ជប៉ុនប្រកាសផ្តល់ជំនួយឥតសំណងជិត៣លានដុល្លារ ដើម្បីកាត់បន្ថយផលប៉ះពាល់ដែលបណ្តាលមកពីគ្រោះមហន្តរាយ។
យោងតាមសេចក្តីប្រកាសព័ត៌មានរបស់កម្មវិធីស្បៀងអាហារពិភពលោក នៃអង្គកាសហប្រជាជាតិ កាលពីម្សិលមិញ គឺរដ្ឋាភិបាលជប៉ុនគ្រោងនឹងចុះហត្ថលេខាផ្តល់ជំនួយ ដើម្បីកែលម្អបរិស្ថានរស់នៅ ជាពិសេសគ្រោះទឹកជំនន់នៅក្នុងប្រទេសកម្ពុជា។
ប្រភពដដែលបានឲ្យដឹងទៀតថា កម្មវិធីនេះនឹងធ្វើឡើងនៅថ្ងៃទី២១ ខែមីនា ឆ្នាំ២០១៩ នេះ ដែលជប៉ុននឹងផ្តល់ជំនួយហិរញ្ញប្បទានឥតសំណងចំនួន ២លាន៧សែនដុល្លារដល់កម្ពុជា ។
គួររំលឹកផងដែរថា កាលពីថ្ងៃទី១៩ ខែកុម្ភៈ ឆ្នាំ២០១៩ កន្លងទៅ ជប៉ុនបានផ្ដល់ជំនួយដល់កម្ពុជា ក្នុងនោះមានជំនួយឥណទាន និងហរិញ្ញប្បទានឥតសំណងសរុបជាង៤០លានដុល្លារ ដើម្បីអនុវត្តគម្រោងពីរ គឺការពង្រឹងប្រព័ន្ធផ្គត់ផ្គង់ទឹក និងអគ្គិសនី។