របាយការណ៍សមត្ថកិច្ចឲ្យដឹងថា មានជនមិនស្គាល់មុខមួយក្រុមបានបាញ់សម្លាប់ព្រះសង្ឃ២អង្គ និង២អង្គទៀតរងរបួសនៅក្នុងខេត្តណារ៉ាត់ធីវ៉ាត់កាលពីយប់ថ្ងៃសុក្រម្សិលមិញ។
អ្នកនាំពាក្យនគរបាលនៅខេត្តណារ៉ាត់ធីវ៉ាត់បានប្រាប់ទីភ្នាក់ងារព័ត៌មានរ៉យទ័រថា ព្រះសង្គដែលសុគតនោះគឺមួយអង្គជាព្រះចៅអធិការវត្ត និងមួយអង្គទៀតជាគ្រូសូត្រ។ សមត្ថកិច្ចសង្ស័យថា មានមនុស្ស៦នាក់ចូលទៅបាញ់ប្រហារនេះ ប៉ុន្តែមិនទាន់កំណត់អត្តសញ្ញាណនៅឡើយទេ។
តំបន់បះបោរនៅភាគខាងត្បូងនៃប្រទេសថៃនៅក្នុងខេត្តយ៉ាឡា ខេត្តណារ៉ាត់ធីវ៉ាត់ និងប៉ាតានី បានផ្ទុះអាវុធជាបន្តបន្ទាប់តាំងពីឆ្នាំ២០០៤ ហើយរហូតដល់បច្ចុប្បន្ននេះ បណ្តាលឲ្យមនុស្សប្រមាណ៦៩០០នាក់ និងជាង១៣០០០នាក់រងរបួស។ គោលដៅនៃការវាយប្រហាររួមមានព្រះសង្ឃ គ្រូបង្រៀន និងមន្ត្រីរាជការ។
ទោះយ៉ាងណាឃាតកម្មនេះ មិនទាន់មានការអះអាងថា តើក្រុមណាមួយជាមួយធ្វើដោយផ្ទាល់ ឬដោយប្រយោលនោះទេ។
