ចិនព្រមបើកទឹកឲ្យកម្ពុជានិងប្រទេសតំបន់មេគង្គក្រោមប្រើប្រាស់

រដ្ឋាភិបាលកម្ពុជា អះអាងថាប្រទេសចិនបានយល់ព្រមបើកបង្ហូរទឹកពីទំនប់វារីអគ្គិសនីជីនហុង (Jinhong Hydro-power Station) ខេត្តយូណាន ចូលមកទន្លេមេគង្គក្រោមចាប់ពីថ្ងៃទី១១ ខែមេសា ឆ្នាំ២០១៦ នេះដោយអះអាងថាដើម្បីជួយសម្រាលផលប៉ះពាល់ដែលបណ្តាលមកពីគ្រោះរាំងស្ងួតមកលើបណ្តាប្រទេសតំបន់មេគង្គក្រោមរួមទាំងកម្ពុជាផងដែរ។

ក្នុងសេចក្តីប្រកាសព័ត៌មានក្រសួងការបរទេសនិងសហប្រតិបត្តិការអន្តរជាតិបានហៅថា ការបើកបង្ហូរទឹកចូលមកទន្លេមេគង្គនេះថាបានបង្ហាញជាថ្មីម្តងទៀតពី ”កិច្ចសហប្រតិបត្តិការដ៏ល្អលើការគ្រប់គ្រងធនធានទឹករវាងបណ្តាប្រទេសមេគង្គនិងចិន”។

បើតាមក្រសួងការបរទេសកម្ពុជាគឺចិនធ្លាប់បានបើកបង្ហូរទឹកចំនួនពីរលើករួចមកហើយក្នុងរវាងពីខែមករាដល់ ថ្ងៃទី១០ខែមេសាឆ្នាំ២០១៦នេះសំរាប់ការប្រើប្រាស់បន្ទាន់របស់ប្រទេសបណ្តាប្រទេសតំបន់មេគង្គក្រោម៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ