តាមអាជ្ញាធរមូលរដ្ឋាន សត្វដំរីចំនួន១២ក្បាលទាំងមេនិងកូន បានជាប់ផុងក្នុងរណ្តៅភក់មួយកន្លែងដែលបន្សល់ទុកពីការទម្លាប់គ្រាប់បែកសម័យសង្រ្គាមនៅភូមិអូរអាម ឃុំស្រែខ្ទម ស្រុកកែវសីមា ខេត្តមណ្ឌលគិរី នៅថ្ងៃសៅរ៍នេះ។
លោក ស៊ិន វ៉ាន់វុធ អភិបាលស្រុកកែវ សីមា ឲ្យVODដឹងថា សត្វដំរីទាំងនោះ ទំនងពួកវាស្វែងរកប្រភពទឹកផឹកហើយក៏នាំគ្នាចុះទៅក្នុងរណ្តៅនោះ ប៉ុន្តែឡើងវិញមិនរួច ខណៈក្នុងរណ្តៅបានរីងទឹកហើយពោលពេញទៅដោយភក់។
បើតាមអាជ្ញាធរមូលដ្ឋាន ពួកគេពិបាកនឹងជួយសង្រ្គោះជាតិសត្វដំរីទាំងនោះដោយសារតែតំបន់នោះនៅឆ្ងាយពិបាកនាំឧបករណ៍ស្ទួចចូលទៅដល់។ប៉ុន្តែអាជ្ញាធរថា ពេលនេះកងកម្លាំងកំពុងកាយដីចេញពីមាត់រណ្តៅភក់ដើម្បីឲ្យដំរីឡើងចេញពីរណ្តៅមានជំរៅខ្ទង់៥ម៉ែត្រនោះ៕