណ​យ បាន​ផ្ដល់​បទសម្ភាសន៍​ពាក់ព័ន្ធ​នឹង​ការ​សន្លប់​ក្នុង​ទឹក​ទី​២ ក្រោយ​ការប្រកួត​បើកឆាក​ថា លោក​ប្រកួត​មិន​ល្អ​ដូច​ការគ្រោងទុក​នោះទេ បើ​ទោះ​ជា​បាន​ហ្វឹកហាត់​យ៉ាង​យកចិត្តទុកដាក់ តាំងពី​ចុង​ឆ្នាំ​២០១៤ បន្ទាប់​ពី​សម្រេចចិត្ត​ទទួលយក​ការ​ប្រដាល់​វិញ ។ ការប្រកួត​ចាញ់​កីឡាករ ឡៅ ស៊ី​ណាត ដែល​បាន​កើតឡើង​កាលពី​ថ្ងៃ​ទី​១៨ ខែ​មករា ប្រហែល​មិនមែន​ការបរាជ័យ​តែម្ដង​សម្រាប់​លោក​នោះ​ទេ ដោយ​ទំនង​ត្រូវការ​ស្ទាបស្ទង់​លទ្ធផល​ពី​២​ទៅ​៣​ប្រកួត​ទៀត ទើប​អាច​គាស់​កកាយ សន្ទុះ​ខ្លាំងក្លា ក្នុង​ការវាយលុក​ឲ្យបាន​ដូច​អតីតកាល ។ លោក​អះអាង​ថា ដៃជើង​ព្រមទាំង សរសៃ និង​សាច់ដុំ​របស់លោក ប្រែក្លាយ​ជា​ស្ពឹក​ខុស​កាលពីមុន បន្ទាប់​ពី​ខកខាន​ឡើង​ប្រដាល់​អស់​ជាង​កន្លះ​ឆ្នាំ បើ​ទោះ​ជា​បាន​ហ្វឹកហាត់​ទាំង​ជាមួយ​បាវ​សាក់ និង​ហាត់​រត់ ។​

    [អានបន្ត]
  • ពុទ្ធ ឆាយ​រិទ្ធី ធ្វើឲ្យ​ថៃ​ស្លុត​នឹង​ឈាមបាញ់​ចេញពី​ស្នាម​រយះ​

    ថ្ងៃចន្ទ ទី19 មករា 2015, 08:34 AM

    ​ការប្រកួត​ជាមួយ​កីឡាករ​ថៃ ផា​ណូយ​(Pha Noy)  នៅលើ​សង្វៀន​ទូរទស្សន៍​អាស៊ីអាគ្នេយ៍ កាលពី​ថ្ងៃ​ទី​១៨ ខែ​មករា កីឡាករ​ពុទ្ធ ឆាយ​រិទ្ធី​របស់​កម្ពុជា ត្រូវ​គេ​ឃើញ​បែក​ឈាម​ស្រោចស្រព​ពេញ​ទ្រូង​តែម្ដង រហូត​ធ្វើឲ្យ​គូប្រកួត​ស្លុត​អារម្មណ៍ ហើយ​ភ្លាត់ស្នៀត​ត្រូវ ពុទ្ធ ឆាយ​រិទ្ធី វាយ​ឲ្យ​សន្លប់​វិញ ។ ពុទ្ធ ឆាយ​រិទ្ធី ត្រូវ​មហាជន​កោតសរសើរ​ពី​ការតស៊ូ​ក្នុង​ការប្រកួត​នោះ​ផងដែរ ។​ ​នៅពេល​ភ្លាត់​ឲ្យ​បែក​ចំ​ចុង​ចិញ្ចើម​ខាងធ្វេង ហើយ​ហូរឈាម​ស្រោច​ខ្លួន កីឡាករ ពុទ្ធ ឆាយ​រិទ្ធី មិន​ត្រូវបាន​គណៈកម្មកា​រ​ប្រកួត​អនុញ្ញាត​ឲ្យ​បន្ត​ការប្រ​កួ​ត​នោះទេ ដោយសារ​តែ​ស្នាម​រយះ​ត្រូវចំ​សរសៃ​ក្បែរ​ចិញ្ចើម ធ្វើឲ្យ​ឈាមបាញ់​ចេញដូច​គេ​បើកក្បាល​រ៉ូ​ប៊ីនេ​ទឹក​។ កីឡាករ​កម្ពុជា​រូបនេះ មិន​ព្រម​ទទួលយក​ការបញ្ឈប់​របស់​អ្នក​រៀបចំ​កម្មវិធី​នោះ​ទេ ដោយ​នៅ​ទទូច​សុំ​ប្រកួត​បន្ត ដើម្បី​រក​ឱកាស​សងសឹក​ទៅលើ​កីឡាករ​ថៃ​វិញ ។ ការ​ជម្នះ​របស់​លោក​បាន​បណ្ដា​ល​ឲ្យ​ស្នាម​រយះ មាន​ទំហំ​កាន់តែ​ធំ និង​មាន​ឈាម​បាញ់​ចេញ​កាន់តែខ្លាំង ដោយ​ក្រុម​គ្រូពេទ្យ​ត្រូវ​ជូត​ឈាម​ឲ្យ​ផង និង​ប្រើ​ថ្នាំ​ទប់​កុំឲ្យ​ឈាមបាញ់​ចេញ​មក​ផង ទម្រាំ​ឆ្លង​ផុត​មួយ​ទឹកៗ ។  ពុទ្ធ ឆាយ​រិទ្ធី ថែមទាំង​ត្រូវ​កីឡាករ​ផា​ណូយ វាយ​ឲ្យ​ដួល និង​វ័ធ​ដោយ​កែង បណ្ដាលឲ្យ​ឈាម​កាន់តែសាច​បាចខ្លាំង​ទៀតផង​។ អ្នកទស្សនា​ភាគច្រើន ពិសេស​គឺ​នារី បានបង្ហាញ​កាយវិការ​ខ្ទប់​មុខ និង​បញ្ចេញ​ទឹកមុខ​ញញើតញញើម ព្រោះតែ ឈាម​របស់ ពុទ្ធ ឆាយ​រិទ្ធី មាន​សភាព​ហូរ​ខ្លាំង​ដូច​គេ​ប៉ាត​សព្វ​ខ្លួន​។

    [អានបន្ត]
  • វ៉ន វីវ៉ា ផ្ដួល​ថៃ កក្រើក​ប៉ោយប៉ែត

    ថ្ងៃអាទិត្យ ទី11 មករា 2015, 08:16 AM

    ​ការប្រកួត​ដ៏​កក្រើក​រវាង​ម្ចាស់​ខ្សែក្រវាត់ ISKA  វ៉ន វីវ៉ា និង​កីឡាករ​ថៃ នៅ​ទីក្រុង​ប៉ោយ​ប៉ែត កាលពី​យប់​ថ្ងៃ​ទី​សៅរ៍​ទី​១០ មករា ឆ្នាំ​២០១៥ កីឡាករ​កម្ពុជា​រូបនេះ បាន​ទទួល​ជោគជ័យ​យ៉ាង​ត្រចះត្រចង់ ។ ព្រឹត្តិការណ៍​នេះ ត្រូវ​គេ​ឃើញ​កកកុញ​ដោយ​អ្នកទស្សនា និង​មាន​ការផ្សាយ​បន្ត​ផ្ទាល់​រហូតដល់​ម៉ោង​១១​យប់ នៅលើ​កញ្ចក់​ទូរទស្សន៍​អាស៊ីអាគ្នេយ៍ ។​ ​កីឡាករ​ចំនួន​៥​គូ មាន​ទាំង​កម្ពុជា និង​កីឡាករ​ថៃ ត្រូវ​គេ​ឃើញ​បើកឆាក​ប្រយុទ្ធ​យ៉ាង​ស្វិតស្វាញ ក្រោម​ក្រសែភ្នែក​យ៉ាងច្រើន​កុះករ​ពី​សំណាក់​ជនជាតិខ្មែរ និង​ភ្ញៀវ​ជា​ជនជាតិ​បរទេស​ដែល​និយម​ចេញចូល​មាត់​ច្រក​ប៉ោយប៉ែត តាំងពី​ម៉ោង​៨ និង​៣០​នាទី​យប់​។ វ៉ន វី​រ៉ា ជា​គូប្រកួត​ចុងក្រោយ ដោយ​ត្រូវ​ប្រកួត​ជាមួយ​ជើង​ខ្លាំង​មក​ពី​ប្រទេស​ថៃ​ឈ្មោះ Chea Rasak  ក្នុង​ប្រភេទ​ទម្ងន់​៧៥​គីឡូក្រាម ។ គូ​នេះ បើទោះជា​មាន​ការប្រកាស​ថា ភាគី​ថៃ​ជា​ម្ចាស់​ខ្សែក្រវាត់​ដូចគ្នា និង​មាន​ឈ្មោះ​ល្បី​នៅក្នុង​ប្រទេស​កំណើត ក៏​បង្គោល​ក្រហម​របស់​កម្ពុជា​មើល​ទៅ​មានប្រៀប​តាំង​ពី​ទឹក​ទី​១ ។​

    [អានបន្ត]
  • លោក តែម ម៉ឺន ដាក់​កំហិត​មន្ត្រី​ថៃ​បញ្ជូន​កីឡាករ​មក​ប្រកួត​ឲ្យ​សម​ជាមួយ​កីឡាករ​កម្ពុជា​

    ថ្ងៃចន្ទ ទី5 មករា 2015, 11:34 AM

    ​ប្រធាន​សហព័ន្ធ​កីឡា​ប្រដាល់​កម្ពុជា លោក តែម ម៉ឺន បានដាក់​កំហិត​ឲ្យ​មន្ត្រី​ថៃ​ដែល​បញ្ជូន​កីឡាករ​មក​ប្រកួត​នៅ​កម្ពុជា​ឲ្យ​រក​កីឡាករ​ដែល​មាន​សមត្ថ​ភាព និង​កម្ពស់ ស៊ីគ្នា​នឹង​កីឡាករ​កម្ពុជា ដោយ​អះអាង​ថា​ដើម្បី​ឲ្យ​ស្មើភាព និង​ចៀសវាង​ការរិះគន់ ។​ ​ការដាក់កំហិត​នេះ​ធ្វើឡើង​ក្នុង​កម្មវិធី​ប្រកួត​ប្រដាល់​អន្តរជាតិ​កាលពី​ព្រឹក​ថ្ងៃអាទិត្យ​ទី​៤ ខែ​មករា ឆ្នាំ​២០១៥ នៅលើ​សង្វៀន​ទូរទស្សន៍​អាស៊ីអាគ្នេយ៍ ។ នៅក្នុង​កម្មវិធី​ប្រកួត​នេះ  លោក តែម ម៉ឺន បានបង្ហាញ​ប្រតិកម្ម​ភ្លាមៗ​នៅ​ពេល​ការប្រកួត​រវាង​កីឡាករ សៀវ ង៉ុយ និង​កីឡាករ​ថៃ​កំពុង​ប្រកួត​គ្នា ។ លោក​បាន​ទាំង​ចុះ​ពី​កៅអី​គណៈអធិបតី មក​បង្ហាញ​ការជំទាស់​ចំពោះ​គូ​នេះ ដល់​ខាងក្រោយ​សង្វៀន​ទៀតផង​នៅ​ពេល​ការប្រកួត​ត្រូវ​បញ្ចប់ ។

    [អានបន្ត]
  • ម្ចាស់​ខ្សែក្រវាត់​ម៉ន សាម៉េត ព្រលះ ទី ពន្លែ​ត

    ថ្ងៃចន្ទ ទី29 ធ្នូ 2014, 09:43 AM

    ​បើទោះជា ម៉ន សាម៉េត បានឈ្នះ​ខ្សែក្រវាត់​ក្នុង​ប្រភេទ​ទម្ងន់​៦០​គីឡូក្រាម​ប្រចាំឆ្នាំ​២០១៤​របស់​ទូរទស្សន៍​អាស៊ីអាគ្នេយ៍ ក៏​មាន​ការជឿជាក់​តិច​ណាស់​ថា លោក​អាច​តតាំង​បាន​ជាមួយ​កីឡាករ ទី ពន្លែ​ត ដែល​ជា​ជើងចាស់ និង​នៅ​ខ្លាំង​ម្នាក់ ។ ផ្ទុយ​ពី​ការ​ស្មាន​ខុស លោក​ថែមទាំង​អាច​ព្រលះ​រៀមច្បង ធ្វើឲ្យ​មាន​ការភ្ញាក់ផ្អើល​។  ​នៅ​ក្នុង​ពិភព​ប្រដាល់ កីឡាករ ទី ពន្លែ​ត គឺជា​ជើង​ខ្លាំង​ល្បីឈ្មោះ​ម្នាក់​ក្នុង​ប្រភេទ​ទម្ងន់​៦០​គីឡូក្រាម ដោយ​មាន​ប្រវត្តិ​វាយ​ឈ្នះ​កីឡាករ​ជើងចាស់ ដែល​មាន​ឈ្មោះ​បោះ​សំឡេង​រាប់​មិន​អស់​មក​ហើយ ។ ជំនួប​របស់លោក និង​ម៉ន សាម៉េត ទទួលបាន​ការចាប់អារម្មណ៍​គួរសម កាលពី​ល្ងាច​ថ្ងៃអាទិត្យ នៅលើ​សង្វៀន​ទូរទស្សន៍​អាស៊ីអាគ្នេយ៍ ។ មិន​ថា​អ្នក​ទស្សន៍ទាយ​នោះទេ ដោយ​សូម្បី​តែ​ក្រុម​គ្រូបង្វឹក និង​គណៈកម្មការ​រៀប​ចំការ​ប្រដាល់​ក៏​ហ៊ាន​អះអាងថា ម៉ន សាម៉េត នឹង​ពិបាក​ទៅរួច​ជាមួយ ទី ពន្លែ​ត ដែរ ដោយសារ​តែ​បទ​ពិសោធន៍​ខុសគ្នា បើទោះជា​សមត្ថភាព​អាច​ថា​ឈានដល់​ចំណុច​ស្មើគ្នា​។ ដូច្នេះហើយ ទើប​មាន​ការភ្ញាក់ផ្អើល​យ៉ាងខ្លាំង នៅពេលដែល ម៉ន សាម៉េត ទទួលជោគជ័យ និង​អាច​ព្រលះ​សិស្ស​ច្បង​ឲ្យ​បោះបង់​ការប្រកួត​ក្នុង​ទឹក​ទី​៣ ដោយ​នឹកស្មាន​មិន​ដល់ ។​

    [អានបន្ត]
  • ម៉ឺន សុភា ស៊ី​ម្ចាស់​ខ្សែក្រវាត់​ថៃ​លើ​រេញ​SEATV

    ថ្ងៃចន្ទ ទី22 ធ្នូ 2014, 08:12 AM

    ​ទោះជា​មាន​ការប្រកាស​ថា កីឡាករ​ថៃ Than Vallek  ជា​ម្ចាស់​ខ្សែក្រវាត់​នៅក្នុង​ប្រទេស​ថៃ ក៏​កីឡាករ​កម្ពុជា ម៉ឺន សុភា នៅតែ​អាច​យកឈ្នះ ។ ជ័យជម្នះ​របស់​លោក​បាន​កើតឡើង​ស្របគ្នា ដែល មិត្ត​រួម​អាជីព​ចំនួន​២​នាក់ ត្រូវបាន​កីឡាករ​ថៃ​វាយ​បំបាក់មុខ នៅលើ​សង្វៀន ។ ​ការប្រកួត​អន្តរជាតិ​ចុងក្រោយ​ដែល​ជា​ការបិទ​វគ្គ​ប្រចាំឆ្នាំ​២០១៤ របស់​ស្ថានីយទូរទស្សន៍​អាស៊ីអាគ្នេយ៍ កីឡាករ​កម្ពុជា​៣​រូប និង​កីឡាករ​ថៃ​៣​រូប ត្រូវ​គេ​ផ្គូផ្គង​ឲ្យ​ប៉ះគ្នា កាលពី​ថ្ងៃអាទិត្យ​ទី​២១ ខែ​ធ្នូ ។ ការប្រកួត​ទាំងមូល ធ្វើឲ្យ​មាន​ការចាប់អារ​ម្មណ៍​យ៉ាងខ្លាំង ដោយសារ​តែ​កីឡាករ​ថៃ​ទាំង​៣ សុទ្ធតែ​ជា​ម្ចាស់​ខ្សែក្រវាត់ និង​ត្រូវ​គេ​អះអាង​ថា​ល្បីឈ្មោះ​នៅក្នុង​ប្រទេស​ថៃ​។ មិន​ខុស​ពី​ការលើកឡើង គូ​អន្តរជាតិ​ទី​១ និង​ទី​២ កីឡាករ​កម្ពុជា​ទាំង​២ ក្លាយជា​អ្នកចាញ់​យ៉ាង​អាម៉ាស់​ក្រោម​កណ្ដាប់ដៃ​របស់​កីឡាករ​ថៃ ដោយ​ហ៊ុន ឈុន​ហេង ចាញ់​ក្នុង​ទឹក​ទី​៤ និង​ឌុន សុភា ចាញ់​ដោយ​ពិន្ទុ យ៉ាងគំហុក​តែម្ដង ។​

    [អានបន្ត]

ព័ត៌មានផ្សេងៗ

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To