របាយការណ៍សមត្ថកិច្ចបង្ហាញថា យ៉ាងហោចណាស់ផ្ទះរបស់ប្រជាពលរដ្ឋចំនួន២១ខ្នងនៅក្នុងខេត្តបន្ទាយមានជ័យរងការខូចខាត ដោយសារខ្យល់កន្ត្រាក់កាលពីយប់ថ្ងៃទី១៥ និង នៅថ្ងៃទី១៦ខែមីនា។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា យប់រំលងអធ្រាត្រឈានចូលថ្ងៃទី១៦ខែមីនានេះ ភ្លៀងខ្យល់នៅស្រុកម៉ាឡៃបណ្តាលឲ្យខូចខាតផ្ទះពលរដ្ឋអស់ចំនួន១២ខ្នង ចំណែកថ្ងៃសុក្រម្សិលមិញខ្យល់បានបំផ្លាញផ្ទះនៅស្រុកថ្មពួកអស់៩ខ្នង។
របាយការណ៍បង្ហាញថា ផ្ទះដែលខូចខាតភាគច្រើនជាផ្ទះតូចៗ ប្រក់ស័ង្កសី។ ហេតុការណ៍នេះមិនបណ្តាលឲ្យប៉ះពាល់ដល់អាយុជីវិតប្រជាពលរដ្ឋនោះទេ។