របាយការណ៍របស់ក្រសួងធនធានទឹក និងឧតុនិយម បង្ហាញថា នៅថ្ងៃទី១៩ ខែមេសាម្សិលមិញ នៅតាមបណ្តាខេត្តមួយចំនួនមានភ្លៀងខ្លះៗលាយឡំជាមួយខ្យល់កន្ទ្រាក់ ហើយបំផ្លាញផ្ទះប្រជាពលរដ្ឋអស់ជិត២០ខ្នង។
របាយការណ៍បង្ហាញថា នៅក្នុងស្រុកកណ្តាលស្ទឹង ខេត្តកណ្តាល ខ្យល់ធ្វើឲ្យខូចផ្ទះប្រជាពលរដ្ឋអស់១១ខ្នង។ ចំណែកនៅពោធិ៍សាត់៥ខ្នង ព្រៃវែង២ខ្នង រួមទាំងនៅខេត្តកំពង់ស្ពឺ ខូចខាតផ្ទះអស់មួយចំនួនទៀត។
របាយការណ៍ក៏បញ្ជាក់ទៀតថា នៅតាមបណ្តាលខេត្តមួយចំនួនក៏មានភ្លៀងធ្លាក់ខ្លះដែរពីកម្រិតតិចទៅកម្រិតមធ្យម។
កាលពីថ្ងៃទី១៨ ខែមេសា ក្រសួងធនធានទឹក និងឧតុនិយម បានណែនាំឲ្យសាធារណជនមានការប្រុងប្រយ័ត្នខ្ពស់ ចំពោះបាតុភូតខ្យល់កន្ទ្រាក់ និងផ្គររន្ទះចន្លោះពីថ្ងៃទី១៩ ដល់ថ្ងៃទី២៤ ខណៈកម្រិតកើនឡើងទាបបំផុតពី៣៧ ទៅ៤០អង្សា។