ទំនាក់ទំនងអន្តរជាតិ

លោក ហ៊ុន សែន នឹងជួបជាមួយនាយករដ្ឋមន្រ្តីកូរ៉េខាងត្បូងនារសៀលនេះ

ដោយ វីអូឌី
| ២៦ កញ្ញា ២០១៨
ម៉ោង ១១:៣៣

ព្រឹកថ្ងៃទី ២៦ កញ្ញា ២០១៨ លោក ហ៊ុន សែន បានដឹកនាំគណៈប្រតិភូជាន់ខ្ពស់អញ្ជើញទៅសាធារណរដ្ឋសង្គមនិយមវៀតណាមដើម្បីចូលរួមគោរពវិញ្ញាណក្ខន្ធសព ឯកឧត្តម ត្រាន់ ដាយក្វាង ( Tran Dai Quang) អតីតប្រធានាធិបតីនៃសាធារណរដ្ឋសង្គមនិយមវៀតណាម ដែលបានទទួលមរណៈភាព កាលពីថ្ងៃទី ២១ ខែ កញ្ញា ឆ្នាំ ២០១៨ (រូបភាព៖ ហ្វេសប៊ុកលោក ហ៊ុន សែន)

លោកនាយករដ្ឋមន្ត្រី ហ៊ុន សែន នឹងជួបពិភាក្សាការងារជាមួយ នាយករដ្ឋមន្រ្តីនៃសារធារណរដ្ឋកូរ៉េ នៅក្នុងប្រទេសវៀតណាម នារសៀលថ្ងៃនេះ។

លោកនាយករដ្ឋមន្រ្តី ហ៊ុន សែន បានសរសេរលើទំព័រហ្វេសប៊ុករបស់លោកថា នៅសៀលថ្ងៃទី ២៦ ខែកញ្ញា ឆ្នាំ២០១៨នេះ លោកនឹងជួបពិភាក្សាការងារជាមួយ លោកនាយករដ្ឋមន្រ្តីនៃសារធារណរដ្ឋកូរ៉េ លី ណាក់យៀន (Lee Nak-yeon)បន្ទាប់ពីគោរពវិញាណក្ខណ្ឌ អតីតប្រធានាធិបតីវៀតណាម។

លោក ហ៊ុន សែន បានបញ្ជាក់ថាជំនួបពិភាក្សានេះធ្វើឡើងតាមការស្នើសុំរបស់ លោក លី ណាក់យៀន ប៉ុន្តែមិនបានបញ្ជាក់ពីរបៀបវារៈនោះទេ។

នៅព្រឹកថ្ងៃពុនេះ លោក ហ៊ុន សែន បានដឹកនាំគណប្រតិភូជាន់ខ្ពស់នៃប្រទេសកម្ពុជា ចូលរួមគោរពវិញាណក្ខណ្ឌ អតីតប្រធានាធិបតីវៀតណាម លោក ត្រាន់ ដាយក្វាង ( Tran Dai Quang) ដែលបានទទួលមរណៈភាពកាលពីថ្ងៃទី ២១ ខែកញ្ញា ឆ្នាំ២០១៨ ដោយជំងឺ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។