បោះឆ្នោត

គ.ជ.ប. ប្រកាសថា ចុះបញ្ជីពលរដ្ឋជាង ៨លាន ៥៤ម៉ឺននាក់នៅឆ្នាំនេះ

លោក ឌិត សុខធី
| ៣១ ធ្នូ ២០១៨
ម៉ោង ១០:៤៩

ការបោះឆ្នោតជ្រើសតាំងតំណាងរាស្ត្រនីតិកាលទី ៦ ថ្ងៃទី២៩ ខែកក្កដា ឆ្នាំ២០១៨ មណ្ឌលក្រុងតាខ្មៅ ខេត្តកណ្ដាល។ (ជន ចាន់រ៉ែន)

គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានប្រកាសថា ពលរដ្ឋជាង ៨លាន ៥៤ម៉ឺននាក់ ត្រូវបានចុះឈ្មោះជាផ្លូវការនៅក្នុងបញ្ជីបោះឆ្នោតឆ្នាំ២០១៨នេះ។

ក្នុងសេចក្ដីប្រកាសព័ត៌មាននៅថ្ងៃនេះ គ.ជ.ប. បានឲ្យដឹងថា ពលរដ្ឋជាង ៨លាន ៥៤ម៉ឺននាក់ ត្រូវបានចុះក្នុងបញ្ជីឈ្មោះបោះឆ្នោតជាផ្លូវការនៅឆ្នាំ២០១៨នេះ ឬត្រូវនឹងចំនួន ៨៦.២៤ភាគរយនៃចំនួនពលរដ្ឋមានសិទ្ធិបោះឆ្នោតចំនួនជាង ៩លាន ៩សែននាក់។

បើតាម គ.ជ.ប. ពលរដ្ឋជាង ១៩ម៉ឺន ៥ពាន់នាក់ ត្រូវបានស្ថាប័នមួយនេះចុះឈ្មោះថ្មី ខណៈដែលគ.ជ.ប. ក៏បានលុបឈ្មោះពលរដ្ឋចេញពីបញ្ជីជាង ៥ម៉ឺន ៦ពាន់នាក់ផងដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។