លោកស្រី ស្មីត ជួបសកម្មជននយោបាយដែលជាប់ពន្ធនាគារ

លោកស្រី រ៉ូណា ស្មីត អ្នកតំណាងពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា

អ្នករាយការណ៍ពិសេសរបស់អង្គការសហប្រជាជាតិប្រចាំកម្ពុជានៅព្រឹកនេះ បានទៅ​សួរសុខទុក្ខសកម្មជន​នយោបាយដែល​កំពុងជាប់ពន្ធគារព្រៃស ខណៈដែលលោកស្រី រ៉ូណា ស្មីត បំពេញបេស​កម្មនៅ​កម្ពុជារយៈពេល​១០ថ្ងៃ។

ក្នុងពេលជួបសកម្មគណបក្សសង្រ្គោះជាតិនោះ លោកស្រី រ៉ូណា ស្មីត បានសំដែងទឹក​មុខ​ក្រៀម​ក្រំ នៅពេល​ដែលឃើញស្ថានភាពក្នុង​ពន្ធនាគារចង្អៀត ដោយ​ផ្ទុក​អ្នកទោ​ស១៤នាក់​ក្នុង​មួយបន្ទប់។ នេះជាការឲ្យ​ដឹងពី​សកម្មជនគណបក្សប្រឆាំង។

នេះមិនមែនជាលើកទី១ទេ ដែលលោកស្រី ស្មីត ទៅជួបសួរសុក្ខសកម្មជននយោបាយដែល​ជាប់ពន្ធនាគារ គឺកាលពីលើកមុនៗ ក៏លោកស្រីបានទៅសម្ភាសន៍​អ្នកជាប់ពន្ធនាគារទាំង​នោះ​ដែរ ដោយ​ថាសម្រាប់​ធ្វើ​របាយការណ៍ដាក់ទៅ​កិច្ចប្រជុំ​ក្រុម​ប្រឹក្សាអង្គការសហប្រជាជាតិ។

ស្ថានភាពនៅក្នុងពន្ធនាគារសម្រាប់ «អ្នកទោសនយោបាយ» គឺមានការរិតបន្តឹងជាងមុន តាំងពី​ច្បាប់​គណបក្សនយោបាយដ៏ចម្រូងចម្រាស់​ត្រូវបានលោក ហ៊ុន សែន ស្នើឲ្យ​កែ​ប្រែ​ជាលើក​ទី២​ដោយ​ហាម​ទណ្ឌិត មិនឲ្យទាក់ទងនឹងគណបក្សនយោបាយ​។ នេះជាការអះអាង​របស់​​សកម្ម​ជន​​គណបក្សសង្រ្គោះជាតិ៕ ​

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ