ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានអន្តរាគមន៍ជួយពលករ-ពលការិនីខ្មែរចំនួន៤នាក់ដែលបានទៅធ្វើការនៅប្រទេសម៉ាឡេស៊ី ហើយជួបប្រទះនឹងការលំបាកក្នុងការងារអោយបានវិលត្រលប់មកកម្ពុជាវិញ។
ក្នុងសេចក្តីប្រកាសព័ត៌មានរបស់ក្រសួងការបរទេសនិងសហប្រតិបត្តិការអន្តរជាតិនៅថ្ងៃនេះបានឲ្យដឹងថា ពលករ-ពលការនី៤នាក់នោះនឹងមកដល់អាកាសយាន្តដ្ឋានអន្តរជាតិភ្នំពេញនៅម៉ោង៧និង៣៥នាទីព្រឹកថ្ងៃសៅរ៍ទី២៥ខែមិថុនាស្អែកនេះ។
សេចក្តីប្រកាសបញ្ជាក់ថាពលករ-ពលការនីទាំងនោះមកពីខេត្តត្បូងឃ្មុំ ខេត្តកំពង់ធំ និងរាជធានីភ្នំពេញ៕