ស្រ្តីវ័យកណ្ដាលម្នាក់ ឲ្យចំណីមាន់បណ្ដើរនិយាយបណ្ដើរថា ការចិញ្ចឹមមាន់ធ្វើឲ្យគ្រួសារគាត់ មានជីវភាពប្រសើរឡើង។
នេះជាការរៀបរាប់របស់អ្នកស្រី បូរ ចាន់រឿន ជាពលរដ្ឋរស់នៅ ភូមិច្រណោល ឃុំថ្មី ស្រុកចិត្របូរី ខេត្តក្រចេះ។ អ្នកស្រី និយាយបន្តថាគាត់នឹងអ្នកភូមិមូយចំនួន បានទទួលគម្រោងគាំទ្រពីអង្គការសេដាក។
អ្នកស្រីថា អង្គការសេដាក បានជួយបណ្ដុះបណ្ដាលក្នងការចិញ្ចឹមសត្វមាន់ ក៏ដូចជាវិធីសាស្រ្តក្នុងការការពារមាន់ជៀសពីជំងឺផ្សេងៗផងដែរ។ អ្នកស្រីបន្ថែមថា អង្គការនេះបានជួយបណ្ដុះបណ្ដាលគាត់ឲ្យចេះ ធ្វើទ្រុងមាន់ឲ្យបានល្អ ចេះធ្វើវ៉ាក់សាំងការពារជំងឺមាន់ ចេះធ្វើចំណីបំប៉នសត្វមាន់ឲ្យវាស៊ីឆាប់ធំ និងគង់វង្ស៕
ដោយ៖ អ្នកស្រី ណេត នឿន