រដ្ឋមន្ត្រីការបរទេសកម្ពុជាលោក ប្រាក់ សុខុន នឹងដឹកនាំគណៈប្រតិភូទៅបំពេញ ទស្សនកិច្ចនៅ ប្រទេសវៀតណាមនៅដើមសប្តាហ៍ក្រោយ ដើម្បីពិភាក្សាពីការលើកកម្ពស់កិច្ចសហ ប្រតិបត្តិការរវាងប្រទេសទាំងពីរ។
តាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការ អន្តរជាតិ កម្ពុជា នៅថ្ងៃនេះ បានឲ្យដឹងថា លោកប្រាក់ សុខុននឹងដឹកនាំគណៈប្រតិភូ ទៅបំពេញទស្សនកិច្ច នៅវៀតណាមពីថ្ងៃទី២៦ដល់ថ្ងៃទី២៧ខែវិច្ឆិកា។
តាមសេចក្តីប្រកាសព័ត៌មាននេះ លោក ប្រាក់ សុខុន នឹងជួបជាមួយលោក ង្វៀន សួនហ្វ៊ុក នាយករដ្ឋមន្ត្រី និងលោក ផាម ប៊ិញមិញ រដ្ឋមន្ត្រីការបរទេសវៀតណាម។ ជំនួបនេះ នឹងផ្តោតលើការពិភាក្សាអំពីមធ្យោបាយលើកកម្ពស់កិច្ចសហប្រតិបត្តិការទ្វេភាគី លើបញ្ហាផ្សេងៗ ដែលមានផលប្រយោជន៍ដល់ប្រទេសទាំងពីរ។
