ព្រះមហាក្សត្រអំពាវនាវឲ្យពលរដ្ឋគ្រប់និន្នាការរស់នៅក្រោមច្បាប់រដ្ឋធម្មនុញ្ញ

ព្រះមហាក្សត្រនៃព្រះរាជាណាចក្រកម្ពុជា អំពាវនាវឲ្យប្រជាពលរដ្ឋគ្រប់និន្នាការទាំងអស់រស់នៅក្រោមច្បាប់រដ្ឋធម្មនុញ្ញ។

ព្រះករុណា សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា មានព្រះរាជបន្ទូល​បែបនេះ នៅក្នុង​ខួបអនុស្សាវរីយ៍លើកទី៦៥ នៃទិវាបុណ្យឯករាជ្យជាតិ ថ្ងៃទី០៩ ខែវិច្ឆិកានេះ។

ព្រះអង្គមានព្រះរាជបន្ទួលថា៖ «នៅក្នុងឱកាសនេះ ខ្ញុំសូមអំពាវនាវទៅប្រជាពលរដ្ឋគ្រប់មជ្ឈដ្ឋាន សូមរួបរួម សាមគ្គី ជាធ្លុងមួយ ស្ថិតក្នុងដំបូលរដ្ឋធម្មនុញ្ញ និងច្បាប់រដ្ឋ ដើម្បីចូលរួមចំណែកការពារ និងកសាងមាតុភូមិលើគ្រប់វិស័យ»។

គួររំឮកថា ព្រះមហាក្សត្រព្រះបរមរតនកោដ្ឋ នរោត្តម សីហនុ ទាមទារឯករាជ្យបាន​ពីអាណានិគមបារាំង នៅថ្ងៃទី៩ វិច្ឆិកា ឆ្នាំ ១៩៥៣៕