លោកនាយករដ្ឋមន្ត្រី ហ៊ុន សែន នៅថ្ងៃនេះ បានបញ្ចប់ដំណើរទស្សនកិច្ចនៅក្នុងប្រទេសចិន ហើយបន្តដំណើររបស់លោកទៅកាន់ប្រទេសវៀតណាម ដើម្បីចូលរួមវេទិកាសេដ្ឋកិច្ចពិភពលោក។
ក្រោយពេលរៀបចំរដ្ឋាភិបាលអាណត្តិទី៦ហើយ ដំណើរទស្សនកិច្ចដំបូងរបស់លោកនាយករដ្ឋមន្ត្រីហ៊ុន សែន កាលពីថ្ងៃចន្ទទី១០ខែកញ្ញានេះ លោកបានទៅខេត្តខ្វាងស៊ីប្រទេសចិន ដើម្បីចូលរួមបើកពិពណ៌ពាណិជ្ជកម្មចិន-អាស៊ានលើកទី១៥។
តាមគម្រោងនៅថ្ងៃពុធទី១១ខែកញ្ញានេះ លោកនាយករដ្ឋមន្ត្រីបន្តដំណើរទៅកាន់ទីក្រុងហាណូយប្រទេសវៀតណាម ដើម្បីចូលរួមវេទិកាសេដ្ឋកិច្ចពិភពលោក។
