រដ្ឋមន្ត្រីក្រសួងមហាផ្ទៃ លើកឡើងថា បញ្ហាចំនួនអ្នកជាប់ឃុំពុំមានការថយចុះ បណ្តាលមកពីភាពយឺតយ៉ាវនៃនីតិវិធីក្នុងការជម្រះក្តីនៅតុលាការ។
លោក ស ខេង លើកឡើងបែបនេះ នៅក្នុងពិធីបើកសិក្ខាសាលាផ្សព្វផ្សាយអំពីតួនាទី និងភារកិច្ច របស់គណៈកម្មាធិការជាតិ ប្រឆាំងទារុណកម្មអំពើឃោរឃៅ អំពើអមនុស្សធម៌ អំពើធ្វើទុក្ខបុកម្នេញ និងការអនុវត្តបទដ្ឋានសិទ្ធិមនុស្សអន្តរជាតិ។ យោងតាមគេហទំព័រអគ្គស្នងការដ្ឋានគរបាលជាតិចុះផ្សាយនៅថ្ងៃនេះ។
លោក ស ខេង បញ្ជាក់ថា ក្នុងចំណោមអ្នកជាប់ឃុំទាំងអស់មានទណ្ឌិត ជាង៩ ០០០នាក់ (អ្នកទោស) និងជាង២ម៉ឺននាក់ផ្សេងទៀត ជាអ្នកជាប់ឃុំ មិនទាន់កាត់ទោស រង់ចាំនីតិវិធីតុលាការ៕