អតីតតំណាងរាស្ត្រគណបក្សសង្គ្រោះជាតិ ដែលជាប់ឆ្នោតកាលពីឆ្នាំ២០១៣ ទទួលមរណភាពនៅរសៀលថ្ងៃព្រហស្បតិ៍នេះ។
តាមហ្វេសប៊ុក លោក មុត ចន្ថា អតីតទីប្រឹក្សា និងជានាយកខុទ្ទកាល័យរបស់លោក កឹម សុខា បានសរសេរសាររំលែកទុក្ខដល់លោក ជាម ចន្នី។
លោកមុត ចន្ថា៖«យើងពិតជាមានការសោកស្តាយ និងអាឡោះអាល័យបំផុតចំពោះការបាត់បង់នូវ ឯកឧត្តម ជាម ចន្នី ដែលជាអ្នកស្នេហាជាតិ ដែលស្ទើរតែពេញមួយជីវិតរបស់ ឯកឧត្តម បានពលិកម្មយ៉ាងធំធេង ដើម្បីបុព្វហេតុរំដោះជាតិមាតុភូមិពីការឈ្លានពានរបស់បរទេស និងដើម្បីបុព្វហេតុលទ្ធិប្រជាធិបតេយ្យ និងសិទ្ធិ សេរីភាពរបស់ប្រជាពលរដ្ឋខ្មែរ នៅព្រះរាជាណាចក្រកម្ពុជាទី២នេះ។ ក្នុងបុព្វហេតុលទ្ធិប្រជាធិបតេយ្យ លោកបានប្រឈមនឹងការគំរាមកំហែងគ្រប់បែបយ៉ាង និងការជាប់ពន្ធនាគារផង។»
លោក ជាម ចន្នី ជាអតីតតំណាងរាស្ត្រជាប់ឆ្នោតកាលពីឆ្នាំ២០១៣នៅមណ្ឌលកំពង់ធំ ហើយបាត់បង់តួនាទីជាតំណាងរាស្ត្រក្រោយពេលគណបក្សសង្គ្រោះត្រូវបានរំលាយកាលពីចុងឆ្នាំ២០១៧។
