លោកនាយករដ្ឋមន្ត្រី ហ៊ុន សែន បានស្នើតែងតាំងកូនប្រសាររបស់លោកឈ្មោះសុខ ពុទ្ធិវុធ ឲ្យទទួលតំណែងជារដ្ឋលេខាធិការក្រសួងប្រៃសណីយ៍។
ព្រះរាជក្រឹត្យចុះហត្ថលេខាដោយលោក សាយ ឈុំ ប្រមុខរដ្ឋស្តីទីកាលពីថ្ងៃទី២៩ខែកញ្ញា បានតែងតាំងមន្ត្រីពីររូបជារដ្ឋលេខាធិការក្រសួងប្រៃសណីយ៍តាមការស្នើរបស់លោកហ៊ុន សែន។ មន្ត្រីទាំងពីរនោះមានម្នាក់គឺលោក សុខ ពុទ្ធិវុធ កូនប្រសារលោកហ៊ុន សែន ត្រូវជាស្វាមីលោកស្រី ហ៊ុន ម៉ាលី។
តំណែងថ្មីលោក សុខ ពុទ្ធិវុធ គឺបន្ថែមលើតំណែងរបស់លោកជា ប្រធានក្រុមប្រឹក្សាភិបាលទូរគមនាគមន៍កម្ពុជា ដែលតំណែងប្រធានក្រុមប្រឹក្សាតែងតាំងកាលពីខែមេសាឆ្នាំ២០១៨។