ព័ត៌មានថ្ងៃនេះ បទល្មើស​គ្រឿងញៀន​ជាង​៨០០​ករណី​ត្រូវបាន​បង្ក្រាប​ក្នុង​រយៈពេល​៤​ខែ​ដំបូង​​លោក កឹម សុខា​៖ តើ​វប្បធម៌​សន្ទនា​អាច​ដោះស្រាយ​ទំនាស់​ដីធ្លី​ឲ្យ​ពលរដ្ឋ​កម្ពុជា​ឬ​ទេ​?​រដ្ឋសភា​ស្នើ​ឲ្យមាន​ការស៊ើបអង្កេ​ត​ជម្លោះ​ដីធ្លី​នៅ​ខេត្ត​កោះកុង ជាមួយ​ក្រុមហ៊ុន​ចិន​គណៈកម្មការទី១នៃរដ្ឋសភាស្នើលោក សាយ សំអាល់ ដោះស្រាយជម្លោះដីធ្លីនៅកោះកុង (វីដេអូ)លោក ហ៊ុន សែន ចោទ​សួរ​លោក​​ សម រង្ស៊ី អំពី​ឃ្លីបវីដេអូ​ដែលនិយាយ​ពាក្យ​«ចាប់មេចោរ»​ពលរដ្ឋ​ចោទ​អាជ្ញាធរ​ជាតិ​អប្សរា ​និង​ខេត្ត​សៀមរាប​ថា ​មិន​គោរព​អនុក្រឹត្យ​លោកនាយក​មន្ត្រី​​អាដហុក​ថ្កោលទោស​អភិបាល​ស្រុក​មួយ​ដែល​គំរាម​វាយខ្នោះ​មន្ត្រី​សិទ្ធិមនុស្ស​​មនុស្ស​ស្លាប់​ករណី​រញ្ជួយ​ដី​នៅនេ​ប៉ាល់​កើនជាង​៧៥០០ ខណៈ​ជំនួយ​បរទេស​ស្ថិតក្នុង​ស្ថានភាព​តានតឹង​ការសិក្សា​មួយស្នើ​​ឲ្យ​កម្ពុជា​បង្កើត​ក្រុមប្រឹក្សាឯករាជ្យ​​ក្នុង​ការ​ផ្តល់​អាជ្ញា​ប័ណ្ណទូរទស្សន៍ និង​វិទ្យុ​អ្នកវិភាគ​យល់ថា​ការជេរប្រមាថ​គ្នា​រវាង​ពលរដ្ឋ​ខ្មែរ និង​វៀតណាមរស់​នៅ​កម្ពុជា​ជា​អំពើ​អសីលធម៌​

ថ្ងៃអង្គារ ទី5 ឧសភា 2015
អំពីវីអូឌី | ទំនាក់ទំនង
ព័ត៌មានថ្មីបំផុត

ព័ត៌មានក្នុងប្រទេស

មើលព័ត៌មានក្នុងប្រទេសទាំងអស់
  • បទល្មើស​គ្រឿងញៀន​ជាង​៨០០​ករណី​ត្រូវបាន​បង្ក្រាប​ក្នុង​រយៈពេល​៤​ខែ​ដំបូង​

    ថ្ងៃអង្គារ ទី5 ឧសភា 2015, 06:26 PM

    ​សមត្ថកិច្ច​បង្ក្រាប​បទ​ល្មើស​គ្រឿងញៀន​បាន​ជាង ៨០០​ករណី និង​បាន​កសាង​សំណុំរឿង​បញ្ជូន​ខ្លួន​ជនសង្ស័យ​ជាង ១៧០០​នាក់ ទៅកាន់​តុលាការ​ក្នុង​រយៈពេល​៤​ខែ​ដើមឆ្នាំ​២០១៥​នេះ ។ ​យោងតាម​របាយការណ៍​បូកសរុប​លទ្ធផល​របស់​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ឲ្យដឹងថា បទល្មើស​គ្រឿងញៀន​ក្នុង​ខែ​មេសា​ឆ្នាំ​២០១៥ មាន​២២៥​ករណី ចាប់​បាន​ជនសង្ស័យ​៤៨០​នាក់ (​ស្រី​៧៣​នាក់​) ដែល​ក្នុងនោះ​ជនជាតិ​ខ្មែរ​មាន​៤៦៣​នាក់ វៀតណាម​១០​នាក់ អង់គ្លេស​៣​នាក់ និង​ឡាវ​៤​នាក់ ។ តួលេខ​ខែមេសា​នេះ មាន​ការកើនឡើង​ជិត​ពាក់កណ្តាល​បើ​ធៀប​នឹង​តួលេខ​ក្នុង​ខែ​មីនា​ឆ្នាំ​២០១៥ ដែល​មាន​បទល្មើស​គ្រឿងញៀន​សរុប​១៥៩​ករណី និង​ជនសង្ស័យ ៣៣០​នាក់ ។​

    [អានបន្ត]
  • ​លោក កឹម សុខា​៖ តើ​វប្បធម៌​សន្ទនា​អាច​ដោះស្រាយ​ទំនាស់​ដីធ្លី​ឲ្យ​ពលរដ្ឋ​កម្ពុជា​ឬ​ទេ​?

    ថ្ងៃអង្គារ ទី5 ឧសភា 2015, 06:09 PM

    ​មេដឹកនាំ​គណបក្ស​សង្គ្រោះ​ជាតិ​អំពាវនាវ​ឲ្យ​ប្រជាពលរដ្ឋ​រងចាំ​មើលថា​តើ​វប្បធម៌​សន្ទនា​ថ្នាក់ដឹកនាំ​គណបក្ស​នេះ និង​គណបក្ស​ប្រជាជន អាច​ជួយ​ដោះស្រាយ​បញ្ហា​ទំនាស់​ដីធ្លី​ឲ្យ​ពលរដ្ឋ​កម្ពុជា​បាន​ដែរឬទេ​នៅ​ថ្ងៃ​ខាងមុខ ។​ ​អនុប្រធាន​គណបក្ស​សង្គ្រោះ​ជាតិ លោក កឹម សុខា សរសេរ​លើ​ទំព័រ​ហ្វេ​សប៊ុក​ផ្ទាល់ខ្លួន​របស់​លោក កាលពី​ថ្ងៃ​ទី​០៤ ខែ​ឧសភា ថា បរាជ័យ​ក្នុង​ការដោះស្រាយ​បញ្ហា​ទំនាស់​ដីធ្លី​ដែល​បាន​កើតឡើង​នៅក្នុង​ប្រទេស​កម្ពុជា​កន្ល​ង​មក គឺ​បណ្ដាលមកពី​មន្ដ្រី​មូលដ្ឋាន​របស់​រដ្ឋាភិបាល​បាន​ផ្ដល់​ព័ត៌មាន​មិន​ពិត​ទៅឲ្យ​ថ្នាក់​លើ ។ លោក កឹម សុខា សរសេរ​បន្ដថា «​នៅពេលនេះ លោក សម រង្ស៊ី ដែល​ជា​ដៃគូ​សន្ទនា​បាន​អះអាង​ថា គាត់​បាន​ទទួល​ព័ត៌មាន​នេះហើយ នឹង​យក​ទៅ​ធ្វើ​ការសន្ទនា​ជាមួយ​លោកនាយក​រដ្ឋមន្ត្រី ហ៊ុន សែន ។ ដូច្នេះ សូម​បងប្អូន​រង់ចាំ​មើល​ថា ការសន្ទនា​នេះ អាច​ដោះស្រាយ​ជូន​ប្រជាពលរដ្ឋ​បានដែរ ឬ ទេ​?» ។​

    [អានបន្ត]
  • ​រដ្ឋសភា​ស្នើ​ឲ្យមាន​ការស៊ើបអង្កេ​ត​ជម្លោះ​ដីធ្លី​នៅ​ខេត្ត​កោះកុង ជាមួយ​ក្រុមហ៊ុន​ចិន​

    ថ្ងៃអង្គារ ទី5 ឧសភា 2015, 06:05 PM

    គណៈកម្មការ​ទី​១​នៃ​រដ្ឋសភា​ដែល​ដឹកនាំ​ដោយ​គណបក្ស​សង្គ្រោះ​ជាតិ ស្នើ​ឲ្យ​រដ្ឋមន្ត្រី​ក្រសួង​បរិស្ថាន ធ្វើការ​ស៊ើបអង្កេត​នូវ​ភាពមិនប្រក្រតី​មួយចំនួន​នៃ​ការដោះស្រាយ​ជម្លោះ​ដីធ្លី រវាង​ក្រុមហ៊ុន​ចិន Union Development និង​ប្រជាពលរដ្ឋ​នៅ​ស្រុក​បុ​ទុម​សាគរ ខេត្ត​កោះកុង ​។​ ​បន្ទាប់​ពី​រដ្ឋមន្ត្រី​ក្រសួង​បរិស្ថាន លោក សាយ សំ​អាល់ ចូល​បំភ្លឺ​នៅ​រដ្ឋសភាជាង​៣​ម៉ោង នៅ​រសៀល​ថ្ងៃ​ទី៥ ​ខែឧសភា​នេះ ប្រធាន​គណៈកម្មការ​ទី​១​រដ្ឋសភា លោក អេង ឆៃ​អ៊ាង បាន​ស្នើ​ឲ្យ​រដ្ឋមន្ត្រី​ពិនិត្យ​លទ្ធភាព​ក្នុង​ការ​ឆ្វៀល​ដី​ ជូន​ប្រជាពលរដ្ឋ​ដែល​នៅ​សេសសល់​ប្រមាណ៣១៨​គ្រួសារ នៅ​ស្រុក​គិរីសាគរ និង​បុ​ទុម​សាគរ ខេត្ត​កោះកុង ដែល​មិន​ទាន់​ទទួលយក​សំណង និង​មិន​ព្រម​ចាកចេញ​លើដី​មាន​ជម្លោះ​នោះ ​។ លោក​លោក អេង ឆៃ​អ៊ាង ក៏​ស្នើ​កុំឲ្យ​មាន​ការបង្ខិតបង្ខំ ឬ​ប្រើប្រាស់​វិធានការ​គំរាមកំហែង និង​ប្រើ​ប្រព័ន្ធតុលាការ ដាក់​សម្ពាធ​លើ​ប្រជាជន​ដើម្បី​បង្ខំ​ឲ្យ​ចាកចេញ​ពី​ដី​មាន​ទំនាស់ ហើយ​ដោះស្រាយ​ដោយ​គ្មាន​អំពើពុករលួយ ​និង​ការរើសអើង​ជាដើម ​។

    [អានបន្ត]
  • លោក ហ៊ុន សែន ចោទ​សួរ​លោក​​ សម រង្ស៊ី អំពី​ឃ្លីបវីដេអូ​ដែលនិយាយ​ពាក្យ​«ចាប់មេចោរ»

    ថ្ងៃអង្គារ ទី5 ឧសភា 2015, 05:45 PM

    លោកនាយករដ្ឋមន្ត្រីហ៊ុន សែន នៅថ្ងៃចន្ទ​នេះ បាន​ប្រតិកម្ម​ទៅ​នឹង​ថ្នាក់ដឹកនាំ​គណបក្ស​សង្រ្គោះជាតិ ក្រោយ​​ពី​លោក​បាន​ឃើញឃ្លីប​​វីដេអូ​ចាស់​មួយ​ ដែ​​ល​លោក​សម​ រង្ស៊ី​ បាន​ថ្លែង​ទាក់​ទង​នឹង​ពាក្យ​ថា​​«ចាប់​មេចោរ»។​ អ្នកនាំពាក្យ​គណបក្ស​ប្រជាជនកម្ពុជា លោក ឈឹម ផលវរុណ មានប្រសាសន៍ថា​លោកនាយករដ្ឋមន្រ្តីពិត​​ជា​​បាន​ផ្ញើសារ(​SMS)​ទៅកាន់​លោក សម រង្ស៊ី​​ ពិត​មែន។ ក្នុង​សារ​នោះ​លោក​នាយករដ្ឋមន្រ្តី​បាន​ព្រ​មានដកតំណែង​លោក កឹម សុខា ពីអនុប្រធានទី១នៃ​រដ្ឋសភា។ យោងតាមសារ​ព័ត៌មានFresh News សាររបស់​លោក​លោក​ ហ៊ុន សែន មាន​ខ្លឹម​សារ​ថា​«នេះ ឬវប្បធម៌សន្ទនាដែលឯកឧត្តម​ចង់បាន។ ចង់បានការបំភ្លឺ​ឯកឧត្តម។ ខ្ញុំមិនអាចទទួ​លយកការបកស្រាយរបៀបនេះ​បានទេ ខ្ញុំត្រូវចាប់មេចោរពិត និង​កូនចោរពិតដែលកំពុងមានសំណុំរឿងនៅតុលាការ។ សូម​ឯកឧត្តម​កុំពឹងពាក់ដៃចោរលើកលែងទោសឲ្យ​កូនចៅឯក​ឧត្តម​ទៀត។ សូម​ប្រាប់ កឹម សុខា ផងបើប៉ះពាល់ ម្តងទៀត CPPនឹងបោះឆ្នោតទម្លាក់ហើយ»។ នៅក្នុងវីដេអូឃ្លីប​ដែលFresh Newsបានផ្សាយភ្ជាប់​នឹង​​ប្រតិកម្ម​របស់​នាយករដ្ឋមន្រ្តី លោក សម រង្ស៊ី​ បានថ្លែង​ថា«ចង់ចាប់ចោរ យើងត្រូវទៅគៀកជាមួយចោរសិន បងប្អូន សួរប៉ូលិ​សមើល របៀបប៉ូលិ​សចាប់ចោរ មិនមែនចាប់ចោរពីចម្ងាយទេ ប៉ូលិ​សចូលឲ្យគៀកចោរសិនទើបចាប់ចោរបាន ប៉ុន្តែខ្ញុំនិយាយនេះ មិន​មែនមានន័យថាចាប់មនុស្សទេ គឺចាប់ល្បិច បងប្អូន...មិនដែលក្រុម២ពាក់មុខយក្សទាំងអស់គ្នាទេ ក្នុងក្រុ​​ម​នីមួយៗគេមានមនុស្សពីរបីនាក់ក្នុងក្រុមរបស់គេ ម្នាក់មនុស្សដើរតួយក្ស ម្នាក់ដើរតួកំសត់ ណាបង​ប្អូនណា ដើម្បីអ្នកដើរតួស្លួតទៅស្ទាបស្ទង់សិន រួចទៅវាត្រូវចេញយក្ស មានម្នាក់ទៀត»។ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ប្រាប់​VODថា​វីដេអូឃ្លីប​នេះជាវីដេអូចាស់ តែលោកមិ​នបានចាំកាលបរិច្ឆេទ​ និងទីកន្លែងដែ​ល​លោក​សម រង្ស៊ី​ បាន​ថ្លែង​នោះទេ។​ លោកបន្តថា​ការ​លើក​យក​រឿង​ចាស់​មក​និយាយ​នឹងបង្កឧបសគ្គដល់វប្បធម៌សន្ទនា។ លោកបញ្ជាក់​ថា​«ចំពោះគណបក្សសង្គ្រោះជាតិ ឯកឧត្តមប្រធានសម រង្ស៊ី​ គឺមានភាពស្មោះត្រង់នៅក្នុងវប្បធម៌សន្ទនា ព្រោះយើងមិនចង់ជួបភាពជូចត់ដូចក្នុងអតីតកាលទេ ព្រោះខ្មែរយើងជួបភាពឈឺចាប់គ្រប់គ្រាន់ហើយ ចាប់ពីពេលនេះទៅយើងជជែក​គ្នា​តែពីអ្វីដែលមានប្រយោជន៍»។ VODមិន​ទាន់​អាច​សុំ​ការ​ពន្យល់​ពី​លោក សម រង្ស៊ី បាន​នៅឡើយ​ទេ ខណៈលោក​កំពុង​ស្នាក់​នៅ​សហរដ្ឋអាមេរិក។​ អ្នក​នាំពាក្យ​គណបក្ស​ប្រជាជនកម្ពុជា​ឲ្យដឹងថាវីដេអូឃ្លីប​របស់​លោក​សម រង្ស៊ី ជាវីដេអូថ្មីដែលកើតមានឡើង​ក្រោ​យវប្បធម៌សន្ទនា។ លោកថាលោកនាយករដ្ឋមន្ត្រីពិតជាបានផ្ញើសារដូចដែលសារព័ត៌មានFre​sh New​s បានចុះផ្សាយប្រាកដមែន។ លោកបញ្ជាក់ថា លោកនាយករដ្ឋមន្ត្រីផ្ញើសារនេះ គឺដើម្បីឲ្យលោក សម រង្ស៊ី​ បញ្ជាក់ពីភាពស្មោះត្រង់ចំពោះវប្បធម៌សន្ទនា។ លោកបន្ថែមថា«អញ្ចឹងយើងចង់សួរបញ្ជាក់ទៅខាងឯឧត្តមសម រង្ស៊ី​ ថាគាត់ស្មោះត្រង់ ឬអត់ ជាពិសេសតួអង្គអី មានតួស្លូត តួកាចនោះ យើងចង់ដឹងប៉ុណ្ណឹង។ អញ្ចឹងបើថាតួកាច លោក កឹម សុខា ដើរតួកាច អញ្ចឹងលោក កឹម សុខា គាត់អត់ត្រូវការសំឡេងគាំទ្រពីគណបក្សប្រជាជន ឲ្យគាត់ធ្វើជាអនុប្រធានទី១សភាដែរ ព្រោះគាត់តួកាច អញ្ចឹងយើងក៏មានសិទ្ធិសេរីភាពប្រើ​សន្លឹកឆ្នោតបោះឆ្នោតទម្លាក់គាត់វិញដែរ»។ នៅក្នុងវីដេអូឃ្លីប លោក សម រង្ស៊ី បាន​បញ្ជាក់ពី​ជំហរចង់ឲ្យមានការបោះឆ្នោតឡើងវិញយ៉ាងយូរនៅឆ្នាំ​២០​១៥។ លោកមានប្រសាសន៍ថា​«ជំហរយើងសិន យើងថាបើចាំ៥ឆ្នាំមិនចាំដាច់ខាត យើងមែនទែនចង់​បោះ​ភ្លាមៗហ្នឹង ទាំងអស់គ្នាអន្ទះសារថាចង់បោះឡើងវិញភ្លាមៗហ្នឹង... បើបោះឡើងវិញច្បាស់ជាឈ្នះហ្ម​ង...​យ៉ាងយូ២០១៥ ឆ្នាំក្រោយហ្នឹង»។ គួររំឭក​ថា​ កាលពីថ្ងៃទី០៤ ខែឧសភា លោកនាយករដ្ឋមន្ត្រី ហ៊ុន សែន បានថ្លែងថាគណបក្សប្រជាជនកម្ពុជា និងរូបលោកតែងតែជាជនរងគ្រោះនៃការជេរប្រមាថ។ លោកបញ្ជាឲ្យមន្រ្តីរបស់ខ្លួនពិនិត្យមើលរាល់សកម្មភាព និងការថ្លែងរបស់មន្រ្តីគណបក្សសង្រ្គោះជាតិថាតើមានការជេរប្រមាថទៀត ឬយ៉ាងណា៕ សរសេរមកកាន់លោក ទូច សុខា តាមរយៈ sokha@vodhotnews.com

    [អានបន្ត]
  • ​ពលរដ្ឋ​ចោទ​អាជ្ញាធរ​ជាតិ​អប្សរា ​និង​ខេត្ត​សៀមរាប​ថា ​មិន​គោរព​អនុក្រឹត្យ​លោកនាយក​មន្ត្រី​

    ថ្ងៃអង្គារ ទី5 ឧសភា 2015, 05:09 PM

    ​អ្នក​មាន​ជម្លោះ​ដីធ្លីនៅ​ភូមិ​ព្រៃ​គុយ សង្កាត់​អំពិល ក្រុង​សៀមរាប ចោទ​អាជ្ញាធរ​ខេត្ដ​សៀមរាប និង​អាជ្ញាធរ​ជាតិ​អប្សរា​ថា មិន​គោរព​អនុក្រឹត្យ​នាយករដ្ឋមន្ត្រី ដែល​បាន​កាត់​ដី​មាន​ជម្លោះ​ឲ្យ​ពួកគាត់​ ។​ ​ពលរដ្ឋ​នៅ​ភូមិ​ព្រៃ​គុយ សង្កាត់​អំពិល ក្រុង​សៀមរាប អ្នកស្រី យិន សុគន្ធា ឲ្យ ​VOD​ ដឹង​នៅ​ថ្ងៃ​អង្គារ ទី​៥ ខែឧសភានេះ​ថា ក្នុង​អំឡុងពេល​ចូល​ឆ្នាំ​ខ្មែរ លោកនាយក​រដ្ឋមន្ត្រី​ ហ៊ុន សែន បានទៅ​ដល់​ភូមិ​ព្រៃ​គុយ សង្កាត់​អំពិល ក្រុង​សៀមរាប កន្លែង​ដែល​ប្រជាពលរដ្ឋ​កំពុង​មាន​ជម្លោះ​ដីធ្លី​ជាមួយ​អាជ្ញាធរ​ជាតិ​អប្សរា​ ។ អ្នកស្រី​បន្ត​ថា នៅពេលនោះ លោកនាយក​រដ្ឋមន្ត្រី​បាន​ប្រកាស​ប្រគល់​ដី​ឲ្យ​ប្រជាពលរដ្ឋ ​ដែល​បាន​រស់នៅ​ទីនោះ​ជាក់ស្ដែង ហើយ​ថែមទាំង​ជូន​លុយ​១​ម៉ឺន​ដុល្លារ ដល់​គ្រួសារ​មួយ​នៅក្នុង​ភូមិ​នោះ​ឲ្យ​សង់​លំនៅឋាន​ឡើង​វិញ​ផង​ដែរ​ ។ 

    [អានបន្ត]
  • ​អាដហុក​ថ្កោលទោស​អភិបាល​ស្រុក​មួយ​ដែល​គំរាម​វាយខ្នោះ​មន្ត្រី​សិទ្ធិមនុស្ស​

    ថ្ងៃអង្គារ ទី5 ឧសភា 2015, 04:56 PM

    ​សមាគម ការពារ​សិទ្ធិមនុស្សអាដហុក ប្រកាស​ថ្កោលទោស​អភិបាល​ស្រុក​មួយ​ក្នុង​ខេត្ត​មណ្ឌលគិរី ដោយ​អះអាង​ថា អ្នកមាន​អំណាច​ប្រចាំ​តំបន់​រូបនោះ បាន​គំរាម​វាយខ្នោះ​លើ​មន្ត្រី​សិទ្ធិមនុស្ស​ដែល​ចង់​បើក​វេទិកា​បណ្តុះបណ្តាល​ព​ល​រដ្ឋ​ ។​ ​សេចក្តីថ្លែងការណ៍​របស់អាដហុក នៅថ្ងៃនេះបាន​ថ្កោលទោស លោក ស៊ុន វណ្ណ​វុឌ្ឍន៍ អភិបាលស្រុក​កែវ​សីមា លើកឡើងថា អភិបាល​រូបនោះបាន​គំរាម​វាយខ្នោះ​លើ​មន្ត្រី​ទទួលបន្ទុក​ការងារ​អង្កេត​របស់​អាដហុក លោក អ៊ាង ម៉េង​លី​ ។  ​អាដហុកបន្តថា មន្ត្រី​របស់​ខ្លួនបាន​ចុះ​ទៅ​ទំនាក់ទំនង​ផ្តល់ព័ត៌មាន​ពី​ការបើក​វគ្គ​ស្តីពី​សិទ្ធិ​មនុស្ស ប្រជាធិបតេយ្យ និង​ច្បាប់ដល់​ប្រជាពលរដ្ឋ​ក្នុងស្រុក​កែវ​សីមា ពេល​នោះ​អភិបាលស្រុក​បាន​គំរាមថា បើ​នៅ​ថ្ងៃ​១១ ១២ ខែ​ឧសភា ឆ្នាំ​២០១៥ ​សមាគមហ៊ានបើកវគ្គបណ្តុះបណ្តាលនោះ លោកនឹងចាត់វិធានការដាក់ខ្នោះលើមន្រ្តីអាដហុកជាមិនខាន ។​

    [អានបន្ត]

ព័ត៌មានផ្សេងៗ

ព័ត៌មានអន្តរជាតិ

មើលព័ត៌មានអន្តរជាតិទាំងអស់
​មនុស្ស​ស្លាប់​ករណី​រញ្ជួយ​ដី​នៅនេ​ប៉ាល់​កើនជាង​៧៥០០ ខណៈ​ជំនួយ​បរទេស​ស្ថិតក្នុង​ស្ថានភាព​តានតឹង​

ថ្ងៃអង្គារ ទី5 ឧសភា 2015, 04:06 PM

​ពួក​អាជ្ញាធរជួយ​សង្គ្រោះ​នៃ​ប្រទេស​នេ​ប៉ាល់និយាយថា គិត​មកដល់​ថ្ងៃអង្គារ​ ទី៥​ ខែឧសភា​នេះ ចំនួនអ្នកស្លាប់​ដោយសារ​ការរញ្ជួយ​ដី​នៅ​ជាយ​រដ្ឋធានី​ប្រទេស​នេ​ប៉ាល់ កើនឡើង​៧៥៥៧​នាក់ ហើយ​អ្នករងរបួសកើនឡើង ១៤៥៣៦​នាក់ ខណៈការ​ចែកចាយ​ជំនួយ​ស្ថិតក្នុង​ស្ថានភាព​តានតឹងជាខ្លាំង ​។​ រដ្ឋាភិបាល​នេ​ប៉ាល់​បញ្ជាក់ថា គេ​បាន​ដាក់ពង្រាយកងទ័ព និង​ប៉ូលិសជាង​១៣១៥០០​នាក់ ដើម្បីជួយសង្គ្រោះ ហើយក្នុងនោះ​មានក្រុម​សង្គ្រោះ​បរទេស​១០០ក្រុម ។  ​តែ​នៅពេល​ជាមួយគ្នានេះ រដ្ឋាភិបាលប្រកាស​ឲ្យ​ក្រុម​សង្គ្រោះបរទេសចាកចេញ​ពី​ប្រទេសនេ​ប៉ាល់ ដោយអះអាងថា ខ្លួនមាន​សមត្ថភាពគ្រប់គ្រាន់ ដើម្បីជួយ​សង្គ្រោះ​ជនរងគ្រោះ ប៉ុន្តែប្រកាសថា​ខ្លួន​ត្រូវការ​ជំនួយតែប៉ុណ្ណោះ ។​

[អានបន្ត]

ព័ត៌មានផ្សេងៗ

ព័ត៌មានកំសាន្ត

មើលព័ត៌មានកំសាន្តទាំងអស់
  • ​យ៉ែម សំ​អូន រំពឹង​ថា​ប្រពន្ធ​មិន​ប្ដឹង​លែង​

    ថ្ងៃចន្ទ ទី4 ឧសភា 2015, 09:04 AM

    ​ទំនាស់​ដ៏​ចម្រូងចម្រាស់​រវាង​លោក យ៉ែម សំ​អូន និង​ភរិយា គឺ​អ្នកនាង យ៉ាន លីន​ដា កាន់តែ​រីក​រាលដាល បន្ទាប់ពី​មាន​ការចុះផ្សាយ​តាម​បណ្ដាញសារព័ត៌មាន ។ យ៉ាងណាក៏ដោយ សាមីខ្លួន​ខាង​ប្រុស រំពឹង​យ៉ាង​មុតមាំ​ថា ភរិយា​របស់​លោក​នឹង​មិន​ប្ដឹង​សុំ​លែង​នោះទេ បើ​ទោះជា​ក្នុង​ពេល​នេះ លោក​អះអាង​ថា ភរិយា​បាន​ឡើង​ទៅ​ដល់​ប្រទេស​អូស្ត្រាលី  ហើយ​មាន​មនុស្ស​ដែល​ចង់​ឲ្យ​ពួក​លោក​បែក​គ្នា​ជាច្រើន​ជួយ​បញ្ឆេះ​បញ្ហា ។ ​អ្នកតាមដាន​សិល្បៈ​បាន​ផ្ដោត​ការតាមដាន​លទ្ធផល​ចុងក្រោយ​នៃ​វិវាទ​របស់​គូស្នេហ៍​ទាំងពីរ ក្រោយពី​កើតមាន​ជម្លោះ​រកាំរកូស ។ មុន​ផ្ទុះឡើង​បញ្ហា អ្នកណា​ក៏​ទទួលស្គាល់ថា តារាចម្រៀង និង​អ្នក​បង្ហាញ​ម៉ូដ លោក យ៉ែម សំ​អូន និង​អ្នកនាង លីន​ដា ជា​គូស្នេហ៍​គំរូ បន្ទាប់​ពី​ដឹក​ដៃ​គ្នា​សាង​គ្រឹះ​សិល្បៈ​ហើយ​មានកេរ្តិ៍ឈ្មោះ​ល្បីល្បាញ ។ ប៉ុន្តែ​អ្វី​ដែល​បាន​កើតឡើង ត្រូវ​រលាយបាត់ បន្ទាប់​ពី​អ្នក​ទាំង​ពីរ​ផ្ទុះ​ចម្រូងចម្រាស់​កាលពី​យប់​ថ្ងៃទី​២៧ ខែ​មេសា ។ ប្រភព​ពី​តារា​សិល្បៈ​អះអាងថា លោក​យ៉ែម សំ​អូន បាន​បង្ក​ហិង្សា​បណ្ដាល​ឲ្យ​អ្នកនាង យ៉ាន លីន​ដា ភ្លាត់ឆ្អឹង​កញ្ចឹងក ជាំ​ភ្នែក និង​របួស​ត្រង់​ស្មា ព្រោះតែ​មាន​ជម្លោះ​ពាក្យសម្ដី​ដោយសារតែ​អ្នកនាង​លីន​ដា ប្រច័ណ្ឌ​ស្វាមី​នឹង​ប្រុស​ក្មេង​ម្នាក់ ​ដោយ​សង្ស័យ​ថា​ស្វាមី​មាន​ទំនាក់ទំនង​ស្នេហា​ភេទ​ដូចគ្នា​ ។​

    [អានបន្ត]
  • ទិត្យ វិច្ឆិកា ​ទទួលងារ​ជាសិល្បករ​ឆន្ទៈ​សង្គម

    ថ្ងៃសុក្រ ទី1 ឧសភា 2015, 06:16 AM

    កាល​ពី​ថ្ងៃ​រសៀល​ថ្ងៃ​​ព្រហស្បតិ៍ ទី​៣០ ​មេសា ​លោក ​ទិត្យ វិច្ឆិកា ត្រូវ​បាន​លោក​ខៀវ កាញារីទ្ធ​ ​រដ្ឋ​មន្ត្រី​ក្រសួង​ព័ត៌មាន​​ ប្រគល់​ប័ណ្ណ​សរសើរ​ទទួលស្គាល់​ជា​«​​​សិល្បករ​​ឆន្ទៈសង្គម» បន្ទាប់​ពី​​នៅ​​​រក្សា​ជំហរ​មិន​ឡើង​ឆាក​​ទូរទស្សន៍​ ​ទោះ​ជា​មាន​ការ​អន្តរាគមន៍​ ដោយ​សុខ​ចិត្ត​ផ្សង​ព្រេង​​​​​ស្វែង​រក​មូលនិធិ​ជួយ​ដល់អ្នក​​ក្រី​ក្រ​នៅ​​ព្រំដែន​ខ្មែរ​។ យ៉ាង​ណា​ក៏​ដោយ លោក​ក៏​បាន​​យល់​ព្រម​តាម​ការ​​ចង់​បាន​របស់​លោក​ខៀវ កាញារីទ្ធ ថា​នឹង​យល់​ព្រម​​ឡើង​ច្រៀងក្នុង​កម្មវិធី​ថ្នាក់​ជាតិ ​ដើម្បី​បង្ហាញ​ខ្លួនជាសាធារណៈ​លើ​កញ្ចក់​ទូរទស្សន៍​ផង​ដែរ​។ ​​ លោក ​ទិត្យ វិច្ឆិកា ​ប្រាប់​VODតាមរយៈទូរស័ព្ទ​ថា លោក​រដ្ឋ​មន្ត្រី​ក្រសួង​ព័ត៌មាន​​បាន​អនុញ្ញាត​ឲ្យ​លោក​ និង​ក្រុម​គ្រួសារ រួម​មាន​ម្ដាយ ​បង​ប្រុស​ និង​ក្មួយ​ប្រុស​​ចំនួន​៤​នាក់ ​ចូល​ជួបពិភាក្សា​បន្ទាប់​ពី​មាន​ការ​ចុះ​ផ្សាយ​ដ៏​កក្រើក​ថា ​លោក​​​បាន​ធ្លាក់​ខ្លួន​​​បាត់​បង់​អាជីព​សិល្បៈ និង​ធ្លាក់​ខ្លួន ព្រោះ​តែ​​​ការ​រើសអើង​​ពី​ក្រុម​ផលិតករ ក្នុង​ពេល​មាន​ការ​រិះ​គន់​។ លោក​បន្ត​ថា​ទោះ​ជា​​លោក​ ខៀវ​ កាញារីទ្ធ សន្យា​ថាបើក​ច្រក​ឲ្យ​ឡើង​ទូរទស្សន៍​​ដូច​ដើម ក៏​លោក​នៅ​តែ​រក្សា​​ឆន្ទៈ​មិន​ទទួល​យក ហើយ​សុំ​ខ្លួន​បន្ត​​​​ផ្សង​​ព្រេង ដូច​ដែលខ្លួន​​កំពុង​ដើរ​រាល់​ថ្ងៃ​។ លោក​និយាយ​ថា «​​ឯកឧត្តម​គាត់​គ្រោង​​កំណត់​ឲ្យ​​ប៉ុស្ដិ៍​ទូរទស្សន៍​លើក​ស្ទួយ​ខ្ញុំ​ឡើង​វិញ ប៉ុន្តែ​ខ្ញុំ​​ប្រាប់​គាត់​ថា ខ្ញុំ​អស់​អារម្មណ៍​ច្រៀង​ហើយ ​ព្រោះ​តែ​ខ្ញុំ​ឆ្អែត​ឆ្អន់​នឹង​​ការ​ឈឺ​ចាប់ ម្យ៉ាង​ខ្ញុំ​គិត​ថា​ជីវិត​ផ្សង​ព្រេងរាល់​ថ្ងៃ ដូច​ជា​គ្មាន​សម្ពាធ​អី​ផង ទើប​ខ្ញុំ​​​សុំ​គាត់​​​​​​​​​ធ្វើ​ដូច​ធម្មតា ហើយ​​​​សុំ​​ប្រើ​ជីវិត​សេសសល់ រក​ជំនួយ​ជួយ​ដល់​សង្គម​បន្ត​ទៀត​!»។ ​លោក​ឲ្យ​ដឹង​ទៀត​ថា​បើ​ការ​ឡើង​ប៉ុស្ដិ៍មួយ​លើ​ក​ទទួល​បាន​​​​១ពាន់​ដុល្លារ​ ទើប​លោក​កែ​ប្រែ ដើម្បី​បាន​ប្រាក់​ពី​ការ​ស្ដោះ​ហើយ​លេប​វិញ​នោះ ​​យក​ទៅជួយ​ដល់​​​ជន​ក្រី​ក្រ​ឲ្យ​បាន​៥០%​ ​ទៅ​សម្រួល​ការ​លំបាក​របស់​ពួក​គេ​។ ​ ជា​រៀង​រាល់​ថ្ងៃ លោក​ថា​បាន​​ប្រើ​រថយន្ត​​​​ស្ព័រពណ៌​ក្រហម​ស៊េរី​ទាប​​មួយ​គ្រឿង តម្លៃ​ជាង​​២ពាន់​ដុល្លារ ដែល​សប្បុរសជន​​នៅ​ខេត្ត​សៀម​រាប​រ៉ៃ​អង្គាស​គ្នា​ទិញ​ឲ្យ​ ​ធ្វើ​ដំណើ​​រផ្សេង​ព្រេង​ទៅ​គ្រប់​ទិស​ទី ​ដើម្បី​​ផ្ដិត​យក​​កង្វះ​ខាត​ជាក់​ស្ដែងរបស់​ពលរដ្ឋ ហើយ​​ប្រើ​ប្រព័ន្ធ​​ហ្វេសប៊ុក អំពាវ​នាវ​សុំ​ជំនួយ។ ​អតីត​តារា​​ចម្រៀង​ដែល​សឿងមិន​ទទួល​​អន្តរាគមន៍​​​​ឲ្យ​ចូល​សិល្បៈជា​ថ្មី​រូប​នេះ​និយាយ​ថា«​​ រាល់​ថ្ងៃ​ខ្ញុំ​មិន​ខុស​ពី​អ្នក​សុំ​ទាន​ទេ យក​ឡាន​ធ្វើ​ផ្ទះ ទៅ​ដល់​​កន្លែង​ណា​​លេង​​ហ្គីតា​​សុំ​បាយ​គេ​ហូប​បណ្ដើរ ​បើ​មាន​វង់​អកកេស​ហៅ​ច្រៀង​ក៏​ច្រៀង​ដូរ​សាំង ប៉ុន្តែ​​អ្វីដែល​ខ្ញុំ​សប្បាយ​ចិត្ត​ គឺ​មួយ​រយៈ​នេះ ខ្ញុំ​​​បាន​ជួយ​សង្គម​ច្រើន​ណាស់ ដូច​ជា​​​ជួយ​ជីក​ស្រះ​ឲ្យ​ពួក​គាត់ ​​និង​ជួយសង់​ផ្លូវ​ឲ្យ​ពួក​គាត់​ជា​ដើម​!»។ រូបថតពីហ្វេសប៊ុករបស់លោក​ទិត្យ វិច្ឆិកា មក​ទល់​បច្ចុប្បន្ន​នេះ លោក ទិត្យ វិច្ឆិកា បាន​​ប្រើ​​ប្រព័ន្ធ​ហ្វេសប៊ុក​រក​ថវិកា ដោយ​ជីក​បាន​ស្រះ​​២​ហើយ ​ដោយ​ក្នុង​ស្រះ​មាន​ទំហំ​​​​២០ និង​៣០​ម៉ែត្រ ​​ហើយ​ចំណាយ​អស់ជាង​​៤ពាន់​ដុល្លារ​សម្រាប់​ការ​ជីក​ស្រះ​មួយ​កន្លែង​ៗ​។ ស្រះ​ដែល​បាន​ជីក​នោះ​មួយ​ស្ថិត​នៅ​ភូមិ​អូរខ្លា​ឃ្មុំ ស្រុក​អូស្មាច់​ ​ក្នុង​ខេត្ត​ឧត្តរមានជ័យ និង​​មួយ​ទៀត​នៅ​​ស្រុក​គាស់​ក្រឡ ​ក្នុង​ខេត្ត​បាត់​ដំបង​។ ​​លោក​ក៏បានរកជំនួយពីប្រជា​ពលរដ្ឋក្នុង និង​ក្រៅ​ប្រទេស ដើម្បី​ស្ថាបនា​ផ្លូវ​លំបាន​៣​ខ្សែ​ ដោយ​​២​ខ្សែ​ប្រវែង​៦០០​ម៉ែត្រ នៅ​​ស្រុក​អូស្មាច់ និង​មួយ​ខ្សែ​ចុង​ក្រោយ​​ប្រវែង​៣០០​ម៉ែត្រ ​នៅ​​​ស្រុក​គាស់​ក្រឡ​ ក្នុង​ខេត្ត​បាត់​ដំបង ភ្លាប់​ពី​ស្រះ​ទៅ​ផ្លូវ​​​​​ភូមិ​នោះ​ផង​ដែរ​​។ លោក​បន្ត​ថា​លោក​ក៏​បាន​​​ទិញ​ថ្នាំ​សង្កូវ​ និង​​​សម្ភារៈ​ផ្សេង​ៗដើរ​​ចែក​ដល់​ក្រុម​គ្រួសារ​​អ្នក​ផ្ទុក​មេរោគអេដស៍​នៅ​ខេត្ត​ប៉ែក​ពាយព្យ ក្រុម​ក្មេង​កំព្រា ​​ទាហាន​ទុរគត៌ និង​​សិស្ស​​ក្រី​ក្រី​ដែល​លោក​បាន​ជួប​ក្នុង​ពេល​ផ្សងព្រេង​នោះ​ផង​ដែរ​។ ​លោក​និយាយ​ថា «​​មិន​ដឹង​ថា​ខ្ញុំ​រាល់​ថ្ងៃចាស់​ទៅ​ពឹង​អី​នោះ​ទេ ប៉ុន្តែ​ខ្ញុំ​ដូច​ជា​សប្បាយ​​នៅ​ពេល​​បាន​យក​ពេល​វេលាចុះ​ទៅ​ដល់​​​​​កន្លែង​រស់​នៅលំបាក​របស់​អ្ន​ក​ស្រុក ហើយ​​​អាច​អំពាវ​នាវ​រក​លុយ​​ម​កជួយ​នេះ​​មក​ជួយ​នោះពួក​គាត់​បាន ​​​ហើយ​កុំ​ភ័យ​ថា​ខ្ញុំ​កិប​ប្រាក់​​អ្នក​ជួយ​ គឺ​មាន​តែ​ដើរ​សំពះ​គេ​សុំ​សាំង​សុំ​ជំនួយ​បន្ថែម​ទៀត នៅ​ពេល​គម្រោង​ជីក​ស្រះ ​សង់​ផ្លូវ​ទៅ​ស្រះ​ ឬ​​ពេល​យក​ថ្នាំ​សង្កូវ​អី​ចែក​ដល់​ជន​ទុរគ៌ត! ហើយ​កុំ​ភ័យ​ខ្ញុំ​អត់ធ្វើ​ដើម្បី​​គណបក្ស​ណា​ឬ​​ដើម្បី​​ល្បី​​​​សម្រាប់​ឈរ​ឈ្មោះ​នោះ​ទេ គឺ​ខ្ញុំ​គ្រាន់​តែ​ចង់​សាង​កុសល​កុំ​ឲ្យ​វេទនា​ដូច​​​កន្លង​មក​ប៉ុណ្ណោះ​»។ អានអត្ថបទ.... ទិ​ត្យ វិច្ឆិកា ច្រាន​ចោល​អន្តរាគមន៍​ឡើង​ច្រៀង​តាម​ប៉ុស្ដិ៍   ជ័យលាភីលេខ២​កម្មវិធី​​ផ្កាយ​រះ​ក្នុង​សួន ជ័យ សុវ៉ាត រក​ឃើញ​ទ្រនំ​ផលិតកម្ម​   លោកតា វ៉ិ​ចទ័​រ ដើរ​​តួឯកក្នុង​ភាពយន្ត​ខ្នាត​ធំ​   ​ឆោម ឆ​ពុំ បាន​កូនប្រុស​ទី​២  លោក​បាន​​រិះ​គន់​​មន្ត្រីអាជ្ញាធរ​នៅ​ក្នុ​ង​តំបន់​ខ្លះ ដោយ​ថា​​បង្កការរាំងស្ទះមិន​សហការ ពេល​លោក​ចុះជួយ​ប្រជា​ពលរដ្ឋ​ក្នុង​ការ​​ជីក​ស្រះ​ទឹក និង​សង់​ផ្លូវ។ លោក​សុំ​​លោក​ ខៀវ កាញារីទ្ធ ​ឲ្យ​ផ្ដល់​ការ​អន្តរាគមន៍​លើ​ករណី​នោះ ដើម្បី​ឲ្យ​​ពលរដ្ឋ​ដែល​លោក​មាន​បំណង​​​ស្វះ​ស្វែង​ចង់ជួយ​ អាច​ទទួល​បាន​ជំនួយ​សប្បុរសធម៌​ដោយ​គ្មានចម្រូង​សម្រាស់។ ​លោក​និយាយ​ថា «​​​នៅ​ពេល​ឯកឧត្តម​គាត់​​ថា​តើ​ខ្ញុំ​ចង់​សុំ​អី​ពី​គាត់ ខ្ញុំ​​សុំ​តែ​រឿង​ហ្នឹង​មួយ​គត់ ព្រោះ​​ខ្ញុំ​អត់​ចង់​​ឃើញ​មន្ត្រី​​​​​​​អាជ្ញាធម៌​មិន​ជួយ​ពលរដ្ឋ​ខ្លួន​ឯង​ហើយ មក​​​រារាំង​​គម្រោង​​ជីក​ស្រះ​ និង​ធ្វើ​ផ្លូវ​ស្អី​​របស់​​​​​ម្ចាស់ជំនួយ​នោះ​ទេ ព្រោះ​បើបង​ទៅ​ឃើញ​បាន​ដឹង​​ស្រុកខ្លះ​​អត់មាន​ទឹក​ប្រើ​ទាល់​តែ​មែន​ទែន!»។ រូបថតពីហ្វេសប៊ុករបស់លោក​ទិត្យ វិច្ឆិកា ជា​មួយ​​ជំហរ​នេះ​ហើយ ដែល​លោក​ត្រូវ​​បាន​លោក ​ខៀវ កាញារីទ្ធ ​ប្រគល់​ងារ​ឲ្យ​ជា​អ្នក​សិល្បករឆន្ទៈសង្គម​។ ​ទិត្យ វិច្ឆិកា ថ្លែង​ថា«​​នៅ​ពេល​គាត់​​ដឹង​ពី​​​ហេតុ​ផល​ដែល​​ខ្ញុំ​មិន​​ទទួល​ឡើង​ឆាក​តាម​សំណើ​​របស់​គាត់ ​​ឯកឧត្តម​ក៏​បញ្ជា​ឲ្យ​កូន​ចៅ​​​​ចេញ​ប័ណ្ណសរសើរ​នេះ​មក​ឲ្យ​ខ្ញុំ​!​ ខ្ញុំ​រំភើប​ចិត្ត​ណាស់ ហើយ​ខ្ញុំ​នឹង​ប្រឹង​បន្ត​ទៀត ​ដើម្បី​មុន​នឹង​ស្លាប់​ក៏​មាន​​អ្នក​ដឹង​ថា​ខ្ញុំ​ធ្លាក់​ខ្លួន​មែន ប៉ុន្តែ​មិន​បាន​ស្លាប់​ឈ្មោះ​!»។ VODមិន​ទាន់​អា​ចសុំការបញ្ជាក់​ពី​លោក ខៀវ កាញារីទ្ធ​បាន​នៅឡើយ​ទេ៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com    

    [អានបន្ត]
  • ទិ​ត្យ វិច្ឆិកា ច្រាន​ចោល​អន្តរាគមន៍​ឡើង​ច្រៀង​តាម​ប៉ុស្ដិ៍

    ថ្ងៃអង្គារ ទី28 មេសា 2015, 11:54 AM

    ​ភ្លាមៗ​បន្ទាប់ពី​លោក ទិ​ត្យ វិច្ឆិកា ឡើង​បង្ហាញខ្លួន​ក្នុង​កម្មវិធី «​តុ​បំភ្លឺ​» កាលពី​ថ្ងៃ​សៅរ៍ ប្រធាន​សមាគម​សិល្បក​រ​ខ្មែរ​លោក សុះ ម៉ាច អះអាង​ភ្លែត​ថា​នឹង​ស្វែងរក​ឱកាស​ឲ្យ​លោក ទិ​ត្យ វិច្ឆិកា បាន​ច្រៀង​លើ​ឆាក​ទូរទស្សន៍​ដូចដើម ។ ប៉ុន្តែ​ផ្ទុយ​ពី​ការសន្យា​នេះ អតីត​តារា​ចម្រៀង​លោក ទិ​ត្យ វិច្ឆិកា បែរ​ជា​ដាក់​ជំហរ​យ៉ាង​ដាច់​ណាត់​ថា​មិន​ទទួលយក​ទេ ។​ ​ក្នុង​បទ​សម្ភាសន៍​តាម​ទូរ​សព្ទ​ជាមួយ​VOD  កាលពី​ថ្ងៃ​ទី​២៧ មេសា លោក ទិ​ត្យ វិច្ឆិកា បានឲ្យដឹងថា កិច្ច​សំណេះសំណាល​ដែល​លោក​ចូល​សម្ភាសន៍​ក្នុង​កម្មវិធី​តុ​បំភ្លឺ​កាលពី​សប្ដាហ៍​មុន មិនមែន​ដើម្បី​ស្វែងរក​ការសណ្ដោស ឲ្យមាន​ឱកាស​ឡើង​ឆាក​ទូរទស្សន៍​ដូច​អំឡុង​១០​ឆ្នាំ​មុន​នោះ​ទេ ។ លោក​ថា កិច្ចសម្ភាសន៍​នោះ​គឺ​គ្រាន់តែ​ចង់​លាតត្រដាង​ឲ្យ​មនុស្ស​ទូទាំង​ប្រទេស​កម្ពុ​ជា​ដឹងថា តើ​ជីវិត​របស់​លោក​បាន​ទទួល​ទណ្ឌកម្ម​បែបណា​ប៉ុណ្ណោះ ក្រោយ​ការដាក់​សម្ពាធ​ព្រោះតែ​ការរិះគន់ ។ លោក​និយាយថា «​សម្រាប់​ខ្ញុំ ទោះ​មាន​អ្នកណា​ហៅ​ខ្ញុំ​ឡើង​ប៉ុស្ដិ៍​ក៏​ខ្ញុំ​អត់​ឡើង​ច្រៀង​ដែរ ព្រោះ​ខ្ញុំ​ងើបឈរ​បាន​ហើយ​ពេលនេះ អត់​ត្រូវការ​ការ​អាណិត​ឲ្យ​ឡើង​ប៉ុស្ដិ៍​ទៀត​ទេ ខ្ញុំ​ដើរ​ផ្លូវ​របស់​ខ្ញុំ​បាន​»​។​

    [អានបន្ត]
  • ជ័យលាភីលេខ២​កម្មវិធី​​ផ្កាយ​រះ​ក្នុង​សួន ជ័យ សុវ៉ាត រក​ឃើញ​ទ្រនំ​ផលិតកម្ម​

    ថ្ងៃសុក្រ ទី24 មេសា 2015, 09:17 AM

    នៅ​ទីបំផុត​បេក្ខភាព​​ជា​កូន​កំព្រា​ឪពុក​ម្ដាយ​ដែល​ជាប់​ចំណាត់​ថ្នាក់​លេខ​២​ក្នុង​កម្មវិធី​​ផ្កាយ​រះ​ក្នុង​សួន​កាលពីជំនាន់​ទី​១ ​លោក ​ជ័យ សុវ៉ាត បាន​​ក្លាយ​ជា​តារា​ចម្រៀង​អាជីព​ហើយ តាម​រយៈ​ឱកាស​កុងត្រា​​បើក​ឆាក​ក្នុង​ផលិត​​កម្ម​ថ្មីមួយ។ ទោះ​​មិន​សូវ​រំពឹង​ពី​ការ​ប្រកួត​ប្រជែង​ខ្ពស់ធៀប​នឹង​តារា​ប្រុស​ក្នុង​ផលិតកម្មធំៗ​ ក៏​ទ្រនំ​ដែល​លោក​​​ទើប​នឹង​ជ្រក​កោន ពិត​ជា​ជួយ​ឲ្យ​តារា​ចម្រៀង​រូប​នេះ ​កញ្ឆក់​បាន​ទីផ្សារ​លេច​ធ្លោ។ ផលិតកម្ម​ដែល​ ជ័យ សុវ៉ាត់ ទើប​នឹង​​ចូល​កុងត្រា​​នោះ មាន​ឈ្មោះ​ថាMega Studio MN  ដោយ​ក្រៅ​ពី​​​​​​មាន​យុទ្ធ​សាស្ត្រ​ប្រជែង​​​​​ក្នុង​វិស័យ​ចម្រៀង​ ក៏​នឹង​គ្រោង​​ផលិត​ខ្សែ​ភាព​យន្ត ​​​​ផលិត​ស្ពត និង​​រៀប​ចំ​កា​រប្រគំតន្ត្រី​ដូច​គ្នា​នឹងផលិត​​កម្ម​ថោន សាន់​ដេ និង​ហង្ស​មាស​ផងដែរ​។ ​កិច្ច​ចរចារវាង​លោក និង​ផលិតកម្ម ​​ទើប​នឹង​បាន​សម្រេច​ស្រេច​បាច់​​​​​​នៅ​ប៉ុន្មាន​ថ្ងៃ​មុន​​ចូល​ឆ្នាំ​ខ្មែរ​ប៉ុណ្ណោះ  និង​ទើប​ដំណើរ​ការ​ថត​ចម្រៀង​ផ្លូវ​ការ​កាល​ពី​ប៉ុន្មាន​ថ្ងៃ​ចុង​ក្រោយ​។ លោក​ជ័យ សុវ៉ាត​និយាយ​ថា«​​​​តាំង​ពី​ជាប់​​កម្មវិធី​ផ្កាយ​រះ​ក្នុង​សួន មាន​ផលិតកម្ម​ច្រើន​ទាក់​ទង​ឲ្យ​ខ្ញុំ​កុង​ត្រា ប៉ុន្តែ​ខ្ញុំ​ទើប​តែ​​ពេញ​ចិត្ត​នឹង​លក្ខណ្ឌ​របស់​​ផលិតកម្មហ្នឹង ទី១​គាត់​ថ្មី​មែន ប៉ុន្តែ​ម្ចាស់​ក្រុម​ហ៊ុនគឺ​ជា​ឧកញ៉ាហ៊ាន​បោះ​ទន់​ច្រើន ហើយ​គោលការណ៍ និង​ប្រព័ន្ធ​ការងារដែល​ខ្ញុំ​​បាន​ឃើញ​ក៏​ធ្វើ​ឲ្យ​ខ្ញុំ​កក់​ក្ដៅដូច​គ្នា​!»។ លោក​បាន​យល់​ព្រម​ទទួល​កុងត្រាពេញ​​រយៈ​ពេល​​​៣​ឆ្នាំ​ ដោយ​​ថត​បាន​​ចម្រៀង​​៤​បទ​ហើយ រួម​មាន​បទ​«ដកបេះដូង​ពីអូន» បទ​«ព្រោះ​បង​មិន​ចេះ​ញ៉ែ» បទ​​«ទឹក​ភ្នែក​មនុស្ស​ក្បត់» និង​បទ​សង្សារ​អតីត»។ ​បទទាំង​នេះសុទ្ធ​តែ​ជា​បទ​​​និពន្ធ​ថ្មី និង​​មាន​លំនាំ​ភ្លេង​ថ្មីទាំង​អស់ ដោយ​មិន​​​​​ចម្លងចម្រៀង​ពី​ប្រទេស​ណា​ឡើយ​។ លោក​បាននិយាយ​ថា​ត្រង់​ហ្នឹង​ហើយ​ដែល​ធ្វើ​ឲ្យ​លោក​ពេញ​ចិត្ត រហូតទទួល​យក​កុងត្រា​ដល់​ទៅ​៣​ឆ្នាំ បើ​ទោះ​ជា​ដឹង​ថា​ការ​​​ចូល​ខ្លួន​ធ្វើ​ជា​តារា​ចម្រៀង​ មិន​អាច​ឲ្យ​លោក​មាន​សេរីភាព​គ្រប់​គ្រាន់​​ក្នុង​ការ​ទទួល​ច្រៀង​​តាម​ខេត្ត​ក្រុង ដូច​ដែល​លោក​ធ្លាប់​ធ្វើ​ប្រចាំ​ថ្ងៃ​។ ​បេក្ខភាព​​លេខ​២​ប្រចាំ​​វេទិកាផ្កាយរះ​ក្នុង​សួន​​ជំនាន់​ទី​១​រូបនេះ​និយាយ​ថា«​​​លក្ខខណ្ឌ​របស់​​ផលិត​កម្ម​ហ្នឹង​មាន​ច្រើន ប៉ុន្តែ​ខ្ញុំ​​អាច​ទទួល​យក​បាន! ហើយ​​អ្វី​ដែល​ខ្ញុំ​​សប្បាយ​ចិត្ត គឺ​គាត់​​ជួលអ្នក​ជំនាញ​​ឲ្យ​​​ផលិតបទ​ថ្មី​​ឲ្យ​ខ្ញុំ  ​ហើយ​សន្យា​ចេញ​បទ​​​ឲ្យ​ខ្ញុំ​យ៉ាង​តិច​​ពី៣ ទៅ​៤​បទ​​ក្នុង​មួយ​ខែ​។ ជាក់​ស្ដែង​បទ​របស់​ខ្ញុំ​ដែលទើប​​នឹង​​បាន​ថត​​ទាំង​៤​ហ្នឹង គាត់​ថា​​​នឹង​​​​ចេញ​ជា​ឌីស​មិន​ហួស​ពី​កន្លះ​ខែ​​ក្រោយ​​ទៀត​ទេ!»។ លោក ​ជ័យ សុវ៉ាត (រូបថតផ្តល់ឲ្យ) ជា​មួយ​​​ការ​សរសើរ​ពី​លក្ខខ​ណ្ឌ​របស់​ទ្រនំ​ដំបូង ​លោក​ក៏​អះ​អាង​ថា​ផលិតកម្ម​Mega Studio MN  ក៏​មាន​យុទ្ធសាស្រ្ត​​ធ្វើ​​កិច្ច​សហប្រតិបត្តិការណ៍​ជា​មួយ​បណ្ដា​ផលិតករ​ទូរទស្សន៍ ដើម្បី​បញ្ជូន​តារា​ចម្រៀង​កុង​ត្រា​រួម​មាន​លោក​ផង ​ឲ្យ​បាន​បង្ហាញ​ខ្លួន​លើ​​ឆាក​ទូរទស្សន៍​​មិន​​ឲ្យ​ស្ងប់​ស្ងាត់​ទីផ្សារ​ផងដែរ​។ តាម​រយៈ​​ការ​បញ្ជាក់​នេះ មាន​ន័យ​ថា​​លោក​ ​ជ័យ សុវ៉ាត លែង​ជា​​​តារា​ចម្រៀង​តែលតោល​ទៀតហើយ ​បន្ទាប់​ពី​លោក​​​ត្រូវ​បាន​មហាជន​ស្គាល់​ច្បាស់​ដូចថ្ងៃ តាម​រយៈ​ការ​ប្រកួត​​ប្រជែង​ដ៏​ស្វិត​​ស្វាញ​ក្នុង​កម្មវិធី​​ផ្កាយ​រះ​ក្នុង​សួន​ជំ​នាន់​​ទី​១​ កាល​ពី​ឆ្នាំ​២០១៣​។ ​មាន​ការ​រំពឹង​ថា​កេរ្តិ៍​ឈ្មោះ​របស់​កូនកំព្រា​រូប​នេះ នឹង​រះ​ត្រដែត ​​បើ​ទោះ​ជា​​តារា​ប្រុស​កាន់​តែ​ច្រើន ពិសេស​ក្នុង​ផលិតកម្ម​ធំ​រួម​មាន​ ​ថោន ហង្ស​មាស និង​សាន់​ដេ កាន់​តែ​​ប្រជ្រៀត​គ្នា​​ក្នុង​សិល្បៈ​ក្ដី​។ តារា​រូប​នេះ​និយាយ​ថា«​ខ្ញុំ​ជឿ​​ជាក់​លើ​យុទ្ធសាស្រ្ត​របស់​គាត់ ​​​​ព្រោះ​ក្រៅ​ពី​​​មាន​ផែន​ការ​​ធ្វើ​​ឲ្យ​វិស័យ​ចម្រៀង​ខ្លាំង​ក្លា​សម្រាប់​តារា​ម្នាក់​ៗ​ គាត់​ក៏​​​​​​​បញ្ចេញ​យុទ្ធ​សាស្រ្ត​ផលិត​កុន​​ដាក់​បញ្ចាំង​តាម​រោង និង​​តាម​កញ្ចក់​ទូរទស្សន៍​ដូច​គ្នា​ ក្នុង​​ពេល​ដ៏​ខ្លី ហើយ​គាត់​​បាន​​និយាយ​ហើយ​ថា នឹង​ទុក​បទ​មេៗ​ឲ្យ​ខ្ញុំ!»។ ​ក្រៅ​ពី​វត្តមាន​របស់​​លោក ​ផលិតកម្មនេះក៏​ប្រមូល​យក​​តារា​ចម្រៀង​ក្មេងៗ ដែល​ជាប់​​ចំណាត់​ថ្នាក់​ពី​កម្មវិធី​ប្រឡ​ង​ចម្រៀង​ផ្សេង​ៗ ​មក​ធ្វើ​ជា​សមាជិក​ផងដែរ ដោយ​មាន​ការ​រំពឹង​ថា​នឹង​មាន​សន្ទុះ​​នៅ​ពេល​ចេញ​ស៊ីឌី និងវីស៊ីឌី ពិសេស​​​តាម​រយៈ​យុទ្ធ​សាស្រ្ត​បញ្ជូន​តារា​ឡើង​ឆាក​ទូរទស្សន៍​។ ​VOD មិន​ទាន់​អាច​ទាក់​ទង​​តំណាង​​ក្រុម​ហ៊ុនបាននៅឡើយ​ទេ ពាក់​ព័ន្ធ​នឹង​គោល​ជំហរ​របស់​ផលិតកម្ម និង​ការ​ជ្រើស​យ​ក​តារា​រូប​នេះ​​ធ្វើ​ជា​តារា​ចម្រៀង​កុងត្រា។​ អានអត្ថបទ....  លោកតា វ៉ិ​ចទ័​រ ដើរ​​តួឯកក្នុង​ភាពយន្ត​ខ្នាត​ធំ​   ​ឆោម ឆ​ពុំ បាន​កូនប្រុស​ទី​២   ​សេន រ៉ា​នុត បួស​លាបំណន់​   ម៉េង កែវពេជ្ជតា ជះ​កំហឹង​​​បក​​ស្រាយ​រឿង​អាស្រូវ​បោកប្រាស់លុយ  សូម​បញ្ជាក់​ថា លោក​ជ័យ សុវ៉ាត គឺ​ជា​បេក្ខភាព​កូន​កំព្រា​​ទាំង​ឪពុក​ទាំង​ម្ដាយ ដែល​ជាប់​ចំណាត់​ថ្នាក់​លេខ​២ ក្នុង​​កម្មវិធី​ផ្កាយរះ​ក្នុង​សួនជំនាន់​ទី​១​។ ​លោក​ជា​បេក្ខជន​​តែ​ម្នាក់​គត់ដែល​ទទួល​បាន​​គាំទ្រ​​ខ្លាំង​ក្លា​ជាង​គេ ក្នុង​ពេល​​ការ​ប្រកួត​ប្រជែងចុងក្រោយ​​រវាង​លោក និង​ បេក្ខនារី ​ហ៊ិន លីដា ថា​អ្នក​ណា​ជា​ម្ចាស់​ពាន​​។ ​ក្រៅ​ពី​អាច​​បក​ស្រាយ​​នូវ​បទ​ចម្រៀង​​សម័យ​ថ្មី​ទាំង​ញាក់ និង​មនោសញ្ចេតនា​​បាន​ពីរោះ លោក​ក៏​មាន​សំឡេង​អាច​ច្រៀង​បទយីកេ, មហោរី, ​​បទ​ភ្លេង​ការ និង​បទ​ពី​សម័យ​ដើម​​បាន​ល្អ​ផង​ដែរ​។ អ្វី​ដែល​គួរ​ឲ្យ​​ភ្ញាក់​ផ្អើល លោក​គឺ​ជា​បេក្ខភាព​ដែល​អា​ច​​​​​ពត់​សំឡេង​ស្ទើរដូច​ម្ចាស់​ដើមបេះ​បិត តាម​លំនាំ​សំឡេង​របស់​ណាំ ប៊ុនណា​រ័ត្ន លោក ​ណុប បាយ៉ារិទ្ធិ ​លោក ​ករុណា ពេជ្រ និង​តារា​ចម្រៀង​​​មួយ​ចំនួនទៀត​ ក្នុង​ពេល​ស្ថិត​ក្នុង​ការ​ប្រឡ​ង​ចម្រៀង​ក្នុង​កម្មវិធី​ ផ្កាយ​រះ​​ក្នុង​សួន​​ ទម្រាំ​​​ឈាន​ដល់​ចំណាត់​ថ្នាក់​រង​៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com      

    [អានបន្ត]
  • លោកតា វ៉ិ​ចទ័​រ ដើរ​​តួឯកក្នុង​ភាពយន្ត​ខ្នាត​ធំ​

    ថ្ងៃអង្គារ ទី21 មេសា 2015, 10:10 PM

    ​បន្ថែម​ពីលើ​កេរ្តិ៍ឈ្មោះ​ល្បីល្បាញ​ក្នុង​ការដឹកនាំ​កម្មវិធី​កម្សាន្ត​នៅ​ទូរទស្សន៍​CTN  និង​My TV  លោក​សុវណ្ណ ឫទ្ធី ហៅ​លោក​តាវ៉ិ​ចទ័​រ បាន​ហក់​មក​សម្ដែង​ក្នុង​ខ្សែរ​ភាពយន្ត​របស់​ផលិតកម្ម​LD គួរឲ្យភ្ញាក់ផ្អើល ។ នេះ​ជា​ស្នាដៃ​បើកឆាក​ដំបូងបង្អស់​របស់លោក ចាប់តាំងពី​លោក​ធ្វើឲ្យ​ក្រុម​សម្ដែងពែ​កមី ខ្ទរខ្ទារ​ពេញ​ផ្ទៃ​ប្រទេស​។ ​ខ្សែ​រឿង​ដែល​លោក​សម្ដែង​ជា​តួឯក​នេះ​មាន​ចំណងជើង​ថា «2 Fathers» ឬ​«​ឪពុក​ទាំង​២» ដែល​និពន្ធ​សាច់​រឿង​ដោយ​លោក ចែម ច័ន្ទដ៉ារ៉ា ហៅ​ពែ​ក​មី និង​ផលិត​ដោយ​ផលិតកម្ម​LD  ដែល​ជា​ផលិតកម្ម​ល្បី​មួយ ក្នុង​វិស័យ​ភាពយន្ត​ខ្មែរ ។ នេះ​ជា​ស្នាដៃ​ទី​២​របស់​លោក​ពែ​កមី បន្ទាប់​ពី​រឿង «2 Brothers » ទទួលបាន​ជោគជ័យ​យ៉ាង​ខ្លាំង​​កាលពី​អំឡុង​ឆ្នាំ​មុន ។ លោក​ពែ​កមី ជា​អ្នកនិពន្ធ​ឲ្យដឹងថា ខ្សែ​រឿង «​ឪពុក​ទាំង​២» នឹង​ដំណើរការ​ផលិត​ចាប់ពី​ដើម​ខែ​ឧសភា​តទៅ ដោយ​គ្រោង​ប្រើពេល​៣៤​ថ្ងៃ ទៅ​មួយ​ខែ​កន្លះ និង​ចំណាយ​ថវិការ​យ៉ាង​ហោច​៥​ម៉ឺន​ដុល្លារ លើស​ពី​រឿង​ទី​១​ពីរដង ។ ខ្សែ​រឿងនេះ​នឹង​ត្រូវ​កាត់ត​ឲ្យបាន​រួច​ស្រេច ហើយ​ដាក់​បញ្ចាំង​នៅ​អំឡុង​ខែ​មិថុនា​ខាង​មុខ ដើម្បី​ជា​ការ​ស្ទាបស្ទង់​ទីផ្សារ​ក្នុង​វិស័យ​ភាពយន្ត​ជា​លើក​ទី​២ ។​

    [អានបន្ត]
  • ​ឆោម ឆ​ពុំ បាន​កូនប្រុស​ទី​២

    ថ្ងៃអង្គារ ទី21 មេសា 2015, 09:21 AM

    ​ផ្ទុយ​ពី​មាន​ការលើកឡើង​ថា អ្នកនាង ​ឆោម ឆ​ពុំ និង​ស្វាមី ដំឡើងឫក​លែង​ផ្ដល់​សម្ភាសន៍​ឲ្យ​អ្នកសារព័ត៌មាន​ពាក់ព័​ន្ធ​ពី​ជីវិត​ឯកជន ភាគី​លោក​អ៊ុក ណា​រី​ម បាន​អះអាង​ថាពួកលោក​នៅ​តែ​ស្វាគមន៍​ចំពោះ​ការសម្ភាសន៍​។ ជាមួយ​ការ​ឆ្លងឆ្លើយ​តាម​ទូរស័ព្ទ ដោយ​ភាព​រួសរាយ​រាក់ទាក់ លោក​ក៏​អះអាងថា ខ្លួន និង​ភរិយា​បង្កើត​បាន​កូនប្រុស​ទី​២​ហើយ ក្រោយ​បាន​រៀបការធ្វើ​ឲ្យ​​ផ្អើល​មហាជនកាល​ពី​ចុង​ខែ​មិថុនា ឆ្នាំ​២០១២ ព្រោះ​លោក​នាយករដ្ឋមន្ត្រី ហ៊ុន សែន និង​ភរិយា បានចេញមុខ​ធ្វើជា​អ្នក​ចាត់ចែង​ឲ្យ ។​ ​លោក អ៊ុក ណា​រី​ម លើកឡើងថា មួយរយៈ​ដែល ឆោម ឆ​ពុំ បាត់​មុខ​គឺ​មិន​បាន​កាត់ផ្ដាច់​ពី​ការងារ​សិល្បៈ ចេញ​ទៅ​ច្រៀង​ឯ​ណា​ម្នាក់​ឯង​ដូច​ការយល់ច្រឡំ​នោះទេ ពោល​គឺ​ដោយសារតែ​ជាប់​ភារៈ​មើល​កូន​ទី​១ ហើយ​ក៏​បន្ត​យក​កូន​ទី​២​ជាប់​គ្នា​តែម្ដង ដែល​នាំ​ឲ្យ​អ្នក​នាងទៅ​ណា​ក៏​មិនកើត ហើយ​ធីប​ចោល​សិល្បៈ​ស្ទើរ​ទាំងស្រុង​នោះ ប៉ុណ្ណោះ​។ អ្នកនាង​ទើប​សម្រាល​បាន​កូនប្រុស​ទី​២ កាលពី​ជិត​៣​ខែ​មុន និង​ទើប​បង្ហាញមុខ​ច្រៀង​រាំ​កាលពី​អំឡុង​បុណ្យចូលឆ្នាំ​ខ្មែរ ។​

    [អានបន្ត]

ព័ត៌មានផ្សេងៗ

ព័ត៌មានប្រចាំថ្ងៃ

មើលព័ត៌មានប្រចាំថ្ងៃទាំងអស់
  • គណៈកម្មការទី១នៃរដ្ឋសភាស្នើលោក សាយ សំអាល់ ដោះស្រាយជម្លោះដីធ្លីនៅកោះកុង (វីដេអូ) ថ្ងៃអង្គារ ទី5 ឧសភា 2015, 05:54 PM
  • តើអ្នកណាសមជានាយករដ្ឋមន្រ្តីនៅអាណត្តិទី៦ ឆ្នាំ២០១៨? (វីដេអូ) ថ្ងៃអង្គារ ទី5 ឧសភា 2015, 12:02 PM
  • ប្រជាពលរដ្ឋយល់ដឹងតិចតួចពីលុយដុល្លាក្លែងក្លាយ (វីដេអូ) ថ្ងៃអង្គារ ទី5 ឧសភា 2015, 11:00 AM
  • ប្រទេសហ្វីលីពីននិងចិនមានជម្លោះលើទឹកដីនៅក្នុងសមុទ្រចិនភាគខាងត្បូង (វីដេអូ) ថ្ងៃអង្គារ ទី5 ឧសភា 2015, 10:04 AM
  • អ្នកភូមិជនបទដាច់ស្រយាលនៃប្រទេសនេប៉ាល់នៅតែរង់ចាំជំនួយក្រោយការរញ្ជួយដីមួយសប្តាហ៍ (វីដេអូ) ថ្ងៃអង្គារ ទី5 ឧសភា 2015, 09:58 AM
  • ឆ្មាំសមុទ្រអឺរ៉ុបបានជួយសង្គ្រោះជនអន្តោរប្រវេសន៍ចំនួន៩០០នាក់ (វីដេអូ) ថ្ងៃអង្គារ ទី5 ឧសភា 2015, 09:47 AM

ព័ត៌មានកីឡា

មើលព័ត៌មានកីឡាទាំងអស់
  • ​​​ Pacquiaoនិយាយ​ថា​លោក​មិន​អាច​ប្រើ​ដៃ​ស្តាំ​បាន​ល្អ ដោយ​សារឈឺស្មា

    ថ្ងៃចន្ទ ទី4 ឧសភា 2015, 10:46 AM

    កីឡាករ​ហ្វីលីពីនManny Pacquiao បាន​និយាយថា​ខ្លួន​មាន​របួស​ស្មាខាងស្តាំ ដែល​ធ្វើ​​ឲ្យ​លោក​មិន​អាច​ប្រើ​ដៃ​ខាង​ស្តាំ​បានល្អ ពេល​ប្រកួត​ជាមួយ​កីឡាករ​អាមេរិកFloyd Mayweather កាលពីថ្ងៃអាទិត្យ។ Floydបានយកឈ្នះPacquiao ​ដោយឈ្នះពិន្ទុ​ឯកច្ឆន្ទ​ ដែលធ្វើ​ឲ្យ​លោក​​នៅ​តែ​អាចរក្សា​កំណត់​ត្រា​មិន​ដែល​ចាញ់​ដដែល។​ ក្រោ​យ​ពី​ការ​ប្រកួត​១២ទឹក អាជ្ញាកណ្តាល​ចំនួន​៣រូប​បានប្រកាស​ថា​ពិន្ទុរបស់​កីឡាករទាំងពីរ​ គឺ​១១៨-១១០, ១១៦-១១២ និង១១៦-១១២ ដែល​បាន​ទៅ​កីឡាករ​​Floyd។ Pacquiao បាន​សម្រុក​វាយ​នៅលើ​សង្វៀន តែ​Floydព្យាយាម​​គេច និង​រកកន្លែង​វាយបក។ ការប្រកួតនេះ​ Floydបាន​បម្លាស់ទីច្រើននៅលើសង្វៀន ដើម្បី​គេច​ពីការវាយ​របស់​កីឡាករManny។​ សារព័ត៌មាន​BBCបាន​ដកស្រង់សម្តី​របស់Pacquiao​ក្នុង​សន្និសីទសារព័ត៌មាន​មួយថា​Pacquiaoបាន​បន្ទោស​​របួសស្មា​ស្តាំ​របស់​លោក ដែល​ធ្វើ​ឲ្យ​លោក​មិន​អាច​យក​ឈ្នះ​Floydបាន។ បើតាម​សារព័ត៌មាន Pacquiaoចង់​ឲ្យ​មាន​ការ​ចាក់ថ្នាំ​លើ​ស្មាមុន​ពេល​ប្រកួត ប៉ុន្តែ​គណៈ​កម្មការ​ប្រកួត​របស់​រដ្ឋNevadaបាន​បដិសេធមិន​ឲ្យ​ចាក់ថ្នាំ។​ លោក Bob Arum ដែល​ជា​អ្នក​រៀបចំ​ការ​ប្រកួតសម្រាប់​កីឡាករ​Pacquiao មានប្រសាសន៍ថា​លោក​បាន​ប្រាប់​ទៅ​គណៈកម្មការពី​របួស​ស្មាស្តាំនេះ ៥ថ្ងៃ​មុន​ការ​ប្រកួត។​​ ក្រោយ​ពី​ការ​ប្រកួត​ កីឡាករManny Pacquiaoបាននិយាយ​ថា​លោក​គិត​លោក​ឈ្នះ​ការ​ប្រកួត​នេះ ដោយ​សារ​Floydមិន​បាន​វាយ​អ្វី​ច្រើន​នោះ​ទេ។​ អ្នក​តាមដានការប្រកួត​ភាគច្រើ​ន​នៅកម្ពុជា​បាន​រិះគន់​ការ​ដាក់​ពិន្ទុឲ្យ​កីឡាករ​Floyd ឈ្នះ​ការ​ប្រកួតនេះ​​។​ ការប្រកួត​រវាង​កីឡាករទាំងពីរ​ជា​ការ​ប្រដាល់​ប្រចាំ​សតវត្សរ៍មួយ ​ក្រោយ​ពី​មាន​ការ​ផ្គូរផ្គង​អស់​រយៈ​ពេលជាង​​៥ឆ្នាំ។​ ខ្សែក្រវ៉ាត់ចំនួន​បីត្រូវ​បានដាក់​​សម្រាប់​ការ​ប្រដាល់នេះ ដែល​ខ្សែ​ក្រវ៉ាត់ចំនួន​ពីរ​មក​ពី​Floyd គឺWBA, WBC និង WBO welterweightមកពីPacquiao៕ សរសេរមកកាន់លោក ស៊ុន ណារិន តាមរយៈsun_narin@vodhotnews.com

    [អានបន្ត]
  • ជើង​ខ្លាំង​ថៃ ធ្វើឲ្យ ឯម លី​ថូ វារ​លើ​រេញ​

    ថ្ងៃចន្ទ ទី4 ឧសភា 2015, 08:20 AM

    ​ការ​ប្រដាល់​អន្តរជាតិ​កាលពី​ថ្ងៃអាទិត្យ ទី​២៦ ខែ​មេសា កីឡាករ ឯម លី​ថូ វារ​លើ​រេញ​តែម្ដង  ព្រម​ជាមួយ​នឹង​លទ្ធផល​ត្រដាបត្រដួស​នៅក្រោម​កណ្ដាប់ដៃ​ថៃ ។ ​ប្រមាណ​ជា​២​ទឹក​ដំបូង ជើង​ខ្លាំង​កម្ពុជា ឯម លី​ថូ ធ្វើ​បាន​ល្អ​យ៉ាង​ខ្លាំង ក្នុងជំនួប​ប៉ះ​កីឡាករ ថៃ​ឈ្មោះ យ៉​ត យុទ្ធ (Yort Yut) ។ ការ​ប្រដាល់​នៅលើ​សង្វៀន​ទូរទស្សន៍​អាស៊ី​អាគ្នេយ៍​នេះ អ្នក​ទាំង​ពីរ​មិនមែន​ជា​គូ​ជក់ចិត្ត​នោះទេ ប៉ុន្តែ​គឺជា​គូ​ស្ថិត​មាន​ការចាប់អារម្មណ៍​នៅ​វគ្គ​ចុងបញ្ចប់ ដោយសារ​តែ​ភាគី​បង្គោល​ក្រហម​របស់​កម្ពុជា ដែល​ជា​ជើង​ខ្លាំង និង​ល្បីឈ្មោះ​យូរ​ក្រែល​មកហើយ មិន​ត្រឹមតែ​បែក​កង់​កណ្ដាល​ទី​ប៉ុណ្ណោះ​ទេ គឺ​ថែមទាំង​វារ​លើ​រេញ ទម្រាំ​អាច​ចុះ​រួច​ទៀតផង​។​

    [អានបន្ត]
  • Floyd ឈ្នះPacquiao ​ ដោយ​ពិន្ទុ

    ថ្ងៃអាទិត្យ ទី3 ឧសភា 2015, 11:48 AM

    នៅទីបំផុត ​​កីឡាករ​អាមេរិកFloyd Mayweather នៅថ្ងៃអាទិត្យនេះ បាន​ផ្តួល​កីឡាករ​ហ្វីលីពីនManny Pacquiao ដោយឈ្នះ​​ពិន្ទុដោយ​ឯកច្ឆន្ទ​ ដែលធ្វើ​ឲ្យ​លោក​​នៅ​តែ​អាចរក្សា​កំណត់​ត្រា​មិន​ដែល​ចាញ់​ដដែល។​ ការប្រកួត​រវាង​កីឡាករទាំងពីរ​ជា​ការ​ប្រដាល់​ប្រចាំ​សតវត្សរ៍មួយ ​ក្រោយ​ពី​មាន​ការ​ផ្គូរផ្គង​អស់​រយៈ​ពេលជាង​​៥ឆ្នាំ។​ ការប្រកួតនេះ​ធ្វើ​ឡើង​នៅ​Las Vagas សហរដ្ឋអាមេរិក។ ក្រោ​យ​ពី​ការ​ប្រកួត​១២ទឹក ចៅក្រម​បានប្រកាស​ថា​ពិន្ទុរបស់​កីឡាករទាំងពីរ​ គឺ​១១៨-១១០, ១១៦-១១២ និង១១៦-១១២ ដែល​បាន​ទៅ​កីឡាករ​​Floyd។ Manny Pacquiao បាន​សម្រុក​វាយ​នៅលើ​សង្វៀន តែ​Floydព្យាយាម​​គេច និង​រកកន្លែង​វាយបក។ ការប្រកួតនេះ​ Floydបាន​បម្លាស់ទីច្រើននៅលើសង្វៀន ដើម្បី​គេច​ពីការវាយ​របស់​កីឡាករManny។​ ក្រោយ​ពី​ការ​ប្រកួត​ កីឡាករManny Pacquiaoបាននិយាយ​ថា​លោក​គិត​លោក​ឈ្នះ​ការ​ប្រកួត​នេះ ដោយ​សារ​Floydមិន​បាន​វាយ​អ្វី​ច្រើន​នោះ​ទេ។​ រូបថត​ដោយ​Wall Street Journal ខ្សែក្រវ៉ាត់ចំនួន​បីត្រូវ​បានដាក់​​សម្រាប់​ការ​ប្រដាល់នេះ ដែល​ខ្សែ​ក្រវ៉ាត់ចំនួន​ពីរ​មក​ពី​Floyd គឺWBA, WBC និង WBO welterweightមកពីPacquiao។ ចំណែក​កីឡាករ Floyd វិញ​ប្រកួត​បាន​៤៧​ដង ឈ្នះ​ទាំងអស់ ហើយ​បាន​ផ្ដួល​គូប្រកួត​ឲ្យ​សន្លប់​បាន​២៦​ដង​។ ប្រកួត​លើកចុងក្រោយ កីឡាករ Floydបាន​ផ្ដួល​កីឡាករ​សញ្ជាតិ​អា​ហ្សង់​ទីនMarcos Maidana។ ចំណែក​Many Pacquiao អាយុ​៣៦​ឆ្នាំ និង​កីឡាករ Floyd Mayweather អាយុ​៣៨​ឆ្នាំ ត្រូវបាន​គេ​ចាត់ទុកថា ជា​កីឡាករ​ខ្លាំង​បំផុត​សម្រាប់​សម័យកាល​របស់​ពួកគេ។ កីឡាករPacquiao ធ្លាប់​ប្រកួត​ឈ្នះ​៥៧​ដង ចាញ់​៥​ដង និង​ស្មើ​២​ដង ហើយ​ប្រកួត​លើកចុងក្រោយ​ឈ្នះ កីឡាករ​Algerie៕

    [អានបន្ត]
  • Pacquiao ជួប​នឹងFloyd នៅព្រឹកថ្ងៃ​អាទិត្យនេះ​

    ថ្ងៃអាទិត្យ ទី3 ឧសភា 2015, 07:52 AM

    កីឡាករ​ហ្វីលីពីន Many Pacquiao និង​កីឡាករ​អាមេរិក Floyd Mayweather នឹង​ជួប​គ្នា​នៅព្រឹកថ្ងៃ​អាទិត្យនេះ ដែ​លជា​ប្រដាល់ប្រចាំ​សតវត្សរ៍មួយ ​ក្រោយ​ពី​មាន​ការ​ផ្គូរផ្គង់​អស់​រយៈ​ពេលជាង​៥ឆ្នាំ។​ ការប្រកួតនេះ​ធ្វើ​ឡើង​នៅ​Las Vagas សហរដ្ឋអាមេរិក។ ការប្រដាល់​​​អាច​ចាប់ផ្តើម​នៅម៉ោង​ជាង​១១ព្រឹក ​ឬ​អាច​នៅ​ម៉ោង​១២ថ្ងៃត្រង់ ម៉ោងនៅកម្ពុជា។ ទូរទស្សន៍ស៊ីធីអ៊ិននឹង​ផ្សាយ​ផ្ទាល់​ការ​ប្រដាល់នេះ។​ ការប្រកួតនេះ​មានតម្លៃ​ប្រមាណ​២៥០លានដុល្លារ ដែល​ Floyd Mayweatherទទួល​បាន​១៥០លានដុល្លារ ហើយ​ Many Pacquiaoទទួលបាន​១០០លានដុល្លារ​។

    [អានបន្ត]
  • ឆាំ រ៉ែ​ម បែក​៨​ថ្នេរ ក្រោម​កណ្ដាប់ដៃ​ថៃ​

    ថ្ងៃចន្ទ ទី27 មេសា 2015, 07:53 AM

    ​ជំនួប​ដ៏​តានតឹង​រវាង​កីឡាករ ឆាំ រ៉ែ​ម និង​ជើង​ខ្លាំង​មក​ពី​ប្រទេស​ថៃ ភាគី​របស់​កម្ពុជា​បាន​ក្លាយជា​អ្នក​ខាត​ធ្ងន់ ។ ក្រៅពី​ចាញ់​នៅ​ចុង​ការប្រកួត កីឡាករ​កម្ពុជា​ក៏​ត្រូវ​ភាគី​ថៃ វាយ​ឲ្យ​បែក​២​កន្លែង ហើយ​ដេរ​រហូតដល់​៨​ថ្នេរ ផងដែរ ។​ ​ព្រឹត្តិការណ៍​អន្តរជាតិ ដែល​បាន​ធ្វើឡើង​កាលពី​ថ្ងៃអាទិត្យ​ទី​២៦ ខែ​មេសា​នោះ ធ្វើឲ្យ​អ្នកទស្សនា​ជក់ចិត្ត កក្រើក​រញ្ជួយ​សង្វៀន​ទូរទស្សន៍​អាស៊ីអាគ្នេយ៍​ខ្លាំង​គួរសម បន្ទាប់​ពី​កីឡាករ​កម្ពុជា ឆាំ រ៉ែ​ម និង​កីឡាករ​ថៃ Yorth Thanong  បង្កើន​សកម្មភាព​បញ្ឆេះ​ម៉ាស៊ីន​ដើម្បី​វាយលុក​ដាក់គ្នា ។ ភាគី​ម្ខាងៗ​សុទ្ធតែ​ពូកែ​ម៉ាត់ និង​កែង​ស្មើគ្នា ដោយ​សូម្បី​តែ​ស្នៀត​ទាត់​ធ្វេង​ទាត់​ស្ដាំ ក៏​មាន​កម្រិត​ប្រឈម​គ្នា​មិន​អន់​ដែរ ។ ក្នុងពេល​ឆាកប្រយុទ្ធ​កាន់តែ​ឡើង​កម្ដៅ បង្គោល​ខៀវ​មកពី​ទីក្រុង​បាងកក ហាក់​មាន​ឱកាស​ល្អ​ជាង អាច​វ័ធ​បំបែក​ត្រង់​ចិញ្ចឹម​ខាងធ្វេង​របស់​កីឡាករ​កម្ពុជា ធ្វើ​ឲ្យ​បែក​រយះ ហើយ​ហូរឈាម​ដូច​គេ​ស្រោច​តែម្ដង ក្នុង​ទឹក​ទី​២ ។ បើ​កុំ​តែ​ស្នូរ​ជួង​បន្លឺ​ឡើង​ឲ្យ​ភាគី​ទាំង​ពីរ​ឈប់សម្រាក ប្រហែល​ជា​អ្នក​មាន​របួស នឹង​ស៊ូ​មិន​ដល់​ទឹក​បន្ត​នោះ​ឡើយ ក្នុងពេល​ដែល​កីឡាករ​ថៃ ក៏​ហាក់​សំដៅ​តែ​ត្រង់​ស្នាម​រយះ ដើម្បី​បំបុក​យកឈ្នះ​លើ​កីឡាករ​កម្ពុ​ជា​។​

    [អានបន្ត]
  • ​សំបុត្រ​ទស្សនា​ការប្រកួត​រវាង Pacquiao និង Floyd លក់​អស់​តែ​ប៉ុន្មាន​នាទី​ក្រោយ​ដាក់លក់​

    ថ្ងៃសុក្រ ទី24 មេសា 2015, 06:30 PM

    ​សំបុត្រ​ចូល​ទស្សនា​ការប្រកួត​ប្រដាល់​រវាង​កីឡាករ​ហ្វីលីពីន Many Pacquiao និង​កីឡាករ​អាមេរិក Floyd Mayweather លក់ដាច់​អស់​តែ​ប៉ុន្មាន​នាទី​បន្ទាប់ពី​ការដាក់​លក់ ហើយ​ភ្លាមៗ​នោះ​វេបសាយ​មួយចំនួនបា​ន​ដាក់​លក់​សំបុត្រ​ក្នុងតម្លៃ​ខ្ពស់​ដល់​១៤១ ០០០ ដុល្លារ ។ នេះ​បើ​យោង​តាម​សារព័ត៌មាន​BBC ។​ ​ពេលវេលា​នៃ​ការប្រកួត​រវាង​កីឡាករ​ទាំងពីរ​ត្រូវបាន​កំណត់​តាំងពី​ខែ​កុម្ភៈ​មក​ម្លេះ តែ​កិច្ចសន្យា​នៃ​លក់​សំបុត្រ​ចូល​ទស្សនា​ការប្រកួត​វិញ​ទើបតែ​បាន​បញ្ចប់​នៅក្នុង​សប្ដាហ៍​នេះ​។ សំបុត្រ​ចូល​ទស្សនា​ចាប់ផ្ដើម​លក់​ជា​ផ្លូវការ​កាលពី​ថ្ងៃ​ព្រហស្បតិ៍ នៅ​វេបសាយ MGM Grand  និង​ក្រុមហ៊ុន​លក់​សំបុត្រ Ticketmaster ។​

    [អានបន្ត]

ព័ត៌មានផ្សេងៗ

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To